സ്ത്രീകള്‍ക്കെതിരായ കുറ്റകൃത്യം വര്‍ധിക്കുന്നു

കൃത്യമായി 4012 പരാതികളാണ് 2001ല്‍ ദേശീയ വനിതാകമ്മീഷന്റെ മുമ്പാകെ എത്തിയത്. സ്ത്രീധന പീഡനം, മരണം, വിവാഹതര്‍ക്കം, പൊലീസ് പീഡനം, ബലാത്സംഗം, ശാരീരിക പീഡനം, വിവാഹമോചനം, അവഗണന തുടങ്ങി വ്യത്യസ്തങ്ങളായ പരാതികളാണ് വന്നത്.

ഇതില്‍ 1053 കേസുകളും സ്ത്രീധന പീഡനവും അതിനെ തുടര്‍ന്നുണ്ടായ മരണങ്ങളുമാണ്. 792 പീഡനക്കേസുകളും 346 വിവാഹശേഷം ഉപേക്ഷിച്ച കേസുകളും വന്നു.

141 സ്വത്തവകാശക്കേസുകളും പരാതികളുടെ കൂട്ടത്തില്‍ പെടുന്നു. ബലാത്സംഗം(154), ശാരീരികോപദ്രവമേല്പിക്കല്‍(43), തട്ടിക്കൊണ്ടുപോകല്‍(85), ജോലിസ്ഥലത്തെ പീഡനം(173), വിവാഹസംബന്ധതര്‍ക്കം(50), കൊലപാതകം(144), പൊലീസ് അവഗണന(174), പൊലീസ് പീഡനം(158), ലൈംഗിക പീഡനം(158), വിവാഹമോചനം(2), കുട്ടികളെ കസ്റഡിയില്‍വയ്ക്കല്‍(2), ദ്വിഭര്‍തൃത്വം(67) എന്നിവയാണ് മറ്റ് പരാതികള്‍. ഇതിനു പുറമെ 535 മറ്റ് പൊതുപരാതികള്‍ കൂടി ലഭിച്ചു.