ഇന്ത്യ- ദേവദാസികളുടെ നാട്...

ദേവദാസി സമ്പ്രദായം ഇന്ത്യയിലെ ഒരു മതാചാരമാണ്. അന്ധമായ മതാചാരം എന്നു വിളിക്കുന്നതായിരിക്കും ശരി. അച്ഛനമ്മമാര്‍ മകളെ ഒരു ദേവതയ്ക്കോ ഒരു ക്ഷേത്രത്തിനോ വിവാഹം കഴിച്ചുകൊടുക്കുന്ന രീതിയാണ് ദേവദാസി സമ്പ്രദായം. ഈ പെണ്‍കുട്ടി പിന്നീട് ദൈവത്തിന്റെ ദാസിയായി ശേഷജീവിതം നയിക്കുന്നു. പെണ്‍കുട്ടി ഋതുമതിയാകുന്നതിന് മുമ്പേ അച്ഛനമ്മമാര്‍ ദൈവവുമായി അവളുടെ വിവാഹം നടത്തിയിരിക്കും.

പിന്നീട് അവള്‍ക്ക് വിവാഹമോ കുടുംബജീവിതമോ വിധിച്ചിട്ടില്ല. ചെമ്പുവളകള്‍, കഴുത്തിലണിയുന്ന പ്രത്യേകമാല, നീളന്‍ നെക്ലേസ്, ദേവതകളുടെ രൂപം കൊത്തിയ പതക്കങ്ങള്‍ എന്നിവ ദേവദാസികള്‍ ധരിക്കുന്നു.

പക്ഷെ 1998ല്‍ ഇന്ത്യയില്‍ ദേവദാസി സമ്പ്രദായം നിയമം മൂലം നിരോധിച്ചു. എങ്കിലും ആന്ധ്ര, കര്‍ണാടക, മഹാരാഷ്ട്ര എന്നീ മൂന്നു സംസ്ഥാനങ്ങളിള്‍ ഇപ്പോഴും ദേവദാസികള്‍ ഉണ്ടെന്നാണ് കഴിഞ്ഞദിവസം ലോക്സഭയില്‍ അവതരിപ്പിച്ച കണക്ക് സൂചിപ്പിക്കുന്നത്. ആന്ധ്രയില്‍ 16,624ഉം കര്‍ണാടകയില്‍ 15,489ഉം മഹാരാഷ്ട്രയില്‍ 5,496ഉം ദേവദാസികള്‍ ആണുള്ളത്.

ഇന്ത്യക്കാരനോട് ലജ്ജിച്ചു തലതാഴ്ത്താനല്ലാതെ, എന്തു പറയും?