കാലിന്മേല്‍ കാല്‍ കയറ്റിയിരിയ്ക്കല്ലേ പെണ്ണേ....

സ്ത്രീകള്‍ കാലിന്മേല്‍ കാല്‍ കയറ്റിയിരിയ്ക്കുന്നത് പഴയകാലത്ത് അഹങ്കാരമായാണ് കരുതപ്പെട്ടിരുന്നത്. ഇതുകൊണ്ടുതന്നെ കാരണവന്മാര്‍ ഇത് വിലക്കുകയും ചെയ്തിരുന്നു.

സ്ത്രീകള്‍ ഇതേ രീതിയില്‍ ഇരിയ്ക്കുന്നത് കുടുംബത്തിന് ദോഷം ചെയ്യുമെന്നും ഐശ്വര്യക്കേടാണന്നുമെല്ലാമായിരുന്നു പറഞ്ഞിരുന്നത്.

ഇന്നത്തെക്കാലത്തും മുതിര്‍ന്നവരെ കണ്ടാല്‍ കാലിന്മേല്‍ കാല്‍ പിണച്ചിരിയ്ക്കുന്ന സ്ത്രീയാണെങ്കിലും പുരുഷനെങ്കിലും കാലിറക്കി വയ്ക്കുന്നത് ബഹുമാന സൂചകമാണെന്നും പറയാറുണ്ട്.

എന്നാല്‍ ആണ്‍പെണ്‍ സമത്വം വില നല്‍കുന്ന ഇന്നത്തെ സമൂഹത്തില്‍ കാലിന്മാല്‍ കാല്‍ കയറ്റിയിരിയ്ക്കുന്നത് സ്ത്രീകളുടെ സ്വാനന്ത്ര്യ ലക്ഷണമാണെന്നു പറയും.

കാലിന്മേല്‍ കാല്‍ കയറ്റിയിരിയ്ക്കുന്നത് സ്ത്രീ സമൂഹത്തില്‍ വിലക്കപ്പെട്ടിരുന്നതിനു പുറകില്‍ ആരോഗ്യപരമായ മറ്റൊരു കാര്യമുണ്ടെന്നതാണ് വാസ്തവം .

ഇതേ രീതിയില്‍ ഇരിയ്ക്കുന്നത് യൂട്രസിന്റെ ആരോഗ്യത്തിനു നല്ലതല്ല. ഇത് യൂട്രസിന് മര്‍ദമേല്‍പ്പിയ്ക്കുന്ന വിധത്തിലാണ്. ഇതുകൊണ്ടാണ് ഇക്കാര്യം പഴയതലമുറയില്‍ വിലക്കിയിരുന്നതും.