രഹസ്യം കണ്ടെത്താന്‍ മിടുക്കര്‍ ഈ രാശിക്കാര്‍

മിഥുനം

എന്തും അന്വേഷിച്ച് കണ്ടെത്താനുള്ള മിടുക്കുള്ള രാശിക്കാരാണ് മിഥുനം രാശിക്കാര്‍. അവരില്‍ നിന്ന് എളുപ്പത്തില്‍ ഒരു കാര്യം മറച്ചുവയ്ക്കാനാവില്ല. ഒരു വ്യക്തിയെ ഒറ്റനോട്ടത്തില്‍ നിരീക്ഷിച്ച് ആരും ശ്രദ്ധിക്കാത്ത കാര്യങ്ങള്‍ പോലും കണ്ടെത്താനുള്ള കഴിവ് മിഥുനം രാശിക്കാര്‍ക്കുണ്ട്. അവരുടെ നിരീക്ഷണ ശക്തിയാണ് അവരെ അന്വേഷകരെന്ന നിലയില്‍ മികച്ചവരാക്കുന്നത്. മികച്ച രീതിയില്‍ സംസാരിക്കുന്നവര്‍ കൂടിയാണ് മിഥുനം രാശിക്കാര്‍. ആരുടെയും മുഖത്തുനോക്കി ചോദ്യം ചെയ്യാനുള്ള കഴിവ് അവര്‍ക്കുണ്ട്. മറ്റുള്ളവരുടെ കാര്യങ്ങള്‍ ചൂഴ്ന്നറിയാനുള്ള സ്വതസിദ്ധമായ കഴിവ് നേടിയവരാണ് ഇക്കൂട്ടര്‍. സാഹചര്യങ്ങളുമായി പൊരുത്തപ്പെടാനും സാമൂഹ്യമായി ഇടപഴകാനും മികച്ചവരായതിനാല്‍ അവര്‍ വളരെ വേഗത്തില്‍ ആളുകള്‍ കൂടുതല്‍ അടുക്കുന്നു. മിഥുനം രാശിക്കാരുടെ ബുദ്ധിയും അവരുടെ ജന്മനാ ഉള്ള കഴിവുകളും അവരെ മികച്ച അന്വേഷകരാക്കിത്തീര്‍ക്കുന്നു.

കന്നി

മിഥുനം രാശിക്കാരെ പോലെത്തന്നെ കന്നി രാശിക്കാരും കാര്യങ്ങള്‍ നിരീക്ഷിക്കുന്നവരാണ്. ഒരാളെ അടിമുടി നിരീക്ഷിച്ച് അവരെക്കുറിച്ചുള്ള് വിവരങ്ങള്‍ ചൂഴ്‌ന്നെടുക്കാനുള്ള കഴിവ് കന്നി രാശിക്കാര്‍ക്കുണ്ട്. അവരുടെ വികാരങ്ങള്‍ മറയ്ക്കുന്നതില്‍ അവര്‍ വളരെ സമര്‍ത്ഥരാണ്. ഇത്തരത്തില്‍ മറ്റുള്ളവരെ കബളിപ്പിച്ച് അവരെ ശരിയായി പഠിക്കുന്നു. യുക്തിയുടെയും വിശകലനങ്ങളുടെയും ഒരു യഥാര്‍ത്ഥ മിശ്രിതമായ കന്നി രാശിക്കാര്‍ ബുദ്ധിപരമായി ചിന്തിക്കുന്നവര്‍ കൂടിയാണ്. അവരുടെ തീരുമാനങ്ങള്‍ അനുമാനങ്ങളില്‍ മാത്രം എടുക്കുന്നതല്ല, അവര്‍ക്ക് കൃത്യമായ തെളിവും യുക്തിയും ആവശ്യമാണ്. വികാരങ്ങളെക്കാള്‍ കൂടുതലായി യുക്തി ഉപയോഗിച്ച് കന്നി രാശിക്കാര്‍ പ്രശ്‌നങ്ങള്‍ പരിഹരിക്കുന്നു. അവരുടെ ജന്‍മനാ ഉള്ള നിരീക്ഷണപാടവങ്ങളാണ് കന്നി രാശിക്കാരെ മികച്ച അന്വേഷകരാക്കുന്നത്.

Most read:സമ്പത്ത് ആകര്‍ഷിക്കാന്‍ ഈ ഫെങ് ഷൂയി വിദ്യകള്‍

വൃശ്ചികം

എന്തുകൊണ്ടാണ് വൃശ്ചികം രാശിക്കാര്‍ കാര്യങ്ങള്‍ അന്വേഷിച്ചറിയാന്‍ മിടുക്കരെന്നോ, കാരണം വൃശ്ചികം രാശിക്കാര്‍ക്ക് ജന്‍മനാ വസ്തുതകള്‍ക്ക് അപ്പുറം കാണുന്നവരാണ്. മറ്റുള്ളവരുടെ നിഗൂഢതകള്‍ ചൂഴ്‌ന്നെടുക്കാനുള്ള കഴിവ് ഇവര്‍ക്കുണ്ട്. മനസ്സില്‍ ഒരു രഹസ്യം സൂക്ഷിക്കാനും മിടുക്കരാണ് ഇവര്‍. അതിനാല്‍ ഇവരോട് വിശ്വസിച്ച് എന്തു കാര്യങ്ങളും പറയാം. മറ്റുള്ളവരുടെ രഹസ്യങ്ങളിലേക്ക് മണംപിടിച്ചു ചെല്ലുന്ന സ്വഭാവം അല്ലെങ്കിലും അവരുടെ രഹസ്യങ്ങളിലേക്ക് എങ്ങനെ എത്തിച്ചേരണമെന്ന് വൃശ്ചികം രാശിക്കാര്‍ക്ക് നന്നായി അറിയാം. ജ്യോതിഷത്തില്‍, വൃശ്ചികം ഒരു ജലചിഹ്നമാണ്, മാത്രമല്ല അതിന്റെ പ്രഭാവലയം മാനസിക തലത്തില്‍ നിന്ന് ആകര്‍ഷിക്കുകയും ചെയ്യുന്നു. വിവരങ്ങള്‍ അന്വേഷിച്ചു കണ്ടെത്തുന്നത് അവര്‍ക്ക് ഒരുതരം ഹരമാണ്. ഏതുവിധേനയും അവര്‍ക്ക് ആവശ്യമുള്ള വിവരങ്ങള്‍ അവര്‍ കണ്ടെത്തും. മറ്റുള്ളവരെ മനസ്സിലാക്കുന്നതില്‍ വൃശ്ചികം രാശിക്കാരെ മികച്ചവരാക്കുന്നതും ഈ ഒരു കഴിവാണ്.

ധനു

പുതിയ കാര്യങ്ങള്‍ അന്വേഷിച്ചു പോകുന്നതില്‍ ധനു രാശിക്കാര്‍ ജന്‍മനാ മിടുക്കരാണ്. എല്ലായ്‌പ്പോഴും അറിവിനായുള്ള അന്വേഷണത്തില്‍ അവര്‍ ഏര്‍പ്പെടുന്നു. അതുപോലെ സാഹസികത ഇഷ്ടപ്പെടുന്നവര്‍ കൂടിയാണ് ധനു രാശിക്കാര്‍. ജീവിതത്തില്‍ പുതിയ പുതിയ സാഹചര്യങ്ങളിലേക്ക് കടക്കാന്‍ അവര്‍ ഇഷ്ടപ്പെടുന്നു. എന്തെങ്കിലും കണ്ടെത്തണമെന്ന് വിചാരിച്ചാല്‍ അവര്‍ അത് കണ്ടെത്തിയിരിക്കും. അത് ഒരാളെക്കുറിച്ചുള്ള ആഴത്തിലുള്ള വിവരങ്ങള്‍ ആയാല്‍പ്പോലും ധനു രാശിക്കാര്‍ എളുപ്പത്തില്‍ കണ്ടെത്തിയിരിക്കും. അറിവിനുള്ള ദാഹം അവര്‍ക്ക് ജന്മസിദ്ധമായി ലഭിച്ചതാണ്. ഇതാണ് അവരെ മികച്ച അന്വേഷകരാക്കുന്നതും.

Most read:വീട്ടില്‍ ശംഖ് വെറുതേ വയ്ക്കരുത്; ദോഷങ്ങള്‍

മകരം

ഒരു കാര്യം ചെയ്യാന്‍ ഇറങ്ങിത്തിരിച്ചാല്‍ മകരം രാശിക്കാരെ പോലെ കഠിനാധ്വാനം ചെയ്ത് വിജയം നേടുന്ന രാശിക്കാരില്ല എന്നു തന്നെ വേണമെങ്കില്‍ പറയാം. ഒരു പ്രവര്‍ത്തിയുടെ കാഠിന്യത്തിനനുസരിച്ച് അവരുടെ കഠിനാധ്വാനം കൂട്ടിക്കൂട്ടി വരുന്നു. അതാണ് അവരെ നല്ല അന്വേഷകരാക്കുന്നതും. ശനി ഭരിക്കുന്ന മകരം രാശിക്കാരെ വളരെ കഠിനാധ്വാനികളായി കണക്കാക്കാം. മകരം രാശിക്കാര്‍ ഒരു ജോലി ഏറ്റെടുത്താല്‍ അത് പൂര്‍ത്തിയാക്കുമെന്ന് ഉറപ്പാണ്. ഇവരില്‍ നിന്ന് മറ്റുള്ളവര്‍ക്ക് രഹസ്യങ്ങള്‍ മറച്ചുവയ്ക്കാനും പ്രയാസമായിരിക്കും. അവരുടെ ജന്‍മസിദ്ധമായ കഴിവ് മകരം രാശിക്കാരെ മികച്ച അന്വേഷകരാക്കിത്തീര്‍ക്കുന്നു.

ഇടവം

വളരെ പ്രായോഗികമായ രീതിയില്‍ കാര്യങ്ങള്‍ അന്വേഷിച്ച് കണ്ടെത്തുന്നതില്‍ മികവു പുലര്‍ത്തുന്നവരാണ് ഇടവം രാശിക്കാര്‍. ഘട്ടം ഘട്ടമായുള്ള സമീപനത്തിലാണ് അവര്‍ വിശ്വസിക്കുന്നത്. അതിനാലാണ് നിയമം, പൊലീസ്്, അന്വേഷണ ഉദ്യോഗസ്ഥര്‍ എന്നീ ഇടങ്ങളില്‍ ഇടവം രാശിക്കാര്‍ മികച്ചു നില്‍ക്കുന്നത്. ഇടവം രാശിക്കാര്‍ക്ക് വിജയിക്കാവുന്ന മേഖലകള്‍ കൂടിയാണ് ഈ ജോലികള്‍. കഠിനാധ്വാനത്തിലും അര്‍പ്പണബോധത്തിലും വിശ്വസിക്കുന്നവരും വളരെയധികം ശ്രദ്ധാലുക്കളുമാണ് ഇടവം രാശിക്കാര്‍. അതിനാല്‍ ഇടവം രാശിക്കാരെ മികച്ച അന്വേഷകരാക്കുന്നതും അവരുടെ ജന്‍മസിദ്ധമായ കഴിലുകള്‍ തന്നെയാണ്.

Most read:കൈയില്‍ ഒരു വജ്രമോതിരം ധരിക്കൂ; ജീവിതം മാറും