ഒടുവില്‍ വിന്നിമണ്ടേലയ്ക്ക് തടവ്

നെല്‍സണ്‍ മണ്ടേലയുടെ മുന്‍ ഭാര്യയായ വിന്നി മണ്ടേലയ്ക്ക് 15 വര്‍ഷത്തെ തടവുശിക്ഷയാണ് വിധിച്ചിരിക്കുന്നത്. പ്രിട്ടോറിയ പ്രാദേശിക കോടതിയിലെ മജിസ്ട്രേറ്റ് പീറ്റ് ജോണ്‍സനാണ് ശിക്ഷ വിധിച്ചത്. 43 വഞ്ചനാകേസുകളും 25 കളവ് കേസുകളുമാണ് വിന്നി മണ്ടേലയ്ക്കെതിരെ ഉള്ളത്.

വിന്നി മണ്ടേലയുടെ കൂട്ടാളിയായ അഡ്ഡി മൂല്‍മാന്‍ എന്ന ധനകാര്യദല്ലാള്‍ 25 മോഷണക്കേസുകളിലും 60 വഞ്ചനാക്കേസുകളിലും പ്രതിയാണ്. ജൂലായില്‍ തുടങ്ങിയ വിചാരണയില്‍ 23 സാക്ഷികളെ വിസ്തരിച്ചു. ആഫ്രിക്കന്‍ നാഷണല്‍ കോണ്‍ഗ്രസിന്റെ വനിതാവിഭാഗം പ്രവര്‍ത്തകയാണ് വിന്നി മണ്ടേല. ആഫ്രിക്കന്‍ നാഷണല്‍ കോണ്‍ഗ്രസിന്റെ ഇല്ലാത്ത പ്രവര്‍ത്തകരുടെ പേര് പറഞ്ഞ് സാംബൗ ബാങ്കില്‍ നിന്ന് ലക്ഷങ്ങളുടെ വായ്പ തട്ടിയെടുത്തു എന്നതാണ് ഇവര്‍ക്കെതിരായ പ്രധാന പരാതി. ഈ അഴിമതിയെ തുടര്‍ന്ന് ബാങ്ക് അടച്ചു.