ശില്പാ ഷെട്ടി വിവാദനായിക

ബാംഗ്ലൂരില്‍ ഒരു ഹിന്ദി ചിത്രത്തിന്റെ ഷൂട്ടിംഗ് ലൊക്കേഷനിലാണ് ശില്പാ ഷെട്ടി ഇപ്പോള്‍. തനിയ്ക്കും തന്റെ മാതാപിതാക്കള്‍ക്കും എതിരെ ചില മാധ്യമങ്ങള്‍ രൂക്ഷമായ വിമര്‍ശനം നടത്തിയെന്ന പരാതിയാണ് ശില്പാ ഷെട്ടിക്കുള്ളത്. അധോലോകവുമായി തന്റെ അച്ഛനും അമ്മയ്ക്കും യാതൊരു ബന്ധവുമില്ലെന്ന് ശില്പാ ഷെട്ടി ആണയിട്ട് പറയുന്നു.

പക്ഷെ തെളിവുകള്‍ മുഴുവന്‍ എതിരായി നില്ക്കുമ്പോള്‍ ശില്പാ ഷെട്ടിയുടെ ഈ നിഷേധങ്ങള്‍ എത്രത്തോളം വിലപ്പോകും? അധോലോക ബന്ധത്തിന്റെ ഒരു കഥ കൂടി പുറത്തുവന്നതോടെ ബോളിവുഡിന്റെ മാന്യതയ്ക്ക് വീണ്ടും കളങ്കം പറ്റിയിരിക്കുന്നു. ഒപ്പം ശില്പാ ഷെട്ടിയുടെ സിനിമയിലെ ഭാവിയും ചോദ്യചിഹ്നമാവുകയാണ്.