ലളിതകലകളിലേക്ക് സുഗമയാത്ര...

കര്‍ണ്ണാടകസംഗീതത്തെക്കുറിച്ച് എളുപ്പത്തില്‍ കാര്യങ്ങള്‍ മനസ്സിലാക്കാവുന്ന പുസ്തകം വിപണിയില്‍ ഏറെ പ്രിയങ്കരമാണ്. കര്‍ണ്ണാടകസംഗീതത്തോട് കൂടുതലടുക്കാന്‍ എന്ന പുസ്തകത്തിന്റെ വില 35 രൂപയാണ്. ശ്രുതിയെപ്പറ്റിയും കച്ചേരിയെപ്പറ്റിയും ഈ പുസ്തകം പ്രതിപാദിക്കുന്നു. ഒപ്പം കര്‍ണ്ണാടക പാഠ്യപദ്ധതിയെപ്പറ്റി ക്രമാനുഗത വിവരണവും ഉണ്ട്.

സംഗീതത്തെക്കുറിച്ചും നൃത്തത്തെക്കുറിച്ചും കൂടുതല്‍ അറിയാനാഗ്രഹിക്കുന്നവര്‍ക്ക് വേണ്ടിയാണ് ഈ പുസ്തകങ്ങളെന്ന് വിദ്യാ ഭവാനി സുരേഷ് പറയുന്നു. നേരത്തെ സംഗീതത്തിലെ കണക്ക്, നൃത്തം, രാഗം- അവയുടെ ശാസ്ത്രവും കണക്കും എന്നീ രണ്ട് പുസ്തകങ്ങളും വിദ്യാ ഭവാനി സുരേഷ് എഴുതിയിട്ടുണ്ട്. ഒരു സ്വകാര്യകമ്പനിയില്‍ സെക്രട്ടറിയായി ജോലി ചെയ്യുകയാണ് വിദ്യാ ഭവാനി സുരേഷ്. നാട്യകലകള്‍ പഠിപ്പിക്കുന്ന സ്കന്ദ സ്കൂളിന്റെ ഡയറക്ടര്‍ കൂടിയാണ് വിദ്യാഭവാനി സുരേഷ്.