കൊച്ചിയില്‍ ഈ ഇന്ത്യന്‍ സുന്ദരി

അവര്‍ മിസിസ്സ് ഇന്ത്യാ മത്സരത്തില്‍ പങ്കെടുക്കാന്‍ തയ്യാറായത് ഭര്‍ത്താവിനു പോലും വിശ്വസിക്കാനായില്ല. ഗ്ലാഡ്റാഗ്സ് മിസിസ് ഇന്ത്യാ മത്സരത്തില്‍ സ്വയം രൂപകല്പനചെയ്ത വസ്ത്രങ്ങള്‍ അണിഞ്ഞാണ് രശ്മി മാതര്‍ പങ്കെടുത്തത്. ദില്ലിയിലെ ഫാഷന്‍ ഇന്‍സ്റിറ്റ്യൂട്ട് ഓഫ് ടെക്നോളജിയില്‍ പഠിച്ച രശ്മി മാതറിന് അത് അനായാസം ചെയ്യാനായി. മത്സരത്തില്‍ രണ്ടാം സമ്മാനവും നേടി.

അതിനിടയില്‍ അമിതാഭ് ബച്ചന്റെ കോന്‍ ബനേഗ ക്രോര്‍പതിയിലും രശ്മി പങ്കെടുത്തു. അത്തരമൊരു ഷോയില്‍ പങ്കെടുക്കുന്നതിന്റെ അനുഭവത്തിന് വേണ്ടി മാത്രമാണ് രശ്മി അതില്‍ പങ്കെടുത്തത്. കിട്ടിയതോ 3.2 ലക്ഷം രൂപയും.

ഇപ്പോള്‍ കൊച്ചിയില്‍ ജീവിക്കുന്ന രശ്മി മാതര്‍ ചില ഹിന്ദി ഡിസ്കുകള്‍ക്ക് ശബ്ദം നല്കുന്നുണ്ട്. ഒപ്പം യോഗയില്‍ കൂടുതല്‍ സമയം ചെലവഴിക്കുന്നു. ഇനിയും രശ്മി മാതര്‍ മോഡിലിംഗിനും ഡിസ്ക് ജോക്കിയാകാനും തയ്യാറാണ്. കാരണം രശ്മിയെ മാതറിനെ സംബന്ധിച്ചിടത്തോളം അനുഭവം തന്നെ പ്രധാനം.