സ്ത്രീകളുണരുന്ന സമൂഹം സ്വപ്നം കണ്ട്....

1995ല്‍ ലിസി നേര്യമംഗലം ഡിവിഷനില്‍ നിന്ന് എറണാകുളം ജില്ലാപഞ്ചായത്തിലേക്ക് മത്സരിച്ച് വിജയിച്ചു. അഞ്ചുവര്‍ഷത്തിന് ശേഷം പോത്താനിക്കാട് ഡിവിഷനിലെ ജനങ്ങള്‍ കൂടുതല്‍ ഭൂരിപക്ഷത്തോടെ ലിസിയെ ജില്ലാപഞ്ചായത്തിലേക്ക് അയച്ചു. പത്ത് വര്‍ഷം അടിത്തട്ടിലെ ജനങ്ങളുമായി ഇടപഴകിയപ്പോള്‍ ലിസിയുടെ ജീവിതവീക്ഷണം കൂടുതല്‍ ദൃഢമായി. എറണാകുളം ജില്ലാ പഞ്ചായത്ത് ഹെല്‍ത്ത് സ്റാന്‍ഡിംഗ് കമ്മിറ്റി ചെയര്‍പേഴ്സണായിരിക്കുമ്പോഴാണ് സംസ്ഥാനവനിതാകമ്മീഷന്‍ അംഗമായി ലിസിയെ തിരഞ്ഞടുത്തത്.

വനിതാകമ്മീഷനില്‍ അംഗമായി തിരഞ്ഞെടുക്കപ്പെട്ടതോടെ ലിസി കൂടുതല്‍ ഭാരിച്ച ഉത്തരവാദിത്വത്തെക്കുറിച്ച് ബോധവതിയാണ്. സ്ത്രീകളുടെ പൊതുപ്രശ്നങ്ങള്‍ക്ക് പരിഹാരം കാണാന്‍ വനിതാകമ്മീഷന്‍ പരിശ്രമിക്കണമെന്ന അഭിപ്രായക്കാരിയാണ് ലിസി. വനിതാകമ്മീഷനില്‍ കെട്ടിക്കിടക്കുന്ന പതിനായരിക്കണക്കിന് കേസുകള്‍ക്ക് പരിഹാരമുണ്ടാക്കാന്‍ ശ്രമിക്കുകയാണ് ലിസിയിപ്പോള്‍.

വനിതാകമ്മീഷന്‍ അംഗമായ ലിസിയുടെ സ്വപ്നം കാണുന്നത് സ്ത്രീകളുണരുന്ന ഒരു സമൂഹത്തെയാണ്. അന്നാണ് സമൂഹത്തിന് യഥാര്‍ത്ഥമോചനമുള്ളൂ എന്നും ലിസി കരുതുന്നു.