വനിതകള്‍ക്ക് നിയമപഠനകോളെജ്

ലാ കോളെജിന്റെ ഉദ്ഘാടനം കര്‍ണാടക ഗവര്‍ണര്‍ വി.എസ്. രമാദേവി നിര്‍വഹിക്കും. ആര്‍ട്സ് വിഷയങ്ങള്‍ക്ക് തൊഴിലവസരങ്ങള്‍ കുറഞ്ഞതിനാല്‍ വിദ്യാര്‍ത്ഥിനികളില്‍ താല്പര്യം കുറഞ്ഞുവരുന്നുണ്ട്. ഈ വസ്തുത കണക്കിലെടുത്താണ് ലോ കെളെജ് എന്ന ആശയം ഉണ്ടായതെന്ന് കോളെജ് പ്രിന്‍സിപ്പല്‍ ഡോ. എലിസബത്ത് എസ്. തോമസ് അറിയിച്ചു.

ബാംഗ്ലൂര്‍ സര്‍വകലാശാലയുടെ കീഴിലായിരിക്കും കോളെജ്. അഞ്ചുവര്‍ഷ എല്‍എല്‍ബി കോഴ്സായിരിക്കും ഇവിടെ. മറ്റ് പഠനവിഷയങ്ങളായി കമ്പ്യൂട്ടറും സൈക്കോളജിയും ഉള്‍പ്പെടുത്തിയിട്ടുണ്ട്. പത്ത് സെമസ്ററായാണ് കോഴ്സ് നടത്തുക. ഇതില്‍ ആറ് സെമസ്റര്‍ പൂര്‍ത്തിയാക്കുന്നവര്‍ക്ക് ബിഎ നിയമബിരുദം നല്കും. ഓരോ വര്‍ഷവും 80 പേര്‍ക്കായിരിക്കും പ്രവേശനം. ഇക്കുറി ഇതിനകം 45 പേര്‍ ചേര്‍ന്നു കഴിഞ്ഞു. വര്‍ഷം 11,000 രൂപയാണ് ഫീസ്.

ആഗസ്ത് അവസാനം വരെ പ്രവേശനം നല്കും.