സമ്മാനങ്ങള്‍ വാങ്ങുമ്പോള്‍...

സമ്മാനം വാങ്ങുന്ന കാര്യത്തിലും ഈ പഴഞ്ചൊല്ല് ഓര്‍ക്കുക. സ്വന്തം സാമ്പത്തിക സ്ഥിതിക്ക് ഇണങ്ങുന്ന സാധനങ്ങളേ വാങ്ങാവൂ.

ഔചിത്യം

ആര്‍ക്കാണ് നല്‍കുന്നതെന്നും അയാള്‍ക്ക് നാം കൊടുക്കുന്ന സാധനം ഇണങ്ങുമോ അല്ലെങ്കില്‍ ഉപയോഗപ്രദമാകുമോ എന്ന് ആലോചിക്കുക.

അഭിരുചി

സമ്മാനം സ്വീകരിക്കുന്നയാളുടെ അഭിരുചി കൂടി കണക്കിലെടുത്തു വേണം സമ്മാനം വാങ്ങേണ്ടത്.

മുന്‍കൂട്ടി വാങ്ങുക

സമ്മാനം കൊടുക്കേണ്ട അവസരത്തിനും ഒരാഴ്ച മുമ്പെങ്കിലും സമ്മാനം വാങ്ങി വായ്ക്കുക. ധൃതി പിടിച്ച് വാങ്ങാന്‍ പോയാല്‍ ഉദ്ദേശിക്കുന്ന രീതിയില്‍ ഒന്നും നടക്കണമെന്നില്ല.

ആവശ്യം

കൊടുക്കുന്ന ആളിന്റെ ആവശ്യമെന്തെന്നു മനസ്സിലാക്കി ,സമ്മാനം നല്‍കിയാല്‍ നന്നായിരിക്കും. അലങ്കാരം നല്ലതാണ്. എന്നാല്‍ അതിലും നല്ലതാണ് ആവശ്യമെന്ന് മനസ്സിലാക്കുക. കളിരൂപങ്ങളോ , ഷോകേസ് വസ്തുക്കളോ വാങ്ങി നല്‍കുന്നതിനേക്കാള്‍ നല്ല ഗൃഹോപകരണങ്ങള്‍ എന്തു കൊണ്ടും അഭികാമ്യമായിരിക്കും.

മനസ്സറിയുക

കൊടുക്കേണ്ടയാളുടെ മനസ്സറിയുക പ്രധാനം. അടുത്ത ബന്ധുവിനോ അടുത്ത സുഹൃത്തിനോ സമ്മാനം നല്‍കാന്‍ ഉദ്ദേശിക്കുന്നുവെങ്കില്‍ ,നയത്തില്‍ അവരുടെ മനസ്സറിയാന്‍ ശ്രമിക്കുക. ഇഷ്ടങ്ങളും മുന്‍ ഗണനകളും. ഇക്കാര്യത്തില്‍ നേരിട്ടു ചോദിക്കുന്നതിനും മടി വേണ്ട.

പണവും ആകാം

പണം സമ്മാനമായി നല്‍കുന്നത് ഒരു കുറച്ചിലായി കരുതേണ്ടതില്ല. പണത്തിന് ബുദ്ധിമുട്ടുന്നവരാണെങ്കില്‍ അതവര്‍ക്ക് ഒരു അനുഗ്രഹമാകും. രൂപ നേരിട്ടു നല്‍കാന്‍ സങ്കോചമുണ്ടെങ്കില്‍ ഗിഫ്റ്റ് ചെക്കുകളാകാം. അതല്ലെങ്കില്‍ നിക്ഷേപ പത്രങ്ങളാകാം.

ഭാര്യയ്ക്ക് അല്ലെങ്കില്‍ ഭര്‍ത്താവിന് ...

സര്‍പ്രൈസ് ഗിഫ്റ്റ് നല്‍കി ഇളിഭ്യരാകരുതേ...മറ്റേ പാതിയുടെ മനമറിഞ്ഞ് സര്‍പ്രൈസ് വരുത്തിക്കോ...അല്ലെങ്കില്‍ രണ്ടു പേരും കൂടി ഒരു സര്‍പ്രൈസ് ഷോപ്പിംഗ് നടത്തി ഇഷ്ടമുള്ള സാധനം വാങ്ങുന്നതായിരിക്കും ഉചിതം.