അപ്രതീക്ഷിത നേട്ടങ്ങള്‍ക്ക് ഒരുങ്ങിയിരിക്കാം, ഈ ആഴ്ചത്തെ നക്ഷത്രഫലം; അശ്വതി-രേവതി ഫലം

സെപ്തംബര്‍ മാസത്തിലെ പുതിയൊരു ആഴ്ചയിലേക്ക് കടക്കുകയാണ് നാം. ഈ ആഴ്ചത്തെ പ്രധാന വിശേഷങ്ങളാണ് ഋഷിപഞ്ചമി, ഗണേശ ചതുര്‍ത്ഥി, വിശ്വകര്‍മ്മ ജയന്തി, ഷഷ്ഠി വ്രതം, ലളിതാ വ്രതം എന്നിവയാണ്. ഇതുകൂടാതെ കന്നി സംക്രാന്തിയും വരുന്നത് ഈ ആഴ്ച തന്നെയാണ്. സെപ്റ്റംബര്‍ 17ന് സൂര്യന്‍ ചിങ്ങം രാശിയില്‍ നിന്ന് മാറി കന്നി രാശിയിലേക്ക് കടക്കും. ശുഭദിനങ്ങള്‍ നിറഞ്ഞ ഈ ആഴ്ച നിങ്ങള്‍ക്ക് എങ്ങനെ എന്നറിയാന്‍ നക്ഷത്രഫലം വായിക്കൂ. ഈ ആഴ്ച 27 നക്ഷത്രക്കാര്‍ക്കും ജീവിതത്തില്‍ എന്തൊക്കെ മാറ്റം വരുമെന്ന് നമുക്ക് നോക്കാം.

മേടക്കൂറ് (അശ്വതി, ഭരണി, കാര്‍ത്തിക ആദ്യ കാല്‍)

ഈ ആഴ്ച നിങ്ങളുടെ ആരോഗ്യം വളരെ മികച്ചതായിരിക്കും. നിങ്ങള്‍ വിവാഹിതനാണെങ്കില്‍, ഈ സമയം നിങ്ങള്‍ക്ക് ചില നല്ല വാര്‍ത്തകള്‍ ലഭിച്ചേക്കാം. നിങ്ങള്‍ ഇന്‍ഫര്‍മേഷന്‍ ടെക്‌നോളജി, മെഡിക്കല്‍ സയന്‍സ്, നിയമം, ഫാഷന്‍ ഡിസൈനിംഗ്, ഇന്റീരിയര്‍ ഡെക്കറേഷന്‍ തുടങ്ങിയ വിഷയങ്ങള്‍ പഠിക്കുന്നുണ്ടെങ്കില്‍, ഈ ആഴ്ച നിങ്ങള്‍ക്ക് പ്രയോജനകരമാണെന്ന് തെളിയും ജീവിതത്തില്‍ മുന്നോട്ട് പോകാനുള്ള നിരവധി അവസരങ്ങള്‍ നിങ്ങള്‍ക്ക് ലഭിക്കും. ശുഭകരമായ ധാരാളം കാര്യങ്ങള്‍ ഈ ആഴ്ച നിങ്ങളുടെ ജീവിതത്തില്‍ നടക്കുന്നതായിരിക്കും.

ഇടവക്കൂറ് (കാര്‍ത്തിക അവസാന മുക്കാല്‍, രോഹിണി, മകയിരം ആദ്യപകുതി)

ഈ ആഴ്ച നിങ്ങള്‍ക്ക് ഏതെങ്കിലും സ്ഥലത്തുനിന്ന് സാമ്പത്തിക സഹായം ലഭിച്ചേക്കാം, അത് നിങ്ങളെ വളരെയധികം സഹായിക്കും. ഈ ആഴ്ച നിങ്ങള്‍ നിങ്ങളുടെ സുഖസൗകര്യങ്ങള്‍ ആസ്വദിക്കുന്ന തിരക്കിലായിരിക്കും, നിങ്ങളുടെ കുടുംബത്തിന്റെ ആവശ്യങ്ങള്‍ നിറവേറ്റാനാകും. ഈ ആഴ്ച, നാലാം ഭാവത്തില്‍ ബുധന്റെ സ്ഥാനവും അതില്‍ അശുഭകരമായ ശനിയുടെ ഭാവവും ഉള്ളതിനാല്‍, വിദ്യാര്‍ത്ഥികള്‍ക്ക് പഠനത്തിന് നിരാശയായിരിക്കും ഫലം.

മിഥുനക്കൂറ് (മകയിരം അവസാന പകുതി, തിരുവാതിര, പുണര്‍തം ആദ്യ മുക്കാല്‍)

ഈ സമയം നിങ്ങള്‍ക്ക് പരിഭ്രമവും ഭയവും തോന്നിയേക്കാം. ചന്ദ്രന്‍ മിഥുന രാശിയില്‍ നിന്ന് മൂന്നാം ഭാവത്തില്‍ ബുധന്‍ നില്‍ക്കുന്നതിനാല്‍, ഈ ആഴ്ച ജോലിസ്ഥലത്ത് നിങ്ങള്‍ക്ക് നിരവധി വെല്ലുവിളികള്‍ നേരിടേണ്ടി വന്നേക്കാം. ഈ ആഴ്ച നിങ്ങളുടെ സഹോദരങ്ങളില്‍ നിന്നും സഹോദരിമാരില്‍ നിന്നും ലഭിക്കുന്ന സഹായം നിങ്ങളുടെ ആത്മവിശ്വാസം വര്‍ദ്ധിപ്പിക്കും. നിങ്ങളുടെ വിദ്യാഭ്യാസത്തില്‍ മികച്ച പ്രകടനം നടത്താനാകും. പ്രതിവിധിയായി ദിവസവും 11 തവണ 'ഓം നമോ നാരായണ' എന്ന് ജപിക്കുക.

കര്‍ക്കടകക്കൂറ് (പുണര്‍തം അവസാനപാദം, പൂയം, ആയില്യം)

ആരോഗ്യപരമായ കാഴ്ചപ്പാടില്‍ ഈ ആഴ്ച നിങ്ങള്‍ക്ക് വളരെ നല്ലതായിരിക്കും. നിങ്ങളുടെ ചെലവുകളില്‍ കുറച്ച് നിയന്ത്രണം ഉണ്ടായിരിക്കണം. അത് നിങ്ങളെ വളരെയധികം സഹായിക്കും. നിങ്ങളുടെ പങ്കാളിയുമായി സംസാരിക്കുമ്പോള്‍ നിങ്ങളുടെ വാക്കുകള്‍ ശ്രദ്ധാപൂര്‍വ്വം തിരഞ്ഞെടുക്കണം. അല്ലെങ്കില്‍ അതിന്റെ പ്രതികൂല ഫലങ്ങള്‍ വീടിന്റെ സമാധാനത്തെ ബാധിക്കും. നിങ്ങളുടെ കഴിവിന്റെ ഉന്നതിയിലെത്താന്‍ ഈ ആഴ്ച കാലതാമസം കൂടാതെ ആവശ്യമായ എല്ലാ നടപടികളും നിങ്ങള്‍ സ്വീകരിക്കേണ്ടതുണ്ട്. പ്രതിവിധിയായി ദിവസവും 21 തവണ 'ഓം ദുര്‍ഗായ നമഃ' ജപിക്കുക.

ചിങ്ങക്കൂറ് (മകം, പൂരം, ഉത്രം ആദ്യ കാല്‍)

ഈ ആഴ്ച നിങ്ങള്‍ക്ക് പ്രതീക്ഷിക്കുന്നതിനുമപ്പുറം മികച്ച അനുഭവം ലഭിച്ചേക്കാം. കഷ്ടതകളില്‍ നിന്ന് പഠിക്കുകയും നല്ല ജീവിതം നയിക്കാന്‍ ശ്രമിക്കുകയും ചെയ്യുക. ജോലി ചെയ്യുന്നവര്‍ക്ക് ഈയാഴ്ച ഓഫീസിലെ കഠിനാധ്വാനം ചെയ്യേണ്ടിവരും. വിവിധ സ്രോതസ്സുകളിലൂടെ പണം ലഭിക്കും. തൊഴില്‍രഹിതരായിരുന്നവര്‍ക്ക് ഈ സമയം ആഗ്രഹിച്ച തൊഴില്‍ ലഭിക്കും. ദോഷപരിഹാരമായി ഞായറാഴ്ച സൂര്യദേവനെ ആരാധിക്കുക.

കന്നിക്കൂറ് (ഉത്രം അവസാന മുക്കാല്‍, അത്തം, ചിത്തിര ആദ്യപകുതി)

ഈ ആഴ്ച നിങ്ങളുടെ ആരോഗ്യത്തെക്കുറിച്ച് അല്‍പ്പം ശ്രദ്ധാലുവായിരിക്കുക. നിങ്ങളുടെ മോശം ജീവിതശൈലി ഈ ആഴ്ച നിങ്ങളുടെ കുടുംബാംഗങ്ങളെ പ്രകോപിപ്പിച്ചേക്കാം. ഇതുമൂലം കുടുംബാന്തരീക്ഷത്തില്‍ പിരിമുറുക്കം ഉടലെടുക്കും. അതിനാല്‍, നിങ്ങളുടെ ശീലങ്ങളില്‍ ആവശ്യമായ മാറ്റങ്ങള്‍ വരുത്തുകയും നിങ്ങളുടെ ശാരീരിക ശുചിത്വം ശ്രദ്ധിക്കുകയും ചെയ്യുന്നതാണ് നല്ലത്. പരീക്ഷയ്ക്ക് തയ്യാറെടുക്കുന്ന വിദ്യാര്‍ത്ഥികള്‍ക്ക് ഈ ആഴ്ച വളരെയധികം നേട്ടങ്ങള്‍ ലഭിക്കും.

തുലാക്കൂറ് (ചിത്തിര അവസാനപകുതി, ചോതി, വിശാഖം ആദ്യ മുക്കാല്‍)

ഈ സമയം നിങ്ങള്‍ സ്വയം നന്നായി ശ്രദ്ധിക്കേണ്ടതുണ്ട്. ഈ ആഴ്ച നിങ്ങളുടെ ആരോഗ്യം മോശമായേക്കാം, അത് ദോഷം ചെയ്യും. വിദ്യാര്‍ത്ഥികള്‍ക്ക് ഈ ആഴ്ച വളരെ നല്ല അവസരങ്ങള്‍ സൃഷ്ടിക്കപ്പെടുന്നുണ്ട്. പരീക്ഷകള്‍ക്ക് വളരെ നല്ല സമയമാണ്. മത്സരപരീക്ഷകള്‍ക്ക് ഒരുങ്ങുന്നവര്‍ക്ക് തീര്‍ച്ചയായും വിജയവും നേട്ടവും ലഭിക്കും. ഈ സമയം നിങ്ങള്‍ക്ക് ഒരു യാത്രയ്ക്ക് അവസരം ലഭിക്കും. മൊത്തത്തില്‍, ഈ ആഴ്ച നിങ്ങള്‍ക്ക് സാധാരണമായിരിക്കും. പ്രതിവിധിയായി ദിവസവും 11 തവണ 'ഓം നമോ ഭഗവതേ വാസുദേവായ' എന്ന് ജപിക്കുക.

വൃശ്ചികക്കൂറ് (വിശാഖം അവസാനപാദം, അനിഴം, തൃക്കേട്ട)

ഈ ആഴ്ച നിങ്ങളുടെ കുടുംബത്തില്‍ നിങ്ങളുടെ ബഹുമാനം വര്‍ദ്ധിക്കും, അതിനാല്‍ ഈ ആഴ്ച നിങ്ങള്‍ക്ക് ധാരാളം നേട്ടങ്ങള്‍ ലഭിക്കും. നിങ്ങളുടെ ജീവിതത്തില്‍ നിരവധി ഉയര്‍ച്ച താഴ്ചകള്‍ ഉണ്ടാകാം. ഈ ആഴ്ച നിങ്ങള്‍ക്ക് ചില നഷ്ടങ്ങളും ഉണ്ടായേക്കാം. നിങ്ങള്‍ക്ക് മാനസിക സമ്മര്‍ദ്ദം നേരിടേണ്ടി വന്നേക്കാം. അത്തരമൊരു സാഹചര്യത്തില്‍, ചെറിയ കാര്യങ്ങളില്‍ പോലും നിങ്ങള്‍ക്ക് അസ്വസ്ഥത അനുഭവപ്പെടും. പ്രതിവിധിയായി 'ഓം ഭൗമായൈ നമഃ' ദിവസവും 27 തവണ ജപിക്കുക.

ധനുക്കൂറ് (മൂലം, പൂരാടം, ഉത്രാടം1/4)

ഈ ആഴ്ച നിങ്ങള്‍ അധികം പണം ചെലവഴിക്കുന്നില്ലെങ്കില്‍, അത് നിങ്ങള്‍ക്ക് നല്ലതായിരിക്കും. നിങ്ങള്‍ക്ക് നേട്ടങ്ങളും ലഭിക്കും. ഈ ആഴ്ച നിങ്ങള്‍ക്ക് ചില നല്ല ജോലികള്‍ ചെയ്യാന്‍ കഴിയും. അത് നിങ്ങള്‍ക്ക് മികച്ച നേട്ടങ്ങള്‍ നല്‍കും. വിദ്യാര്‍ത്ഥികള്‍ ധാരാളം സമയം പാഴാക്കാന്‍ സാധ്യതയുണ്ട്. അത്തരമൊരു സാഹചര്യത്തില്‍, നിങ്ങളുടെ സമയമാണ് നിങ്ങളുടെ സമ്പത്തെന്ന് ഓര്‍മ്മിക്കുക. ജോലിയില്‍ നിങ്ങളുടെ കഠിനാധ്വാനം വിലമതിക്കപ്പെടും. മുന്‍പ് ചെയ്ത കഠിനാധ്വാനത്തിന്റെ നല്ല ഫലങ്ങള്‍ നിങ്ങള്‍ക്ക് ലഭിക്കും.

മകരക്കൂറ് (ഉത്രാടം ആദ്യ മുക്കാല്‍, തിരുവോണം, അവിട്ടം ആദ്യ പകുതി)

ഈ ആഴ്ച നിങ്ങള്‍ക്ക് സാമ്പത്തിക നഷ്ടത്തിന് സാധ്യതയുണ്ട്. നിങ്ങളുടെ ചില സാമ്പത്തിക നിക്ഷേപങ്ങള്‍ തെറ്റായി ഭവിച്ചേക്കാം. വേഗത്തില്‍ പണം സമ്പാദിക്കാനുള്ള ശ്രമത്തില്‍, നിങ്ങള്‍ മോശം കൂട്ടുകെട്ടില്‍ അകപ്പെട്ടേക്കാ. അത് മാനസിക സമ്മര്‍ദ്ദത്തിനും കാരണമായേക്കാം. ഉന്നതവിദ്യാഭ്യാസത്തിനായി ശ്രമിക്കുന്നവര്‍ക്ക് ഈ കാലയളവില്‍ കഠിനാധ്വാനം ചെയ്യേണ്ടിവരും. എന്നിരുന്നാലും, ഈ കാലയളവില്‍ ഭാഗ്യം നിങ്ങളുടെ ഭാഗത്തായിരിക്കും. അതിനാല്‍ വൈകിയെങ്കിലും പ്രതീക്ഷിച്ച ഫലം ലഭിക്കുന്നതായിരിക്കും.

കുംഭക്കൂറ് (അവിട്ടം അവസാനപകുതി, ചതയം, പൂരുരുട്ടാതി ആദ്യ മുക്കാല്‍)

ഈ ആഴ്ച നിങ്ങളുടെ ആത്മവിശ്വാസം വര്‍ദ്ധിക്കുന്നത് നിങ്ങള്‍ക്ക് ഗുണം ചെയ്യും. തിടുക്കത്തില്‍ ഒന്നും ചെലവഴിക്കരുത്. ഈ ആഴ്ച വിദ്യാഭ്യാസ മേഖലയില്‍ നിങ്ങള്‍ക്ക് നല്ല ഫലം ലഭിക്കും. കുറഞ്ഞ അധ്വാനത്തിലൂടെ ജോലികളില്‍ വിജയം നേടാനാകും. ജോലിസ്ഥലത്ത് നിങ്ങളുടെ സ്ഥാനം ശക്തമാകും. സാമ്പത്തികമായും ഈ സമയം നിങ്ങള്‍ക്ക് ലാഭം നിറയും. വിവിധ സ്രോതസ്സുകളില്‍ നിന്ന് പണം ലഭിക്കാന്‍ സാധ്യതയുണ്ട്.

മീനക്കൂറ് (പൂരുരുട്ടാതി അവസാനപാദം, ഉത്രട്ടാതി, രേവതി)

ഈ ആഴ്ച നിങ്ങളുടെ പങ്കാളിയുമായി നല്ല സമയം ചെലവഴിക്കാനാകും. അത് നിങ്ങളുടെ ജീവിതത്തില്‍ സന്തോഷം നല്‍കും. ഈ ആഴ്ച, വീടിന്റെ അറ്റകുറ്റപ്പണികള്‍ കാരണമോ വാഹനത്തിന്റെ തകരാര്‍ മൂലമോ നിങ്ങള്‍ക്ക് ചില സാമ്പത്തിക നഷ്ടം ഉണ്ടായേക്കാം. അത്തരമൊരു സാഹചര്യത്തില്‍ ഈ കാര്യങ്ങളില്‍ ശ്രദ്ധാലുവായിരിക്കുക. ജോലിയില്‍ പ്രതികൂല സാഹചര്യങ്ങള്‍ നേരിടേണ്ടിവന്നേക്കാം. ജോലിഭാരം വര്‍ധിക്കാന്‍ സാധ്യതയുണ്ട്. ദോഷപരിഹാരമായി വ്യാഴാഴ്ച ഒരു വൃദ്ധ ബ്രാഹ്‌മണന് ഭക്ഷണം നല്‍കുക.