എം.ഡി. ആറിന്റെ മകള്‍ ഹോളിവുഡില്‍

ഹോളിവുഡ് സിനിമയില്‍ ഇതിന് മുമ്പും ഗീത സാന്നിധ്യമറിയിച്ചിട്ടുണ്ട്. ഐമാക്സ് എന്ന നിര്‍മ്മാണവിതരണക്കമ്പനിയുടെ ബാനറില്‍ പുറത്തിറങ്ങിയ ദി എവറസ്റ് എന്ന സിനിമ തുടങ്ങുന്നത് ഗീത വീണയില്‍ വായിച്ച ഒരു സംഗീതശകലത്തോടെയാണ്. പ്രശസ്ത ഗിത്താറിസ്റ് ആന്റി സമ്മേഴ്സിനൊപ്പം ഗീത പാടിയിട്ടുണ്ട്.

എങ്ങിനെയാണ് ഗീത ഹോളിവുഡിലേക്ക് വന്നത്? അതിന് കാരണം ഗീതയുടെ മകന്‍ ആനന്ദും ഭര്‍ത്താവ് ബെനറ്റുമാണ്. മാസത്തില്‍ ഒരിയ്ക്കല്‍ ഗീതയുടെ വീട്ടില്‍ സംഗീതഒത്തുചേരലുകള്‍ നടക്കാറുണ്ട്. ഇതില്‍ പങ്കെടുക്കാനെത്തിയ ജെഫ് ആത്മാജിയന്‍ ആണ് ആദ്യമായി ഗീതയുടെ വീണ വായന കേട്ട് അതില്‍ ആകൃഷ്ടനായത്. വീണയേക്കാള്‍ സ്വന്തം ശബ്ദത്തില്‍ പാടാനാണ് ഗീതയ്ക്കിഷ്ടം. അന്ന് ഗീത കുറെ പാടുകയും ചെയ്തു. ജെഫ് ആത്മാജിയന്‍ ആണ് ആദ്യമായി ഗീതയെ ഹോളിവുഡിലേക്ക് ക്ഷണിച്ചത്.

ഗീതയുടെ ഭര്‍ത്താവ് ഫ്രാങ്ക് ബെനറ്റ് ഒരു താളവാദ്യവിദഗ്ധനാണ്. ഗീതയോടൊപ്പം നിരവധി രാജ്യങ്ങളില്‍ ഫ്രാങ്ക് ബെനറ്റ് സംഗീതപരിപാടികള്‍ നടത്തിയിട്ടുണ്ട്.

ഹോളിവുഡില്‍ എത്തിയ ഗീതയ്ക്ക് സംഗീതത്തില്‍ ഒരു ചെറിയ,വലിയ മോഹമുണ്ട്. തമിഴ്സിനിമയില്‍ പാടുക എന്നതാണ് ഈ മോഹം. റഹ്മാനിലൂടെത്തന്നെ ഗീതയുടെ ഈ അഭിലാഷം പൂര്‍ത്തീകരിക്കപ്പെടുമെന്ന് നമുക്ക് മോഹിക്കാം.