എല്ലാ കിരീടങ്ങളും ചൂടി മാര്‍ട്ടീന

മാര്‍ട്ടിനയുടെ ഈ നേട്ടത്തിലേക്ക് ഇനി ഒരു വനിത ടെന്നീസ് താരം അടുത്തൊന്നും എത്താനിടയില്ല. ഒട്ടാകെ തന്റെ ജീവിതത്തില്‍ മാര്‍ട്ടിന 57 ഗ്രാന്റ് സ്ലാം കിരീടങ്ങള്‍ നേടി. ആദ്യം ഗ്രാന്റ് സ്ലാം കിരീടം നേടുന്ന ഏറ്റവും പ്രായം കുറഞ്ഞ കളിക്കാരിയാകാനാണ് ജീവിതത്തില്‍ മോഹിച്ചത്. അതിന് കഴിഞ്ഞില്ല. ഗ്രാന്റ് സ്ലാം കിരീടം നേടുന്ന ഏറ്റവും പ്രായം കൂടിയ വനിതയാകാനാണ് പിന്നീട് മോഹിച്ചത്. അത് നേടുകയും ചെയ്തു- പകുതി തമാശയോടെ മാര്‍ട്ടിന പറഞ്ഞു. നാല് ദശകങ്ങളോളം അവര്‍ ടെന്നീസ് ലോകത്ത് തിളങ്ങിനിന്നു. മറ്റൊരു കളിക്കാരിയും ഇത്രയും ദീര്‍ഘകാലം പ്രൊഫഷണല്‍ ടെന്നീസില്‍ തിളങ്ങിയിട്ടുണ്ടാവില്ല.

ഈയിടെ അപൂര്‍വ നേട്ടങ്ങള്‍ക്ക് ഉടമയായ മാര്‍ട്ടിനയെ ലോക ടെന്നീസ് അസോസിയേഷന്‍ പ്രത്യേകം ആദരിച്ചു.