ശുഭഗ്രഹമെങ്കിലും ഇടയ്ക്ക് ദോഷവും; ശുക്രന്റെ രാശിമാറ്റം; 3 രാശിക്ക് ധനദൗര്‍ലഭ്യം, അനാരോഗ്യം

ജ്യോതിഷ പ്രകാരം ശുക്രന്‍ ഭൂതങ്ങളുടെ അധിപനായി കണക്കാക്കപ്പെടുന്നു. ശുക്രനെ കലയുടെയും ആഹ്ലാദത്തിന്റെയും ആകര്‍ഷണത്തിന്റെയും ഘടകമായി കണക്കാക്കുന്നു. ഒരാളുടെ ജാതകത്തില്‍ ശുക്രന്‍ ശുഭസ്ഥാനത്ത് നില്‍ക്കുന്നുണ്ടെങ്കില്‍ അയാളില്‍ ചില കലാപരമായ ഗുണങ്ങള്‍ ഉണ്ടാകുന്നു.

അവരുടെ ജീവിതം മുഴുവന്‍ സുഖസൗകര്യങ്ങളോടെ ചെലവഴിക്കുന്നു. ശുക്രന്റെ രാശിയിലെ മാറ്റം തീര്‍ച്ചയായും ഓരോ രാശിക്കാരുടെയും ജീവിതത്തെ ഒന്നല്ലെങ്കില്‍ മറ്റൊരു തരത്തില്‍ ബാധിക്കുന്നു. ശുക്രന്‍ മെയ് 2ന് സ്വന്തം രാശിയായ ഇടവത്തില്‍ നിന്ന് മാറി സുഹൃത്തായ ബുധന്റെ രാശിയായ മിഥുന രാശിയിലേക്ക് സംക്രമിച്ചു.

മെയ് 30 വരെ ഈ സ്ഥിതി തുടരും. ഇതിനുശേഷം, ഇത് ചന്ദ്രന്റെ ഉടമസ്ഥതയിലുള്ള കര്‍ക്കടക രാശിയില്‍ പ്രവേശിക്കും. ശുക്രന്‍ മിഥുന രാശിയില്‍ പ്രവേശിക്കുന്നത് കൊണ്ട് പല രാശിക്കാര്‍ക്കും നേട്ടങ്ങള്‍ ലഭിക്കും. നേരെമറിച്ച്, മെയ് 30 വരെ അല്‍പ്പം ശ്രദ്ധിക്കേണ്ട ചില രാശിക്കാരും ഉണ്ട്.

കാരണം നിങ്ങളുടെ രാശിയില്‍ ശുക്രന്‍ അനുകൂലമല്ലാത്തതിനാല്‍ നിങ്ങളുടെ സന്തോഷം ഈ സമയം ഇല്ലാതായേക്കാം. പ്രണയ ജീവിതത്തിലും ദാമ്പത്യ ജീവിതത്തിലും പ്രശ്‌നങ്ങള്‍ ഉണ്ടാകാം. ഏതൊക്കെ രാശിക്കാര്‍ക്കാണ് ശുക്രന്റെ സംക്രമണം മൂലം പ്രശ്‌നങ്ങള്‍ വര്‍ധിക്കുന്നത് എന്ന് നമുക്ക് നോക്കാം.

കര്‍ക്കടകം
കര്‍ക്കിടകം രാശിയില്‍ ശുക്രന്‍ പന്ത്രണ്ടാം ഭാവത്തില്‍ തുടരും. ഇത്തരമൊരു സാഹചര്യത്തില്‍ നിങ്ങളുടെ ചെലവുകള്‍ അനാവശ്യമായി വര്‍ദ്ധിക്കാനിടയുണ്ട്. ഈ സമയം നിങ്ങള്‍ക്ക് സാമ്പത്തികമായും മാനസികമായും മോശം സ്വാധീനം ഉണ്ടാകുമെങ്കിലും ശുക്രന്‍ പന്ത്രണ്ടാം ഭാവത്തില്‍ നില്‍ക്കുന്നതിനാല്‍ ധനലാഭവും ഉണ്ടാകും. അതുകൊണ്ട് തന്നെ അനാവശ്യമായി പരിഭ്രാന്തരാകേണ്ട കാര്യമില്ല.

വൃശ്ചികം
വൃശ്ചികം രാശിയില്‍ ശുക്രന്‍ എട്ടാം ഭാവത്തിലായിരിക്കും. ഇത്തരമൊരു സാഹചര്യത്തില്‍ നിങ്ങളുടെ വൈവാഹിക ജീവിതത്തിലും പ്രണയ ജീവിതത്തിലും ചില പ്രശ്‌നങ്ങള്‍ ഉണ്ടാകാം. ഈ സമയം നിങ്ങള്‍ക്ക് കൂടുതല്‍ പണം ചെലവഴിക്കേണ്ടിവരും. ജീവിതപങ്കാളിയുമായി ചില കാര്യങ്ങളില്‍ തര്‍ക്കമുണ്ടാകാം. അത്തരമൊരു സാഹചര്യത്തില്‍, നിങ്ങള്‍ വളരെ വിവേകത്തോടെ പ്രവര്‍ത്തിക്കേണ്ടതുണ്ട്. ബിസിനസ്സില്‍ ഏതെങ്കിലും തരത്തിലുള്ള നിക്ഷേപങ്ങള്‍ നടത്താന്‍ ഉദ്ദേശിക്കുന്നുവെങ്കില്‍, ഈ സമയം അത് ഒഴിവാക്കുക.

മകരം
മകരം രാശിയില്‍ ശുക്രനെ അഞ്ചാമത്തെയും പത്താം ഭാവത്തിന്റെയും അധിപനായി കണക്കാക്കുന്നു. എന്നാല്‍ മിഥുന രാശിയില്‍ സംക്രമിച്ച ശേഷം ശുക്രന്‍ ഈ രാശിയില്‍ ആറാം ഭാവത്തില്‍ തുടരും. ഇത്തരമൊരു സാഹചര്യത്തില്‍ മകരം രാശിക്കാര്‍ക്ക് ആരോഗ്യ സംബന്ധമായ പ്രശ്‌നങ്ങള്‍ നേരിടേണ്ടി വന്നേക്കാം. ശുക്രനും ചൊവ്വയും കൂടിച്ചേര്‍ന്നതിനാല്‍ ആരോഗ്യ സംബന്ധമായ പ്രശ്‌നങ്ങള്‍ ഉണ്ടാകാം. അനാവശ്യ ചിലവുകള്‍ക്ക് സാധ്യതയുണ്ട്.

ജ്യോതിഷത്തിലെ ശുക്രന്‍
ജ്യോതിഷത്തില്‍ ശുക്രനെ സ്ത്രീ ഗ്രഹമായാണ് കണക്കാക്കുന്നത്. ഇടവം, തുലാം രാശികളുടെ അധിപനാണ് ശുക്രന്‍. ജീവിതത്തിലെ സന്തോഷത്തിന്റെയും സമൃദ്ധിയുടെയും ഘടകമാണ് ഇത്. ശുക്രന്‍ ശുഭമായാല്‍ ഒരു വ്യക്തിയുടെ കലാവൈഭവം വികസിക്കുന്നു. ഒരാളുടെ ജാതകത്തില്‍ ഈ ഗ്രഹം ശക്തനായാലും ദുര്‍ബലനായാലും, രണ്ട് സാഹചര്യങ്ങളിലും ഇത് വളരെ പ്രധാനമാണ്.

ജ്യോതിഷത്തില്‍ നല്ല വസ്ത്രം, വിവാഹം, വരുമാനം, സ്ത്രീ, ബ്രാഹ്‌മണന്‍, ഭാര്യ, ലൈംഗിക സന്തോഷം, പുഷ്പം, വാഹനം, വെള്ളി, സന്തോഷം, കല, ഉപകരണം, രാജകീയ പ്രവണത എന്നിവയുടെ ഘടകമാണ് ശുക്രന്‍. ശുക്രന്റെ രാശിമാറ്റം മൂലം ഈ കാര്യങ്ങളുമായി ബന്ധപ്പെട്ട മാറ്റങ്ങളും കാണാന്‍ കഴിയും.

ശുക്രന്റെ പ്രതിവിധികള്‍
ലക്ഷ്മിയെ അല്ലെങ്കില്‍ ജഗദംബയെ ആരാധിക്കുക. ഭക്ഷണത്തിന്റെ കുറച്ച് ഭാഗം പശുക്കള്‍ക്കും കാക്കകള്‍ക്കും നായ്ക്കള്‍ക്കും നല്‍കുക. വെള്ളിയാഴ്ച വ്രതം അനുഷ്ഠിക്കുക. തിളക്കമുള്ള വെള്ള, പിങ്ക് നിറങ്ങള്‍ ഉപയോഗിക്കുക. ശ്രീ സൂക്തം പാരായണം ചെയ്യുക. വെള്ള വസ്ത്രങ്ങള്‍, തൈര്, പായസം, ജോവര്‍, സുഗന്ധദ്രവ്യങ്ങള്‍, വര്‍ണ്ണാഭമായ വസ്ത്രങ്ങള്‍, വെള്ളി, അരി മുതലായവ വെള്ളിയാഴ്ചകളില്‍ ദാനം ചെയ്യുക.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്‌സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.