അവകാശപ്രഖ്യാപനത്തിന്റെ ദിവസം...

1901 ല്‍ ഡന്മാര്‍ക്കിന്റെ തലസ്ഥാനമായ കോപ്പന്‍ഹേഗനില്‍ ചേര്‍ന്ന വിമണ്‍സ് സോഷ്യലിസ്റ്റ് ഇന്റര്‍നാഷണലാണ് 1857 ലെ സമരത്തിന്റെ സ്മരണയ്ക്കായി മാര്‍ച്ച് എട്ട് അന്താരാഷ്ട്ര വനിതാ ദിനമായി ആചരിക്കാന്‍ തീരുമാനിച്ചത്.

1975 അന്തരാഷ്ട്ര വനിതാ വര്‍ഷമായി ആചരിക്കാന്‍ ഐക്യരാഷ്ട്ര സഭ തീരുമാനിച്ചു. അന്ന് മുതല്‍ മാര്‍ച്ച് എട്ട് ഐക്യരാഷ്ട്ര സഭയുടെ ആഭിമുഖ്യത്തില്‍ അന്താരാഷ്ട്ര വനിതാ ദിനമായി ആചരിച്ചു വരുന്നു.

ലോകസമധാനവും സാമൂഹ്യവികസനവും സ്വാതന്ത്യ്രവും അടിസ്ഥാനാവകാശങ്ങളും പൂര്‍ണ്ണ തോതില്‍ യാഥാര്‍ത്ഥ്യമാകണമെങ്കില്‍ ,അടിച്ചമര്‍ത്തപ്പെടുന്ന സ്ത്രീത്വം ഉണരണമെന്നും എല്ലാ രംഗത്തും സ്ത്രീ-പുരുഷ സമത്വം വേണമെന്നും ,സ്ത്രീ പുരോഗമിക്കണമെന്നും ഐക്യരാഷ്ട്ര സഭയുടെ വനിതാദിനം ആഘോഷിക്കാനുള്ള തീരുമാനമെടുത്തു കൊണ്ടുള്ള നയരേഖ വ്യക്തമാക്കുന്നു.

എന്നാല്‍ ലോകമെമ്പാടുമുള്ള സ്ത്രീകള്‍ക്ക് വനിതാദിനം കൂടുതല്‍ വിശാലമായ അര്‍ത്ഥത്തിലുള്ളതാണ്. സ്ത്രീ-പുരുഷ സമത്വം കൈവരിക്കുന്നതില്‍ അവള്‍ എത്രമാത്രം വിജയിച്ചു..?, സമാധാന-വികസന ലക്ഷ്യങ്ങള്‍ പൂര്‍ത്തീകരിക്കപ്പെട്ടോ..?എന്നീ ചോദ്യങ്ങള്‍ക്ക് ഉത്തരം നേടാനുള്ള ദിവസം കൂടിയാണിത്. അര്‍ത്ഥവത്തായ മാറ്റങ്ങള്‍ക്കു വേണ്ടി സ്ത്രീശക്തി ഉണര്‍ന്നെണീക്കേണ്ട ദിവസം...

അടുത്ത കാലത്തായി സത്രീകള്‍ ഏറെ പുരോഗമിച്ചിട്ടുണ്ട്. മിക്ക രംഗങ്ങളിലും പുരുഷനൊപ്പം തോള്‍ ചേര്‍ന്നു നില്‍ക്കാന്‍ സ്ത്രീക്കായി. കരുത്തുറ്റ നേതൃത്വം സ്ത്രീകളില്‍ നിന്നു തന്നെ വന്നു...എന്നാല്‍ ഇനിയുമെത്രയോ സ്ത്രീ മുന്നേറേണ്ടതുണ്ട്...ഈ വനിതാദിനത്തില്‍ പുത്തനുണര്‍വോടെ സ്ത്രീ ശക്തി മുന്നേറുമെന്ന് പ്രതീക്ഷിക്കാം...