ശ്രീഹരിയുടെ അനുഗ്രഹം; ശത്രുനാശത്തിനും ജീവിതത്തില്‍ ഐശ്വര്യത്തിനും വിജയ ഏകാദശി ആരാധന

ഹിന്ദുമതത്തില്‍ ഏകാദശി ദിനത്തിന് പ്രത്യേക പ്രാധാന്യമുണ്ട്. ഏകാദശി ദിനത്തില്‍ ഭക്തര്‍ മഹാവിഷ്ണുവിനെ ആരാധിക്കുകയും വ്രതമെടുക്കുകയും ചെയ്യുന്നു. ഏകാദശി ദിനത്തിലെ ആരാധനയും വ്രതവും ഭക്തര്‍ക്ക് ഭഗവാന്‍ ശ്രീ ഹരിയുടെ അനുഗ്രഹം നേടിക്കൊടുക്കുകയും ജീവിതത്തിലെ എല്ലാ ആഗ്രഹങ്ങളും നിറവേറ്റുകയും ചെയ്യുമെന്ന് വിശ്വസിക്കപ്പെടുന്നു. എല്ലാ മാസവും രണ്ട് ഏകാദശികള്‍ വരുന്നുണ്ട്. ഒന്ന് കൃഷ്ണപക്ഷത്തിലും മറ്റൊന്ന് ശുക്ലപക്ഷത്തിലും. ഫാല്‍ഗുന മാസത്തിലെ കൃഷ്ണപക്ഷത്തിലെ ഏകാദശി വിജയ ഏകാദശി എന്ന് അറിയപ്പെടുന്നു. ഈ വര്‍ഷം ഇത് വരുന്നത് മാര്‍ച്ച് 6ന് ബുധനാഴ്ചയാണ്. വിജയ ഏകാദശിയുടെ ശുഭ മുഹൂര്‍ത്തവും ആരാധനാ രീതികളും അറിയാന്‍ ലേഖനം വായിക്കൂ.

വിജയ ഏകാദശി 2024

ഫാല്‍ഗുന മാസത്തിലെ കൃഷ്ണപക്ഷത്തിലെ ഏകാദശി തീയതി വിജയ ഏകാദശി എന്നാണ് അറിയപ്പെടുന്നത്. ഈ ദിവസം ഏകാദശി തിഥി മാര്‍ച്ച് 06 ന് രാവിലെ 06:31 ന് ആരംഭിച്ച് മാര്‍ച്ച് 07 ന് പുലര്‍ച്ചെ 04:12 ന് അവസാനിക്കും. അത്തരമൊരു സാഹചര്യത്തില്‍ ഫെബ്രുവരി 06 ന് വിജയ ഏകാദശി വ്രതം ആചരിക്കും. ഈ വ്രതം അനുഷ്ഠിക്കുന്നതിലൂടെ ഭക്തര്‍ക്ക് തന്റെ ശത്രുക്കളുടെമേല്‍ വിജയം കൈവരിക്കാനാകുന്നു. ലങ്ക കീഴടക്കണമെന്ന ആഗ്രഹത്തോടെ ശ്രീരാമന്‍ ഈ ഏകാദശി ദിനത്തില്‍ കടല്‍ത്തീരത്ത് ബക്ദല്‍ഭ്യ മുനിയുടെ കല്‍പ്പന പ്രകാരം വ്രതമനുഷ്ഠിച്ചതായി വേദങ്ങള്‍ പറയുന്നു. അതിനുശേഷമാണ് അദ്ദേഹം രാവണനെ ജയിച്ചത്. ഈ വ്രതം അനുഷ്ഠിക്കുന്നതിലൂടെ ജീവിതത്തില്‍ ഐശ്വര്യമുണ്ടാകും.സന്തോഷവും സമൃദ്ധിയും കൈവരും.

വിജയ ഏകാദശി ആരാധനാ രീതി

അതിരാവിലെ എഴുന്നേറ്റ് കുളിയും മറ്റും കഴിഞ്ഞ് വീടിന്റെ പൂജാമുറിയില്‍ വിളക്ക് കൊളുത്തുക. ഗംഗാജലത്തോടുകൂടി മഹാവിഷ്ണുവിനെ അഭിഷേകം ചെയ്യുക. വിഷ്ണുവിന് പൂക്കളും തുളസിയിലകളും സമര്‍പ്പിക്കുക. കഴിയുമെങ്കില്‍ ഈ ദിവസവും വ്രതം അനുഷ്ഠിക്കുക. വിഷ്ണുവിന് ഭക്ഷണം സമര്‍പ്പിക്കുക. തുളസിയിലല്ലാതെ വിഷ്ണുഭക്ഷണം കഴിക്കില്ലെന്നാണ് വിശ്വാസം. അതിനാല്‍ തുളസി അര്‍പ്പിക്കുക. ഈ ശുഭദിനത്തില്‍ മഹാവിഷ്ണുവിനൊപ്പം ലക്ഷ്മി ദേവിയെയും ആരാധിക്കുക.

വിജയ ഏകാദശിയുടെ പ്രാധാന്യം

വിജയ ഏകാദശി വ്രതം അനുഷ്ഠിക്കുന്നതിലൂടെ ശത്രുക്കളുടെ മേല്‍ വിജയം ലഭിക്കാനാകുമെന്നാണ് വിശ്വാസം. ശ്രീരാമന്‍ ലങ്കയിലേക്ക് പോകുന്നതിന് മുമ്പ് വിജയ ഏകാദശി വ്രതം അനുഷ്ഠിച്ചിരുന്നു. ശത്രുക്കളെ ജയിക്കാന്‍ ആഗ്രഹിക്കുന്നവര്‍ വിജയ ഏകാദശി വ്രതം അനുഷ്ഠിക്കണം. മഹാവിഷ്ണുവിനെ ആരാധിക്കുകയും വിജയ ഏകാദശി വ്രതത്തിന്റെ കഥ വായിക്കുകയും വേണം. ഈ വര്‍ഷം, വിജയ ഏകാദശി വരുന്നത് വ്യാഴാഴ്ചയാണ്. വ്യാഴാഴ്ചയും ഏകാദശിയും ശ്രീ ഹരിക്ക് സമര്‍പ്പിച്ചിരിക്കുന്ന ദിവസങ്ങളാണ്. അത്തരമൊരു സാഹചര്യത്തില്‍ ഈ വ്രതാനുഷ്ഠാനത്തിന്റെ പ്രാധാന്യം കൂടുതല്‍ വര്‍ദ്ധിക്കുന്നു. ഈ ദിവസം മഹാവിഷ്ണുവിന് വാഴപ്പഴം, മഞ്ഞ വസ്ത്രങ്ങള്‍, മഞ്ഞ മധുരപലഹാരങ്ങള്‍ എന്നിവ സമര്‍പ്പിക്കുക.

സാമ്പത്തിക പുരോഗതിക്ക്

സാമ്പത്തിക പ്രശ്‌നങ്ങള്‍ മറികടക്കാന്‍ വിജയ ഏകാദശി നാളില്‍ കുങ്കുമം കൊണ്ട് വെറ്റിലയില്‍ 'ശ്രീ' എന്നെഴുതി മഹാവിഷ്ണുവിന് സമര്‍പ്പിക്കണമെന്ന് ജ്യോതിഷത്തില്‍ പറഞ്ഞിട്ടുണ്ട്. ഇതിനുശേഷം ശ്രീ ഹരിയേയും ലക്ഷ്മി ദേവിയേയും പൂജിക്കുക. എന്നിട്ട് ഈ ഇലകള്‍ ഒരു ചുവന്ന തുണിയില്‍ പൊതിഞ്ഞ് നിലവറയില്‍ സൂക്ഷിക്കുക. ഇത് ചെയ്യുന്നതിലൂടെ നിങ്ങള്‍ക്ക് വ്യക്തിക്ക് ധാരാളം നേട്ടങ്ങള്‍ ലഭിക്കുന്നു.

കുടുംബ പ്രശ്നങ്ങള്‍ക്ക് പരിഹാരം

കുടുംബത്തിലെ അഭിപ്രായവ്യത്യാസങ്ങളും പിരിമുറുക്കവും അകറ്റാന്‍ വിജയ ഏകാദശി നാളില്‍ പിച്ചള പാത്രത്തില്‍ ഗംഗാജലം ഒഴിച്ച് അതില്‍ മഞ്ഞളും ചന്ദനവും തുളസിയും ചേര്‍ത്ത് ഈ വെള്ളം വീട്ടില്‍ മുഴുവന്‍ തളിക്കുക. ഇത് ചെയ്യുന്നതിലൂടെ, കുടുംബത്തിലെ അഭിപ്രായവ്യത്യാസങ്ങള്‍ അവസാനിക്കുകയും സന്തോഷത്തിന്റെ അന്തരീക്ഷം കുടുംബത്തില്‍ നിലനില്‍ക്കുകയും ചെയ്യുന്നു.

ദോഷങ്ങള്‍ നീക്കാന്‍

മഹാവിഷ്ണുവിന് ശുഭമുഹൂര്‍ത്തത്തില്‍ ചന്ദനം, പനിനീര്‍, കുങ്കുമം എന്നിവ അടങ്ങിയ തിലകം പുരട്ടണമെന്ന് ജ്യോതിഷത്തില്‍ പറഞ്ഞിട്ടുണ്ട്. ഇതിനു ശേഷം ആ തിലകം നിങ്ങള്‍ സ്വയം പുരട്ടുക. ഇങ്ങനെ ചെയ്യുന്നതിലൂടെ പല വിധത്തിലുള്ള ദോഷങ്ങളും ഇല്ലാതാകുമെന്നും വീട്ടില്‍ സന്തോഷവും ഐശ്വര്യവും വസിക്കുമെന്നും വിശ്വസിക്കപ്പെടുന്നു.

ശത്രുക്കളെ ജയിക്കാന്‍

നിങ്ങളുടെ ശത്രുക്കളില്‍ നിന്ന് എപ്പോഴും പ്രശ്‌നങ്ങള്‍ ഉണ്ടായിക്കൊണ്ടിരിക്കുന്നുവെങ്കില്‍ ഈ പ്രശ്‌നത്തില്‍ നിന്ന് മുക്തി നേടുന്നതിന് വിജയ ഏകാദശി നാളില്‍ ശ്രീഹരിയെ പൂജിച്ച് നാളികേരത്തില്‍ നെയ് കലര്‍ത്തി ഉറുമ്പിന്റെ മാളത്തിന് സമീപം മണ്ണില്‍ കുഴിച്ചിടുക. ഇങ്ങനെ ചെയ്താല്‍ ശത്രുക്കളുടെ തടസ്സം നീങ്ങിക്കിട്ടും.