395 രൂപയ്ക്ക് ഒരു കേരളട്രിപ്പ് !...2

എങ്കിലും കാല്പനികമായ പുറംകാഴ്ചകള്‍ക്കപ്പുറത്തുള്ള കേരളത്തെ കണ്ടെത്താന്‍ അനിതാനായര്‍ക്ക് ഒരു പരിധിവരെ കഴിഞ്ഞിട്ടുണ്ട്. ഒന്നരക്കൊല്ലം നീണ്ട ശ്രമത്തിന് ശേഷമാണ് അനിതാനായര്‍ ഈ പുസ്തകം പൂര്‍ത്തിയാക്കിയത്.

ഈ പുസ്തകത്തിന് പിന്നില്‍ പ്രവര്‍ത്തിച്ച പെന്‍ഗ്വിന്‍ ബുക്സ് എഡിറ്റര്‍ വി.കെ. കാര്‍ത്തികയെ അഭിനന്ദിക്കാതിരിക്കാന്‍ വയ്യ. കേരളത്തെക്കുറിച്ച് ഒരു പുസ്തകപരമ്പര ഇറക്കാനുള്ള ആലോചനയിലായിരുന്നു പെന്‍ഗ്വിന്‍. അതിന് പകരം കേരളത്തെക്കുറിച്ച് പൊതുവായ ഒരു പുസ്തകമാവാം എന്ന് നിര്‍ദേശിക്കുകയും ആ ജോലി അനിതാനായരെ ഏല്പിക്കുകയും ചെയ്തത് കാര്‍ത്തികയാണ്.

അനിതാനായര്‍ അതിവേഗം ഇംഗ്ലീഷ് സാഹിത്യലോകത്ത് ഉദിച്ചുയര്‍ന്നുകൊണ്ടിരിക്കുന്ന എഴുത്തുകാരിയാണ്. ബെറ്റര്‍മാന്‍, ലേഡീസ് കൂപ്പെ എന്നിവയാണ് അനിതാ നായരുടെ ആദ്യ ഇംഗ്ലീഷ് നോവലുകള്‍ ഏറെ ചര്‍ച്ച ചെയ്യപ്പെട്ടിരുന്നു.

ടൂറിസം ഭൂപടത്തില്‍ കൂടുതലായി തെളിഞ്ഞുകൊണ്ടിരിക്കുന്ന കേരളത്തിന് ഈ പുസ്തകം ഒരു മുതല്‍ക്കൂട്ടാകും. കേരളത്തെക്കുറിച്ച് കൂടുതലറിയാന്‍ ആഗ്രഹിക്കുന്ന വിദേശികള്‍ക്ക് ഈ പുസ്തകത്തിലൂടെ വൈകാരികമായി കേരളത്തെ അനുഭവിക്കാനാകും.