സോഫ്റ്റ് വെയറില്‍ വിജയം കൊയ്ത മലയാളി വനിത

ഏഷ്യ- ദക്ഷിണ പസിഫിക് മേഖലയില്‍ രണ്ടായിരാമാണ്ടിലെ മികച്ച ബിസിനസ് സൊലൂഷന്‍ മൈക്രസോഫ്റ്റ് ഫ്യൂഷന്‍ അവാര്‍ഡും മൈക്രോസോഫ്റ്റ് ബാക്ക് ഓഫീസ് സാക്ഷ്യപത്രവും സോഫ്റ്റ് സിസ്റ്റംസിന് ലഭിച്ചു.

തോട്ടങ്ങളുടെ മാനേജ്മെന്റിന് ഉപയുക്തമായ സോഫ്ററ് വെയര്‍ വികസിപ്പിച്ചെടുത്തതിനാണ് ഈ അവാര്‍ഡ്. ഹാര്‍വെസ്റ്റ് ഐ.ടി എന്ന ഈ സോഫ്റ്റ് വെയര്‍ ഇന്ന് ലോകത്തിലെ വന്‍കിട തോട്ടം കമ്പനികള്‍ ഉപയോഗിക്കുന്നു.

ബ്രിട്ടനിലെ യൂണിലിവര്‍ പ്ലാന്റേഷന്‍ ഗ്രൂപ്പ്, ബ്രൂക്ക് ബോണ്ട് (കെനിയ) ഗ്രൂപ്പ്, ബ്രൂക്ക് ബോണ്ട് (ടാന്‍സാനിയ) ലിമിറ്റഡ്, മലേഷ്യയിലെ പാമോല്‍ പ്ലാന്റേഷന്‍സ്, ബ്രിട്ടീഷ് കമ്പനിയായ ജെയിംസ് ഫിന്‍ലേ തുടങ്ങി ഒരു ഡസന്‍ കമ്പനികള്‍ തങ്ങളുടെ തോട്ടം മാനേജ്മെന്റിന് അച്ചാമ്മ ജോസഫിന്റെ സോഫ്റ്റ് വെയര്‍ കമ്പനിയുടെ സഹായം തേടുന്നു.

ഉത്പാദനം, വിളവെടുപ്പ്, വിറ്റുവരവ് തുടങ്ങി തോട്ടം വ്യവസായത്തിന്റെ എല്ലാ മേഖലകളും ഉള്‍ക്കൊള്ളിച്ചു കൊണ്ടുള്ള സോഫ്റ്റ്വെയര്‍ സൊലൂഷനാണ് ഹാര്‍വെസ്റ്റ് ഐ.ടി. തേയില, കാപ്പി, എണ്ണപ്പന, ഏലയ്ക്ക, റബര്‍ തോട്ടങ്ങള്‍ക്ക് പ്രത്യേക മൊഡ്യൂളുകള്‍ സോഫ്റ്റ് സിസ്റ്റംസ് വികസിപ്പിച്ചെടുത്തിട്ടുണ്ട്.