അമ്മമാരെ അറിയാന്‍...

പക്ഷെ അപ്പോഴാണ് കേരളത്തിലെ മാതൃത്വം അന്നയുടെ ശ്രദ്ധയില്‍ പെട്ടത്. കേരളത്തിലെ അമ്മമാരില്‍ എന്തോ ചില പ്രത്യേകതകള്‍ അന്നയ്ക്ക് അനുഭവപ്പെട്ടു. പിന്നീട് ആശ്രമങ്ങളില്‍ നിന്നും അമ്മമാരിലേക്ക് അന്ന തിരിഞ്ഞു. അമ്മമാരുടെ, മാതൃത്വത്തിന്റെ പൊരുള്‍ തേടി കേരളീയ ഗ്രാമങ്ങളിലൂടെ അന്ന യാത്രചെയ്തു.

വീടുകളില്‍, പാവപ്പെട്ടവരുടെയും പണക്കാരുടെയും, അന്തിയുറങ്ങി, അമ്മമാരുടെ ദിനചര്യകള്‍ നേരിട്ട് കണ്ടാട് അന്ന എല്ലാം മനസ്സിലാക്കാന്‍ ശ്രമിക്കുന്നത്. പലപ്പോഴും അമ്മമാര്‍ അറിയാതെയാണ് അന്ന അവരെ നിരീക്ഷിക്കുന്നത്. ഞാന്‍ അവരെക്കുറിച്ച് പഠിക്കാനാണ് വന്നതെന്ന് അവരറിഞ്ഞാല്‍ എല്ലാം കൃത്രിമത്വമാകും. അവരുടെ സംസ്കാരം, ആചാരം എന്നിവ നിരീക്ഷിച്ച് പഠിക്കാനാണ് എന്റെ ശ്രമം- അന്ന പറയുന്നു.

രാവിലെ എഴുന്നേറ്റ് വീട് വൃത്തിയാക്കുന്നത്, കിണറ്റില്‍ നിന്ന് വെള്ളം കോരുന്നത്, വീട് ദിവസവും തുടച്ച് വൃത്തിയാക്കുന്നത്, രാവിലെയും സന്ധ്യയ്ക്കും വിളക്ക് തെളിയിക്കുന്നത്... എല്ലാം അന്ന ഇതിനകം ഹൃദിസ്ഥമാക്കിക്കഴിഞ്ഞു.

മുത്തശിമാര്‍ ഈ പ്രായത്തിലും രാവിലെ എഴുന്നേറ്റ് വീട് അടിച്ച് വാരി വെള്ളം തളിയ്ക്കുന്നതും അന്നയ്ക്ക് അത്ഭുതക്കാഴ്ചയായിരുന്നു. കേരളത്തിലെ അമ്മമാരുടെ നിഷ്കളങ്കതയും അന്നയെ വല്ലാതെ ആകര്‍ഷിച്ചു.