രേവതി വിവാഹമോചനം തേടുന്നു

സാമ്പത്തികപ്രശ്നമാണ് വിവാഹമോചനത്തിന് പ്രധാന കാരണമായി പറയുന്നത്. അറിയപ്പെടുന്ന ക്യാമറാമാനായ സുരേഷ് മേനോന് ചിത്രങ്ങളൊന്നുമില്ല. രേവതിയ്ക്കാകട്ടെ സിനിമയില്‍ അവസരങ്ങള്‍ കുറയുകയും ചെയ്തു. ഭര്‍ത്താവ് സുരേഷ് മേനോനെ നായകനാക്കി രേവതി നിര്‍മ്മിച്ച പുതിയ മുഖം എന്ന ചിത്രം ബോക്സോഫീസില്‍ തകര്‍ന്നത് ഇവരുടെ സാമ്പത്തിക തകര്‍ച്ചയ്ക്ക് ഒരു കാരണമായി ചൂണ്ടിക്കാട്ടുന്നു.

രേവതിയാണ് കഴിഞ്ഞ ഏതാനും വര്‍ഷമായി വരുമാനമുണ്ടാക്കുന്നത്. ഈയിടെ രേവതി ഇംഗ്ലീഷില്‍ സംവിധാനം ചെയ്ത മിത്ര് മൈ ഫ്രണ്ട് എന്ന ചിത്രവും ഏറെ ശ്രദ്ധ പിടിച്ചുപറ്റിയിരുന്നു.