For Quick Alerts
ALLOW NOTIFICATIONS  
For Daily Alerts

ശുക്രന്റെ രാശിമാറ്റം; ഓഗസ്റ്റ് 11 മുതല്‍ ഇവര്‍ക്ക് നല്ലകാലം

|

ജ്യോതിഷത്തില്‍, ശുക്രനെ ഒരു ശുഭഗ്രഹമായി വിശേഷിപ്പിക്കുന്നു. ഇത് ഇടവത്തിന്റെയും തുലാം രാശിയുടെയും ഭരണഗ്രഹമാണ്. ആസ്വാദനം, ശാരീരിക സന്തോഷം, ദാമ്പത്യ സന്തോഷം മുതലായവയുടെ കാരണഗ്രഹമാണ് ശുക്രനെന്ന് പറയപ്പെടുന്നു. ഏതെങ്കിലും രാശിയില്‍ ശുക്രന്‍ സഞ്ചരിക്കുമ്പോള്‍, അതിന്റെ ഫലം എല്ലാ രാശിചിഹ്നങ്ങളിലും കാണും. ഓഗസ്റ്റ് 11 ന് ശുക്രന്‍ കന്നിരാശിയിലേക്ക് സംക്രമിക്കാന്‍ പോകുന്നു. ശുക്രന്‍ മുമ്പ് സൂര്യന്‍ ഭരിക്കുന്ന ചിങ്ങരാശിയിലാലായിരുന്നു, ഇപ്പോള്‍ അത് ബുധന്റെ രാശിയായ കന്നിയിലേക്ക് പ്രവേശിക്കും. സെപ്റ്റംബര്‍ 6 വരെ ശുക്രന്‍ കന്നി രാശിയില്‍ തുടരും. അതിനുശേഷം തുലാം രാശിയില്‍ പ്രവേശിക്കും.

Most read: കാളസര്‍പ്പദോഷവും പിതൃദോഷവും നീക്കാന്‍ ശ്രാവണ അമാവാസി പൂജ

ശുക്രന്റെ കന്നി രാശി സംക്രമണത്തില്‍ ചില രാശിചിഹ്നങ്ങളുടെ ജീവിതത്തില്‍ അഭിവൃദ്ധിയും സാമ്പത്തിക പുരോഗതിയും കാണുന്നു. ചില രാശിക്കാര്‍ക്ക് ജീവിതത്തില്‍ ഉയര്‍ച്ച താഴ്ചകള്‍ അഭിമുഖീകരിക്കേണ്ടി വരും. ശുക്രന്റെ സംക്രമണം ഏതൊക്കെ രാശിക്കാര്‍ക്ക് ഗുണം ചെയ്യുമെന്നും ഏതൊക്കെ രാശിക്കാര്‍ ഈ കാലയളവില്‍ ശ്രദ്ധിക്കണമെന്നും വായിച്ചറിയൂ.

മേടം

മേടം

ശുക്രന്‍ നിങ്ങളുടെ കടത്തിന്റെയും രോഗത്തിന്റെയും ആറാം ഭാവത്തിലായിരിക്കും. ഈ യാത്രാ കാലയളവില്‍ പരസ്പര ധാരണയുടെ അഭാവം മൂലം പങ്കാളിയുമായുള്ള നിങ്ങളുടെ വ്യക്തിപരമായ ബന്ധങ്ങളില്‍ പ്രശ്‌നങ്ങള്‍ നേരിടാന്‍ സാധ്യതയുണ്ട്. ആരോഗ്യപരമായ കാര്യങ്ങളില്‍ ജാഗ്രത ആവശ്യമാണ്. നിങ്ങളുടെ ജീവിതപങ്കാളിക്ക് ആരോഗ്യ പ്രശ്‌നങ്ങള്‍ നേരിടാന്‍ സാധ്യതയുണ്ട്. വായ്പാ തിരിച്ചടവ് മുടങ്ങിയേക്കാം. കൂടാതെ നിങ്ങളുടെ പ്രൊഫഷണല്‍ ജീവിതത്തിലും തിരിച്ചടികള്‍ നേരിട്ടേക്കാം. സാമ്പത്തിക കാര്യങ്ങളില്‍ ജാഗ്രത പാലിക്കുക.

ഇടവം

ഇടവം

നിങ്ങളുടെ അഞ്ചാം ഭാവത്തില്‍ ശുക്രന്‍ സംക്രമിക്കാന്‍ പോകുന്നു. ഈ സമയത്ത് നിങ്ങളുടെ അറിവും വരുമാനവും വര്‍ദ്ധിക്കും. ബിസിനസില്‍ മെച്ചപ്പെടാന്‍ ധാരാളം അവസരങ്ങള്‍ ഉണ്ടാകും. ജോലിസ്ഥലത്ത് നിങ്ങള്‍ക്ക് ആദരവും ബഹുമാനവും ലഭിക്കും. എന്നാല്‍ ഈ സമയം പ്രണയ ജീവിതത്തിന് അത്ര നല്ലതായി തോന്നുന്നില്ല. നിങ്ങളുടെ പങ്കാളിയുമായി എന്തെങ്കിലും തരത്തില്‍ അഭിപ്രായ വ്യത്യാസങ്ങള്‍ ഉണ്ടായേക്കാം.

Most read:ശ്രാവണ മാസത്തില്‍ ഈ വാസ്തു പരിഹാരമെങ്കില്‍ ജീവിതം സന്തോഷപൂര്‍ണം

മിഥുനം

മിഥുനം

ശുക്രന്റെ സംക്രമണം മിഥുനം രാശിക്ക് ഗുണം ചെയ്യും. ഈ സമയത്ത് നിങ്ങളുടെ പ്രശസ്തി വര്‍ദ്ധിക്കും. കുടുംബ സ്വത്ത് ലഭിക്കാന്‍ സാധ്യതയുണ്ട്. കുടുംബാംഗങ്ങള്‍ക്കിടയില്‍ ഐക്യം ഉണ്ടാകും, കൂടാതെ എല്ലാവരും നിങ്ങളെ സഹായിക്കുകയും ചെയ്യും. ഈ സംക്രമണ കാലഘട്ടത്തില്‍ പ്രണയ ജീവിതത്തില്‍ മാധുര്യം ഉണ്ടാകും കൂടാതെ നിങ്ങള്‍ പ്രശ്‌നങ്ങള്‍ക്ക് പരിഹാരവും കണ്ടെത്താനാകും. കഴിഞ്ഞ കുറേ നാളുകളായി തുടരുന്ന ആരോഗ്യപ്രശ്‌നങ്ങളും കുറയും. കരിയറില്‍ പുരോഗതി ഉണ്ടാകും.

കര്‍ക്കടകം

കര്‍ക്കടകം

ഈ സമയത്ത് ശുക്രന്‍ നിങ്ങളുടെ മൂന്നാം ഭവനത്തിലൂടെ സഞ്ചരിക്കും. നിങ്ങളുടെ സഹോദരങ്ങളുമായുള്ള നിങ്ങളുടെ ബന്ധത്തില്‍ വെല്ലുവിളികള്‍ നേരിടേണ്ടിവരും. അവരുടെ പിന്തുണയ്ക്കായി നിങ്ങളുടെ വഴികള്‍ നന്നാക്കേണ്ടതുണ്ട്. നിങ്ങളുടെ പങ്കാളിയുമായുള്ള നിങ്ങളുടെ വ്യക്തിപരമായ അടുപ്പത്തില്‍ നിരന്തരമായ ശ്രദ്ധ ആവശ്യമാണ്. നിങ്ങളുടെ ചെലവുകളില്‍ ജാഗ്രത പാലിക്കുക. കടം ഒഴിവാക്കാന്‍ ശ്രമിക്കുക. നിങ്ങളുടെ സാമ്പത്തിക കാര്യങ്ങളില്‍ ജാഗ്രത പാലിക്കുക. കൂടാതെ ഈ സമയം പ്രൊഫഷണല്‍ ജീവിതത്തില്‍ വിജയത്തിന് അധിക പരിശ്രമം ആവശ്യമാണ്.

Most read:ശിവപുരാണം പ്രകാരം ഏറ്റവും വലിയ പാപങ്ങള്‍; ഒരിക്കലും പരമേശ്വരന്‍ മാപ്പുനല്‍കില്ല

ചിങ്ങം

ചിങ്ങം

ശുക്രന്റെ സംക്രമണം ചിങ്ങം രാശിക്കാര്‍ക്ക് അനുകൂലമാണ്. ഈ സമയത്ത്, നിങ്ങള്‍ ഭൂമിയും വാഹനങ്ങളും വാങ്ങാന്‍ പദ്ധതിയിടുകയാണെങ്കില്‍, നിങ്ങള്‍ക്ക് നേട്ടമുണ്ടാകും, ഭൂമിയില്‍ നിക്ഷേപിക്കാന്‍ ചിന്തിക്കുകയാണെങ്കില്‍ ധാരാളം പണലാഭം ലഭിക്കും. ചുറ്റുമുള്ള ആളുകള്‍ എപ്പോഴും നിങ്ങളെ സഹായിക്കാന്‍ തയ്യാറാകും. കൂടാതെ, സമൂഹത്തില്‍ നിങ്ങളുടെ പങ്കാളിത്തവും വര്‍ദ്ധിക്കും. ഈ സംക്രമണ കാലയളവില്‍, മതപരമായ പ്രവര്‍ത്തനങ്ങളിലേക്കുള്ള നിങ്ങളുടെ ചായ്‌വ് വര്‍ദ്ധിക്കുകയും നിങ്ങള്‍ ജീവകാരുണ്യ പ്രവര്‍ത്തനങ്ങളില്‍ സജീവമായി പങ്കെടുക്കുകയും ചെയ്യും. ജീവിതപങ്കാളിയുടെ ഉപദേശം നിങ്ങള്‍ക്ക് സാമ്പത്തിക നേട്ടങ്ങള്‍ നല്‍കും, അത് നിങ്ങളുടെ ബന്ധത്തെ ശക്തിപ്പെടുത്തും.

കന്നി

കന്നി

ശുക്രന്‍ നിങ്ങളുടെ ആദ്യ ഭാവത്തില്‍ സംക്രമണം ചെയ്യും. ഈ സംക്രമണ സമയത്ത് നിങ്ങളുടെ സ്വന്തം കഴിവിനെ നിങ്ങള്‍ സംശയിക്കുകയും നിങ്ങളുടെ വ്യക്തിത്വത്തില്‍ എന്തെങ്കിലും വലിയ മാറ്റങ്ങള്‍ കാണുകയും ചെയ്യും. നിങ്ങളുടെ വരുമാനവും ചെലവും സംബന്ധിച്ച അരക്ഷിതാവസ്ഥ നിലനില്‍ക്കും. നിങ്ങളുടെ വ്യക്തിപരവും വൈവാഹികവുമായ ബന്ധങ്ങളില്‍ ചില പ്രശ്‌നങ്ങള്‍ ഉടലെടുത്തേക്കാം. നിങ്ങളുടെ പങ്കാളിയുമായി ചില പൊരുത്തക്കേടിന്റെ ഘട്ടം നിങ്ങള്‍ അഭിമുഖീകരിക്കുകയും ചെയ്യും.

തുലാം

തുലാം

ശുക്രന്റെ സംക്രമണം നിങ്ങളുടെ തുലാം ഗുണം ചെയ്യും. ഈ സമയത്ത്, നിങ്ങളുടെ സഹോദരീസഹോദരന്മാരുമായുള്ള നിങ്ങളുടെ ബന്ധം ശക്തമാവുകയും നിങ്ങള്‍ വെല്ലുവിളികളെ നന്നായി നേരിടുകയും ചെയ്യും. പണം സമ്പാദിക്കാനുള്ള വഴിയില്‍ വന്ന പ്രശ്‌നങ്ങള്‍ അവസാനിക്കുകയും പഴയ കടങ്ങളും ഒഴിവാക്കുകയും ചെയ്യും. കുടുംബത്തോടൊപ്പം നല്ല സമയം ചെലവഴിക്കും, ഇത് മാതാപിതാക്കളുമായുള്ള ബന്ധം ശക്തിപ്പെടുത്തും. മത്സര പരീക്ഷകള്‍ക്ക് തയ്യാറെടുക്കുന്ന വിദ്യാര്‍ത്ഥികള്‍ക്ക് ഈ കാലയളവില്‍ നല്ല വാര്‍ത്ത ലഭിക്കും. രാഷ്ട്രീയവുമായി ബന്ധപ്പെട്ട ആളുകള്‍ക്ക് ആനുകൂല്യം ലഭിക്കും.

Most read:മുഖത്ത് ഈ മറുകുണ്ടോ? എങ്കില്‍ ഭാഗ്യം നിങ്ങളുടെ കൂടെയുണ്ട്‌

വൃശ്ചികം

വൃശ്ചികം

ശുക്രന്‍ നിങ്ങളുടെ പതിനൊന്നാമത്തെ ഭവനത്തിലൂടെ സഞ്ചരിക്കും. നിങ്ങളുടെ വരുമാനത്തില്‍ നിങ്ങള്‍ക്ക് അസംതൃപ്തിയുണ്ടാകും. ചെലവുകള്‍ നിങ്ങളുടെ വരുമാനത്തേക്കാള്‍ കൂടുതലായിരിക്കും. നിങ്ങളുടെ പ്രൊഫഷണല്‍ രംഗത്ത് ഒരു പ്രയാസകരമായ സമയം നേരിടേണ്ടിവരും. നിങ്ങളുടെ വ്യക്തിപരവും കുടുംബപരവുമായ ബന്ധങ്ങളില്‍ നയതന്ത്രപരമായി തീരുമാനങ്ങളെടുക്കുക. നിങ്ങളുടെ പ്രിയപ്പെട്ടവരുമായുള്ള നിങ്ങളുടെ ബന്ധത്തില്‍ വൈകാരികത കുറവായിരിക്കും. നിങ്ങളുടെ ഭൗതിക സുഖങ്ങള്‍ മാറ്റിവച്ച് ഈ സമയം നിങ്ങളുടെ ബന്ധങ്ങള്‍ വളര്‍ത്താന്‍ പരിശ്രമിക്കേണ്ടതുണ്ട്.

ധനു

ധനു

ശുക്രന്റെ സംക്രമണം നിങ്ങളുടെ രാശിക്ക് അനുകൂലമായിരിക്കും. ഈ സമയത്ത്, നിങ്ങള്‍ ജോലി മേഖലയില്‍ പുതിയ ഉയരങ്ങളില്‍ എത്തും. നിങ്ങളുടെ വരുമാനം വര്‍ദ്ധിക്കും. ബിസിനസ്സുകാര്‍ക്ക് സമയം അനുകൂലമായിരിക്കും. ഇതോടൊപ്പം സുഖസൗകര്യങ്ങള്‍ വര്‍ദ്ധിക്കുകയും ശുഭഫലങ്ങള്‍ ലഭിക്കുകയും ചെയ്യും. ഈ സമയം നിങ്ങള്‍ക്ക് സുഹൃത്തുക്കളുമായോ കുടുംബാംഗങ്ങളുമായോ ഒരു യാത്ര പോകാന്‍ പദ്ധതിയിടാം. ശുക്രന്‍ നിങ്ങളുടെ ആത്മീയതയിലേക്കുള്ള ചായ്വ് വര്‍ദ്ധിപ്പിക്കും, അതിനാല്‍ നിങ്ങള്‍ക്ക് മതപരമായ സ്ഥലങ്ങളും സന്ദര്‍ശിക്കാനാകും.

Most read:ഈ ദിക്കാണ് സമ്പത്തിന്റെ വഴി; അബദ്ധത്തില്‍ പോലും ഇത്‌ ചെയ്യരുത്

മകരം

മകരം

ശുക്രന്‍ നിങ്ങളുടെ ഭാഗ്യത്തിന്റെയും ആത്മീയ വളര്‍ച്ചയുടെയും ഒന്‍പതാം ഭാവത്തില്‍ സംക്രമിക്കും. നിങ്ങളുടെ പ്രൊഫഷണല്‍ രംഗത്ത് ചില തിരിച്ചടികള്‍ നേരിടേണ്ടിവരാം. മേലുദ്യോഗസ്ഥരുമായുള്ള ബന്ധം വഷളായേക്കാം. ഇത് നിങ്ങളുടെ പ്രൊഫഷണല്‍ വളര്‍ച്ചയില്‍ ഒരു തടസമായി നിന്നേക്കാം. നിങ്ങളുടെ പങ്കാളിയുമായും കുടുംബവുമായുള്ള നിങ്ങളുടെ വ്യക്തിപരമായ ബന്ധം കുറച്ചുകൂടി സൗഹാര്‍ദ്ദപരമാക്കുക. വിദ്യാര്‍ത്ഥികള്‍ ഈ സമയം കഠിനാധ്വാനം ചെയ്യേണ്ടിവരും. ഈ സമയത്തെ നിങ്ങളുടെ അശ്രദ്ധ നിങ്ങളുടെ നേട്ടങ്ങളെ ബാധിക്കും.

കുംഭം

കുംഭം

ശുക്രന്റെ സംക്രമണം കുംഭം രാശിക്ക് വളരെ മനോഹരമായിരിക്കും. വിദേശയാത്രയ്ക്ക് സാധ്യതയുണ്ട്. വിദേശത്ത് തുടരാന്‍ ആഗ്രഹിക്കുന്നവര്‍ക്ക് അവരുടെ ആഗ്രഹവും സഫലമാകും. നിങ്ങള്‍ക്ക് സുഹൃത്തുക്കളുടെ പിന്തുണ ലഭിക്കും കൂടാതെ രഹസ്യ ശത്രുക്കളില്‍ നിന്നും നിങ്ങള്‍ക്ക് രക്ഷ ലഭിക്കും. ജോലി മേഖലയില്‍ വിജയം നേടാന്‍ നിങ്ങള്‍ കഠിനാധ്വാനം ചെയ്യേണ്ടി വന്നേക്കാം, പക്ഷേ വിജയം നിങ്ങളുടേതായിരിക്കും. ഈ സംക്രമണ കാലയളവില്‍ പണം സമ്പാദിക്കാന്‍ നിങ്ങള്‍ നടത്തുന്ന ഏതൊരു ശ്രമത്തിലും നിങ്ങള്‍ക്ക് വിജയം ലഭിക്കും. പങ്കാളിത്ത ബിസിനസില്‍ നിങ്ങള്‍ക്ക് പ്രയോജനം ലഭിക്കും.

Most read:ക്ഷേത്രത്തിനടുത്ത് വീട് വയ്ക്കാമോ? വാസ്തു പറയുന്നത് ഇത്

മീനം

മീനം

മീനം രാശിക്കാര്‍ക്ക് ശുക്രന്‍ ഏഴാം ഭാവത്തില്‍ നിലകൊള്ളും. ശുക്രന്റെ ഈ സംക്രമണ സ്ഥലം നിങ്ങള്‍ക്ക് അത്ര അനുകൂലമല്ല. ഈ യാത്രയ്ക്കിടെ നിങ്ങളുടെ വ്യക്തിപരവും വൈവാഹികവുമായ ബന്ധങ്ങളില്‍ പൊരുത്തക്കേടുകള്‍ നേരിടേണ്ടിവരും. അതിനാല്‍ നിങ്ങള്‍ ശാന്തത പാലിക്കാനും നിങ്ങളുടെ പങ്കാളിയുമായുള്ള തര്‍ക്കങ്ങള്‍ ഒഴിവാക്കാനും നിര്‍ദ്ദേശിക്കുന്നു. നിങ്ങളുടെ പ്രൊഫഷണല്‍ ജീവിതത്തില്‍ പ്രയോജനകരമായ ഗുണങ്ങള്‍ കണ്ടേക്കില്ല. എന്നാല്‍ നിങ്ങളുടെ ബിസിനസ്സ് ഇടപാടുകളിലെ തടസ്സങ്ങളും പരിഹരിക്കുന്നതിനുള്ള എല്ലാ ശക്തിയും നിങ്ങള്‍ക്ക് ലഭിക്കും. നിങ്ങളുടെ വ്യക്തിപരവും തൊഴില്‍പരവുമായ എല്ലാ കാര്യങ്ങളും ജാഗ്രതയോടെ കൈകാര്യം ചെയ്യാന്‍ നിര്‍ദ്ദേശിക്കുന്നു.

English summary

Venus Transit in Virgo On 11 August 2021 Effects on Zodiac Signs in Malayalam

Venus Transit in Virgo Effects on Zodiac Signs in Malayalam: The Venus Transit in Virgo will take place on 11th August 2021. Learn about remedies to perform in Malayalam
X