ഡയല്‍ എ സോങ്ങിനോട് വിട...

പരസ്യചിത്രങ്ങളില്‍ മോഡലായാണ് സൂര്യയുടെ തുടക്കം. സ്കൂള്‍ തലത്തില്‍ നൃത്തത്തിലും പ്രസംഗമത്സരത്തിലും മൈമിലും സമ്മാനങ്ങള്‍ വാരിക്കൂട്ടിയ സൂര്യ ശാസ്ത്രീയനൃത്തത്തില്‍ പരിശീലനം നേടിയിട്ടുണ്ട്. റോളര്‍ സ്കേറ്റിംഗ് മത്സരത്തില്‍ കേരളത്തെ പ്രതിനിധീകരിച്ച് ദേശീയ മത്സരത്തില്‍ സൂര്യ പങ്കെടുത്തിട്ടുണ്ട്.

എന്നാല്‍ കൈരളി ടിവിയുടെ സഹയത്തോടെ ഡയല്‍ എ സോംഗ് പരിപാടിയുടെ അവതാരികയായി എത്തിയതോടെയാണ് സൂര്യ ശ്രദ്ധേയയായത്. സിനിമയിലേക്കും ടിവി സീരിയലുകളിലേക്കും ക്ഷണം വരുന്നുണ്ടെങ്കിലും പഠനത്തില്‍ ശ്രദ്ധകേന്ദ്രീകരിക്കണമെന്നതിനാല്‍ സൂര്യ അതെല്ലാം നിഷേധിച്ചു. ഇനി സൂര്യയെ എങ്ങിനെ കാണും? സൂര്യയുടെ ആരാധകരായ പ്രേക്ഷകരുടെ മനസ്സില്‍ ഇങ്ങിനെയൊരു ചോദ്യം ഉണ്ടെങ്കില്‍ അതിനൊരു പോംവഴിയാണ് സൂര്യയുടെ സ്വന്തം വെബ്സൈറ്റ്. (www.kidtalks.com). വെബ് ഡിസൈനറായ സൂര്യയുടെ അമ്മതന്നെയാണ് ഈ വെബ്സൈറ്റ് തയ്യാറാക്കിയത്.