Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ശുക്രന് വൃശ്ചികം രാശിയില്‍; 12 രാശിക്കും ഗുണദോഷ ഫലങ്ങള്‍
കല, സൗന്ദര്യം, സര്‍ഗ്ഗാത്മകത മുതലായവയുടെ കാരണഗ്രഹമായി ശുക്രനെ കണക്കാക്കുന്നു. അതിനാല്‍, ജ്യോതിഷത്തില്‍ ശുക്രന്റെ സംക്രമണം വളരെ പ്രധാനമായി കണക്കാക്കപ്പെടുന്നു. ഒക്ടോബര്‍ 2 ന്, ശുക്രന് അതിന്റെ സ്വന്തം ചിഹ്നമായ തുലാം രാശിയില്‍ നിന്ന് മാറി ചൊവ്വയുടെ ഉടമസ്ഥതയിലുള്ള വൃശ്ചികത്തിലേക്ക് നീങ്ങും. ശുക്രന്റെ ഈ സംക്രമണം കാരണം, എല്ലാ രാശിചിഹ്നങ്ങളിലേയും ആളുകളുടെ ജീവിതത്തില്‍ മാറ്റങ്ങള്‍ കാണപ്പെടും. ശുക്രന് വൃശ്ചികം രാശിയില്‍ ഒക്ടോബര്‍ 30 വരെ തുടരും. ശുക്രന്റെ ഈ സംക്രമണ കാലത്ത് 12 രാശിക്കാര്‍ക്കും ജീവിതത്തില്‍ എന്തൊക്കെ ഫലങ്ങള്‍ ലഭിക്കുമെന്ന് അറിയാന്‍ ലേഖനം വായിക്കൂ.
മേടം
ശുക്രന്റെ രാശിമാറ്റം നിങ്ങള്‍ക്ക് പ്രധാനപ്പെട്ടതായിരിക്കും. ശുക്രന്റെ സംക്രമണം നിങ്ങളുടെ എട്ടാം ഭാവത്തില്‍ സംഭവിക്കും. ഈ കാലഘട്ടത്തില്‍ മേടം രാശിക്കാര്‍ വളരെ ശ്രദ്ധിക്കേണ്ടതുണ്ട്. ഈ സമയത്ത് വാഹനം ഉപയോഗിക്കുമ്പോള്‍ ശ്രദ്ധിക്കുക. ജീവിത പങ്കാളിയുമായി തര്‍ക്ക സാഹചര്യം സൃഷ്ടിക്കരുത്. അതേസമയം, ജീവിതപങ്കാളിയുടെ ആരോഗ്യവും നിങ്ങള്‍ക്ക് പ്രശ്‌നമുണ്ടാക്കാം. ജോലിയിലും ബിസിനസ്സിലും എതിരാളികള്‍ നിങ്ങളെ ബുദ്ധിമുട്ടിക്കും. ഇത് ഗൗരവമായി ശ്രദ്ധിക്കുക. പെട്ടെന്നുള്ള പണ നേട്ടങ്ങള്‍ ലഭ്യമാകും.
ഇടവം
ആനന്ദം, സ്‌നേഹം, പ്രണയം മുതലായവയുടെ ഘടകമായി ശുക്രനെ കണക്കാക്കുന്നു. ശുക്രന്റെ സംക്രമണം നിങ്ങളുടെ ഏഴാം ഭാവത്തിലായിരിക്കും. ഈ സമയത്ത്, ദാമ്പത്യ ജീവിതത്തിലെ പ്രശ്‌നങ്ങള്‍ മറികടക്കാന്‍ കഴിയും. ജോലിയിലും ബിസിനസ്സിലും പുരോഗതിയുടെ സാഹചര്യം ഉണ്ടാകാം, അതിനാല്‍ ജോലിയെക്കുറിച്ചുംഉത്തരവാദിത്തങ്ങളെക്കുറിച്ചും ഗൗരവമായിരിക്കുക. ഈ കാലയളവില്‍ നിങ്ങള്‍ക്ക് മറ്റുള്ളവരെ ആകര്‍ഷിക്കാനും കഴിയും.
മിഥുനം
ശുക്രന്റെ രാശിയിലെ മാറ്റം നിങ്ങള്‍ക്ക് സമ്മിശ്ര ഫലങ്ങള്‍ നല്‍കും. ശുക്രന് നിങ്ങളുടെ ആറാം ഭാവത്തില്‍ സഞ്ചരിക്കുന്നു. അതിനാല്‍, ചില സന്ദര്‍ഭങ്ങളില്‍ ജാഗ്രതആവശ്യമാണ്. ഈ സമയം വിദ്യാര്‍ത്ഥികള്‍ക്ക് നല്ലതായിരിക്കും. നിങ്ങളുടെ ലക്ഷ്യത്തില്‍ ശ്രദ്ധ കേന്ദ്രീകരിക്കുക, വിജയം വരും. ജോലി മാറുന്നതിനെക്കുറിച്ചുള്ള ചിന്തകള്‍ മനസ്സില്‍ വന്നേക്കാം. എന്നാല്‍ തിടുക്കത്തില്‍ തീരുമാനങ്ങള്‍ എടുക്കുന്നത് ഒഴിവാക്കുക. ആവശ്യമുള്ളപ്പോള്‍ അറിവുള്ളവരില്‍ നിന്ന് സഹായവും മാര്‍ഗനിര്‍ദേശവും സ്വീകരിക്കാന്‍ ശ്രമിക്കുക. അഹന്തയില്‍ നിന്ന് അകന്നുനില്‍ക്കാനും ശ്രമിക്കുക.
കര്‍ക്കടകം
ശുക്രന്റെ സംക്രമണം നിങ്ങളുടെ അഞ്ചാം ഭാവത്തില്‍ സംഭവിക്കാന്‍ പോകുന്നു. ജ്യോതിഷത്തില്‍, ഈ വീട് വിദ്യാഭ്യാസം, കുട്ടികള്‍, സ്‌നേഹം തുടങ്ങിയവയുടെ ഘടകമായും കണക്കാക്കപ്പെടുന്നു. കര്‍ക്കടകം രാശിക്കാര്‍ക്ക് വിദ്യാഭ്യാസ മേഖലയിലും മറ്റും നല്ല ഫലങ്ങള്‍ ലഭിക്കും. ബിസിനസ്സില്‍ ലാഭത്തിന്റെ സാഹചര്യവും ഉണ്ടാകാം. അതിനാല്‍ ഈ കാലയളവില്‍ നിങ്ങള്‍ക്ക് ലഭിക്കുന്ന അവസരങ്ങള്‍ പ്രയോജനപ്പെടുത്താന്‍ ശ്രമിക്കുക.
ചിങ്ങം
ശുക്രന്റെ സംക്രമണം നിങ്ങളുടെ നാലാം ഭാവത്തില്‍ സംഭവിക്കും. ജ്യോതിഷത്തില്‍, നാലാമത്തെ വീട് അമ്മ, വാഹനം, അധികാരം മുതലായവയായി കണക്കാക്കപ്പെടുന്നു. ശുക്രന് നാലാംഭാവത്തില്‍ വരുന്നത് ഈ കാര്യങ്ങളെ ബാധിക്കും. ശുക്രന്റെ സംക്രമണം മനസ്സിനെ സന്തോഷിപ്പിക്കും. കുടുംബത്തില്‍ സന്തോഷത്തിന്റെ അന്തരീക്ഷം ഉണ്ടാകും. അധികാരപരിധി വര്‍ദ്ധിക്കും. മനസ്സ് സന്തോഷിക്കും. കീഴുദ്യോഗസ്ഥരില്‍ നിന്ന് നിങ്ങള്‍ക്ക് നല്ല സഹകരണം ലഭിക്കും. വിനോദം, ഫാഷന്‍, തുടങ്ങിയ മേഖലകളില്‍ നിങ്ങള്‍ക്ക് വിജയം നേടാനാകും.
കന്നി
ശുക്രന്റെ സംക്രമണം നിങ്ങളിലുള്ള മറ്റുള്ളവരുടെ ബഹുമാനം വര്‍ദ്ധിക്കും. ശുക്രന്റെ സംക്രമണം നിങ്ങളുടെ മൂന്നാം ഭാവത്തില്‍ സംഭവിക്കാന്‍ പോകുന്നു. ഇത് ധൈര്യം, ആശയവിനിമയം, എഴുത്ത് തുടങ്ങിയവയുടെ ഭവനമായി കണക്കാക്കപ്പെടുന്നു. ശുക്രന് ഇവിടെ തുടര്‍ന്നുകൊണ്ട് സുഖസൗകര്യങ്ങള്‍ വര്‍ദ്ധിപ്പിക്കാനും കഴിയും. കൃത്യസമയത്തും കാര്യക്ഷമമായും പുതിയ ജോലികള്‍ ചെയ്യാന്‍ കഴിയും. നിങ്ങളുടെ ജനപ്രീതി വര്‍ദ്ധിച്ചേക്കാം. സഹോദരങ്ങളുടെ പിന്തുണയും ലഭിക്കും. മതപരമായ പ്രവര്‍ത്തനങ്ങളില്‍ താല്‍പര്യം വര്‍ദ്ധിച്ചേക്കാം. ജീവകാരുണ്യ പ്രവര്‍ത്തനങ്ങളും ചെയ്യാും. പ്രണയ ബന്ധങ്ങളിലും നിങ്ങള്‍ക്ക് വിജയം നേടാനാകും. ജീവിത പങ്കാളിയുടെ പിന്തുണ ലഭിക്കും.
തുലാം
ശുക്രന്റെ സംക്രമത്തില്‍ പണത്തിന്റെ കാര്യത്തില്‍ നിങ്ങള്‍ക്ക് നല്ല ഫലങ്ങള്‍ കൈവരിക്കാന്‍ കഴിയും. നിങ്ങളുടെ ജാതകത്തിന്റെ രണ്ടാം ഭാവത്തിലാണ് ശുക്രന്റെ സംക്രമണം നടക്കുന്നത്. ജ്യോതിഷ പ്രകാരം, ജാതകത്തിലെ രണ്ടാമത്തെ വീട് സംസാരത്തിന്റെയും പണത്തിന്റെയും ഭവനമായി കൂടി പരിഗണിക്കപ്പെടുന്നു. ശുക്രന് ഈ വീട്ടില്‍ ഇരുന്നുകൊണ്ട് നിങ്ങള്‍ക്ക് ഇത്തരം ഫലങ്ങള്‍ വര്‍ദ്ധിപ്പിക്കാന്‍ പോകുന്നു. ബിസിനസ്സിലും ജോലിയിലും പുരോഗതിയുടെ സാഹചര്യം ഉണ്ടാകാം. വരുമാനം വര്‍ദ്ധിച്ചേക്കാം.
വൃശ്ചികം
ശുക്രന് ഈ സമയം തുടരുന്നത് വൃശ്ചികം രാശിയിലായിരിക്കും. അതിനാല്‍, ഇത് നിങ്ങളുടെ രാശിചിഹ്നത്തില്‍ പ്രത്യേക സ്വാധീനം ചെലുത്തും. നിലവില്‍ കേതു വൃശ്ചികത്തില്‍ തുടരുന്നു. ശുക്രന് ഇപ്പോള്‍ കേതുവുമായി കൂടിച്ചേരാന്‍ പോകുന്നു. ശുക്രന്റെ സംക്രമണം നിങ്ങളുടെ ആദ്യ ഭാവത്തില്‍ സംഭവിക്കും. ബന്ധങ്ങള്‍ ശക്തിപ്പെടും. ജീവിത പങ്കാളിയുടെ പിന്തുണ നിങ്ങള്‍ക്ക് ലഭിക്കും. ഈ സംക്രമണം പ്രണയ ബന്ധങ്ങള്‍ക്ക് നല്ല ഫലങ്ങള്‍ ലഭിക്കും. ബിസിനസിന് ലാഭകരമായ സാഹചര്യവുമുണ്ട്. ജോലിയിലും കരിയറിലും വളര്‍ച്ചയ്ക്ക് സാധ്യതയുണ്ട്.
ധനു
ധനു രാശിക്കാരുടെ നിങ്ങളുടെ പന്ത്രണ്ടാം ഭാവത്തില്‍ ശുക്രന്റെ സംക്രമണം നടക്കും. ജാതകത്തിലെ പന്ത്രണ്ടാം ഭവനം ചെലവുകളുടെയും വിദേശ രാജ്യങ്ങളെയും സൂചിപ്പിക്കുന്നു. ഈ വീട്ടിലെ ശുക്രന്റെ സംക്രമണം നിങ്ങള്‍ക്ക് പ്രത്യേകമായിരിക്കും. ഈ സമയത്ത്, ചെലവുകള്‍ നിയന്ത്രിക്കേണ്ടതുണ്ട്. പണച്ചെലവ് കൂടുതലായിരിക്കാം. നിക്ഷേപ മൂലധനവും കുറഞ്ഞേക്കാം. വിദേശയാത്രയ്ക്ക് ഒരു യോഗമുണ്ടാകും. വിദേശത്തേക്ക് പോകാന്‍ നടത്തുന്ന ശ്രമത്തില്‍ വിജയം നേടാനാകും. നിക്ഷേപങ്ങളില്‍ നിന്ന് പണം ലഭിക്കും. അനാവശ്യ തര്‍ക്കങ്ങള്‍ ഒഴിവാക്കാന്‍ ശ്രമിക്കുക.
മകരം
നിലവില്‍, രണ്ട് വലിയ ഗ്രഹങ്ങള്‍ മകരം രാശിയില്‍ തുടരുന്നുണ്ട്. ശനിയുടെയും വ്യാഴത്തിന്റെയും സംയോജനമാണത്. ഇതിനൊപ്പം, ഒക്ടോബര്‍ രണ്ടിന് ശുക്രന്റെ മാറ്റം നിങ്ങളുടെ ജീവിതത്തില്‍ ഒരു പ്രത്യേക പ്രഭാവം ഉണ്ടാക്കും. നിങ്ങളുടെ പതിനൊന്നാം ഭാവത്തില്‍ ശുക്രന്റെ സംക്രമണം സംഭവിക്കും. ഈ വീട് ലാഭം, വരുമാനം, സുഹൃത്തുക്കള്‍, ജ്യേഷ്ഠ സഹോദരങ്ങള്‍ എന്നിവരുടെ ഭവനമായി കണക്കാക്കപ്പെടുന്നു. ജോലിസ്ഥലത്ത് നിങ്ങള്‍ക്ക് മേലധികാരിയുടെ പിന്തുണ ലഭിക്കും. ജനപ്രീതിയും അന്തസ്സും വര്‍ദ്ധിക്കും. ജീവിത പങ്കാളിയുടെ പിന്തുണ നിങ്ങള്‍ക്ക് ലഭിക്കും. പ്രണയ ബന്ധങ്ങളിലും നല്ല ഫലങ്ങള്‍ ലഭിക്കും.
കുംഭം
ശുക്രന്റെ രാശി മാറ്റം നിങ്ങളുടെ പത്താം ഭാവത്തില്‍ സംഭവിക്കുന്നു. ജ്യോതിഷത്തില്‍ പത്താമത്തെ ഭവനം കര്‍മ്മ വീട് എന്നും അറിയപ്പെടുന്നു. ഈ വീട് ബിസിനസുമായും ബന്ധപ്പെട്ടിരിക്കുന്നു. ഈ സമയത്ത് നിങ്ങള്‍ക്ക് ജോലിയില്‍ വിജയം ലഭിക്കും. ഉത്തരവാദിത്തങ്ങള്‍ വര്‍ദ്ധിച്ചേക്കാം. മറുവശത്ത്, നിങ്ങള്‍ ജോലി മാറ്റുന്നതിനെക്കുറിച്ച് ചിന്തിക്കുകയാണെങ്കില്‍, നിങ്ങള്‍ക്ക് നല്ല അവസരങ്ങള്‍ ലഭിക്കും.
മീനം
ശുക്രന്റെ സംക്രമണം മതപരമായ കാര്യങ്ങളില്‍ നിങ്ങളുടെ താല്‍പര്യം വളര്‍ത്തും. ഈ സമയത്ത്, ശുക്രന്റെ സമ്മിശ്ര ഫലങ്ങള്‍ കാണും. സൗകര്യങ്ങള്‍ വര്‍ദ്ധിക്കും. പുതിയ വിഷയങ്ങള്‍ മനസ്സിലാക്കാനുള്ള താത്പര്യം ഉയരും. കലാരംഗത്തും മറ്റും നല്ല ഫലങ്ങള്‍ ലഭിക്കും. തര്‍ക്കങ്ങളും സംഘര്‍ഷങ്ങളും ഒഴിവാക്കാന്‍ ശ്രമിക്കുക. വായ്പ എടുക്കുന്ന സാഹചര്യം ഒഴിവാക്കുക.
