അരുന്ധതിയുടെ യുദ്ധം...2

പിന്നീട് ദില്ലിയിലെത്തിയ അരുന്ധതിയെ ചലച്ചിത്രസംവിധായകന്‍ പ്രദീപ് കിഷന്‍ തന്റെ സിനിമയില്‍ അഭിനയിപ്പിച്ചു. പിന്നീട് പ്രദീപ് കിഷനെ അരുന്ധതീ റോയി വിവാഹം കഴിച്ചു. അരുന്ധതിയുടെ രണ്ടാമത്തെ വിവാഹം. രണ്ടുമൂന്നു സിനിമകളില്‍ അഭിനയിച്ചു. 1994ല്‍ ശേഖര്‍ കപൂറിന്റെ ബാന്റിറ്റ് ക്വീന്‍ എന്ന സിനിമയെ വിമര്‍ശിച്ച് എഴുതിയ ലേഖനമാണ് അരുന്ധതിയെ ശ്രദ്ധേയയാക്കിയത്. ആ രചനയുടെ പ്രചോദനത്തില്‍ തുടര്‍ന്നെഴുതിയ നോവലാണ് ലോകമാകെ കൊണ്ടാടപ്പെട്ട ദി ഗോഡ് ഓഫ് സ്മോള്‍ തിംഗ്സ്. കേരളത്തില്‍ അനുഭവിച്ച ബാല്യകാലത്തിന്റെ സ്വപ്നസമാനമായ വിവരണമാണ് ഗോഡ് ഓഫ് സ്മോള്‍ തിംഗ്സ്.

ബുക്കര്‍ സമ്മാനം വാങ്ങിയതിനു ശേഷം നടത്തിയ മറുപടി പ്രസംഗത്തില്‍ അരുന്ധതീ റോയ്യുടെ പറഞ്ഞു: എന്റെ പുസ്തകമാണ് ഏറ്റവും നല്ലതെന്ന് ഞാന്‍ അവകാശപ്പെടുന്നില്ല. ഏറ്റവും ഭാഗ്യമുള്ള പുസ്തകം എന്റേതാണെന്നു മാത്രം പറയാം. അതെ, എല്ലാ ഭൗതിക നേട്ടങ്ങളെയും നിസ്സാരമായിക്കാണാന്‍ കഴിയുന്ന അരുന്ധതിയുടെ ആ ഹൃദയത്തില്‍ നിന്നും ലോകം കൂടുതല്‍ പ്രതീക്ഷിക്കുന്നു.