അച്ചാമ്മ ജോസഫിന് അവാര്‍ഡ്

ദില്ലിയില്‍ നടന്ന ചടങ്ങില്‍ കേന്ദ്ര ഐടി-വാര്‍ത്താവിനിമയ മന്ത്രി പ്രമോദ് മഹാജന്‍ ഈ അവാര്‍ഡുകള്‍ വിതരണം ചെയ്തു. തോട്ടവിളകളുടെ ഫലപ്രദമായ കൃഷിയ്ക്കും വിളവെടുപ്പിനും കര്‍ഷകനെ സഹായിക്കുന്ന പ്രൊഡക്ട്- ഹാര്‍വെസ്റ് ഐടി എന്ന സോഫ്റ്റ്വെയര്‍ വികസിപ്പിച്ചെടുത്തതിലൂടെയാണ് അച്ചാമ്മയുടെ എസ്എസ്എല്‍ എന്ന കമ്പനി നേട്ടം കൊയ്തത്. ഒട്ടേറെ വിദേശരാജ്യങ്ങളില്‍ തേയില, റബര്‍, കാപ്പി, ചണം, കരിമ്പ്, എണ്ണപ്പന, പുകയില തുടങ്ങിയ കൃഷികള്‍ക്ക് എസ്എസ്എലിന്റെ സോഫ്റ്റ്വെയര്‍ ഉപയോഗിക്കുന്നു.

മുന്തിരിത്തോട്ടം, വാഴകൃഷി, പൂകൃഷി എന്നിവയ്ക്കും അനുയോജ്യമായ രീതിയില്‍ പ്രൊഡക്ട്- ഹാര്‍വെസ്റ് ഐടി എന്ന സോഫ്റ്റ്വെയറിന്റെ ഭേദഗതി ചെയ്ത പതിപ്പും എസ്എസ്എല്‍ വിപണിയിലിറക്കിയിട്ടുണ്ട്.