Click it and Unblock the Notifications
Latest Updates
-
ഇന്നത്തെ രാശിഫലം: ഈ 4 രാശിക്കാർക്ക് ഇന്ന് ഭാഗ്യോദയം; ശനിദോഷം മാറാൻ വഴിയിതാ -
ഇന്നത്തെ രാശിഫലം: ഈ 4 രാശിക്കാര്ക്ക് ഇന്ന് ഭാഗ്യോദയം; ചിലര്ക്ക് പണച്ചെലവ് കൂടും -
2026 ഏപ്രിൽ 2: ഈ 4 രാശിക്കാർക്ക് ഇന്ന് ഭാഗ്യോദയം; പണവും പ്രശസ്തിയും തേടിയെത്തും -
ഭക്ഷണത്തിന് ശേഷം ഏലക്കായ ചവക്കുന്ന ശീലമുണ്ടോ? നിങ്ങളറിയാതെ നിങ്ങള്ക്ക് ലഭിക്കുന്നത് ഇതെല്ലാം -
നേട്ടങ്ങളെത്തും കടല് പോലെ, മേടം മുതല് മീനം വരെ 12 രാശിക്കാര്ക്കും സമ്പൂര്ണ വാരഫലം: നിങ്ങള്ക്കെങ്ങനെ? -
Rashiphalam: ആഴ്ചാവസാനത്തില് മേടം മുതല് മീനം വരെ 12 രാശിക്കാര്ക്കും എപ്രകാരമാണ് ഫലങ്ങള് -
Rashiphalam: ഇന്ന് ഗജകേസരി രാജയോഗം, നേട്ടങ്ങളില് ഇവര് മുന്നില്: അറിയാം 12 രാശിക്കും സമ്പൂര്ണഫലം -
സമ്പൂര്ണ ന്യൂമറോളജിഫലം: അറിയാം നിങ്ങളുടെ ഭാഗ്യവും നിര്ഭാഗ്യവും ഈ ആഴ്ചയില് എപ്രകാരമെന്ന് -
ഡ്രാഗണ് ഫ്രൂട്ട് നിസ്സാരമല്ല: ഹൃദയം വരെ സുരക്ഷിതമാക്കും, ഗുണങ്ങളില് അതികേമന് -
ശനിയും ചൊവ്വയും ചേരുമ്പോള് ആഢംബരവും സമ്പത്തും ക്ഷണിക്കാതെ വന്നു ചേരും ഈ രാശിക്കാര്ക്ക്
അടുത്ത 56 ദിവസം ജീവിതം മാറും, കര്ക്കടകത്തില് ശുക്രന് പ്രതിലോമത്തില്: മേടം-മീനം ഫലം
ജ്യോതിഷപ്രകാരം ശുക്രനെ ഭൗതിക സുഖങ്ങളുടെ അധിപനായി കണക്കാക്കുന്നു. ശുക്രന് ഈ സമയം ഓഗസ്റ്റ് 7 ന് കര്ക്കടകത്തില് വക്രത്തില് സംക്രമിച്ചുകഴിഞ്ഞു. ഇവിടെ ഇപ്പോള് ശുക്രന് ഗ്രഹങ്ങളുടെ രാജാവായ സൂര്യനുമായി ഒന്നിക്കും. അതുപ്രകാരം ഒരേ രാശിയില് രണ്ട് ഗ്രഹങ്ങളും സംഗമിക്കും. കര്ക്കടകത്തില് സൂര്യനും ശുക്രനും കൂടിച്ചേരുന്നതോടെ രാജഭംഗയോഗവും രൂപപ്പെടും. ശുക്രന് സെപ്തംബര് 4 വരെ കര്ക്കടകത്തില് വക്രഗതിയില് തുടരുകയും സെപ്റ്റംബര് 4 ന് നേര്രേഖയിലേക്ക് മാറുകയും ചെയ്യും. ഒക്ടോബര് ഒന്നിന് ശുക്രന് വീണ്ടും ചിങ്ങത്തില് എത്തും.
കര്ക്കടകത്തിലെ ശുക്രന്റെ പ്രതിലോമ സഞ്ചാരം കാരണം, രാജ്യത്തും ലോകത്തും 12 രാശികളിലും മാറ്റം കാണപ്പെടും. ചില രാശിക്കാര്ക്ക് ശുക്രന് ശുഭഫലം നല്കും, അതേ സമയം ചില രാശിക്കാര്ക്ക് ജീവിതത്തില് ഉയര്ച്ച താഴ്ചകള് നേരിടേണ്ടിയും വന്നേക്കാം. കര്ക്കടകത്തില് ശുക്രന് പ്രതിലോമമായി നീങ്ങുമ്പോള് അടുത്ത 56 ദിവസത്തേക്ക് മേടം മുതല് മീനം വരെയുള്ള എല്ലാ രാശികളുടെയും ജീവിതത്തില് ഫലങ്ങള് എങ്ങനെയായിരിക്കുമെന്ന് അറിയാന് ലേഖനം വായിക്കൂ.
മേടം
നിങ്ങളുടെ രാശിയില് നിന്ന് നാലാം ഭാവത്തിലേക്ക് ശുക്രന് പിന്നോക്കം നില്ക്കുന്നു. ജീവിതത്തില് പല ഉയര്ച്ച താഴ്ചകളും നേരിടേണ്ടി വന്നേക്കാം. ദാമ്പത്യ ജീവിതത്തില് ചില പ്രശ്നങ്ങള് അഭിമുഖീകരിക്കേണ്ടി വന്നേക്കാം. ഇണയുമായി തര്ക്കമുണ്ടായേക്കാം. ഈ കാലയളവില്, പണം ലാഭിക്കുന്നതില് ബുദ്ധിമുട്ടുകള് ഉണ്ടാകും, ചെലവുകള് വര്ദ്ധിക്കും. ചിന്തിക്കാനും മനസ്സിലാക്കാനുമുള്ള ശക്തി ദുര്ബലമാകുകയും ആരോഗ്യ സംബന്ധമായ പ്രശ്നങ്ങള് നേരിടേണ്ടിവരുകയും ചെയ്യും.
ഇടവം
നിങ്ങളുടെ രാശിയില് നിന്ന് മൂന്നാം സ്ഥാനത്ത് ശുക്രന് പിന്നോക്കം നില്ക്കുന്നു. ഈ സമയത്ത്, ഗാര്ഹിക ജീവിതത്തില് പല തരത്തിലുള്ള പ്രശ്നങ്ങള് നേരിടേണ്ടിവരും. കുടുംബാംഗങ്ങളുമായും സുഹൃത്തുക്കളുമായുമുള്ള ബന്ധം വഷളായേക്കാം. മത്സര പരീക്ഷകള്ക്ക് തയ്യാറെടുക്കുന്ന വിദ്യാര്ത്ഥികള് കൂടുതല് കഠിനാധ്വാനം ചെയ്യേണ്ടിവരും. ഈ കാലയളവില് സഹോദരങ്ങള്ക്ക് ആരോഗ്യപ്രശ്നങ്ങള് നേരിടേണ്ടിവരാം. ജോലിക്കാര് ശ്രദ്ധാപൂര്വ്വം തീരുമാനങ്ങള് എടുക്കേണ്ടതാണ്.
മിഥുനം
ശുക്രന് നിങ്ങളുടെ രാശിയില് നിന്ന് രണ്ടാം സ്ഥാനത്തേക്ക് പിന്തിരിഞ്ഞു. ഈ സമയത്ത് നിങ്ങളുടെ പ്ലാനുകളില് ചില മാറ്റങ്ങളുണ്ടാകും. കുടുംബാംഗങ്ങള് മൂലം പ്രശ്നങ്ങള് ഉണ്ടായേക്കാം. സാമ്പത്തിക കാര്യങ്ങളെക്കുറിച്ച് സംസാരിക്കുമ്പോള്, ഈ കാലയളവില് നിങ്ങളുടെ ചെലവുകള് നിയന്ത്രിക്കുക, അല്ലാത്തപക്ഷം നിങ്ങളുടെ ജീവിതത്തില് നിരവധി പ്രശ്നങ്ങള് വന്നേക്കും. നിങ്ങള്ക്ക് ഈ സമയം സഹോദരങ്ങളുടെ പൂര്ണ്ണ പിന്തുണ ലഭിക്കും.
കര്ക്കിടകം
ശുക്രന് നിങ്ങളുടെ രാശിയുടെ ലഗ്നഭാവത്തില് പിന്നോക്കം നില്ക്കുന്നു. പ്രണയ ജീവിതത്തില് അല്പം അസ്വസ്ഥത ഉണ്ടാകാന് സാധ്യതയുണ്ട്. കുട്ടികളുടെ തൊഴില്, വിദ്യാഭ്യാസ സംബന്ധമായ കാര്യങ്ങളില് രക്ഷിതാക്കള്ക്ക് ആശങ്കയുണ്ടായേക്കാം, മനസ്സില് അരക്ഷിതാവസ്ഥ അനുഭവപ്പെടാം. ഈ കാലയളവില് സാമ്പത്തിക വെല്ലുവിളികള് നേരിടേണ്ടിവന്നേക്കാം.
ചിങ്ങം
ശുക്രന് നിങ്ങളുടെ രാശിയില് നിന്ന് പന്ത്രണ്ടാം സ്ഥാനത്തേക്ക് പിന്തിരിഞ്ഞു. ഈ സമയത്ത്, നിങ്ങളുടെ വികാരങ്ങള് പ്രകടിപ്പിക്കുന്നതില് ബുദ്ധിമുട്ടുകള് ഉണ്ടായേക്കാം. നിങ്ങളുടെ ആത്മവിശ്വാസത്തില് കുറവുണ്ടാകാം. പ്രൊഫഷണല് ജീവിതത്തില് ചില പ്രശ്നങ്ങള് ഉണ്ടായേക്കാം. നിക്ഷേപിക്കാന് പദ്ധതികള് ഇപ്പോള് തത്കാലം മാറ്റിവയ്ക്കുക. ഈ കാലയളവില്, നിങ്ങളുടെ അമ്മയുമായുള്ള ബന്ധം അല്പ്പം മോശമായേക്കാം. അതിനാല് കുടുംബ അന്തരീക്ഷം അല്പ്പം മോശമായിരിക്കും.
കന്നി
നിങ്ങളുടെ രാശിയില് നിന്ന് പതിനൊന്നാം ഭാവത്തില് ശുക്രന് പിന്തിരിഞ്ഞു. ഈ സമയത്ത് ദാമ്പത്യ ജീവിതത്തില് ഉയര്ച്ച താഴ്ചകള് നേരിടേണ്ടി വന്നേക്കാം. ആര്ക്കെങ്കിലും പണം കടം കൊടുക്കാന് സമയം നല്ലതല്ല. ഈ സമയം നിങ്ങള്ക്ക് അനാവശ്യമായി യാത്ര ചെയ്യേണ്ടി വന്നേക്കാം. ഈ സമയത്ത് നിക്ഷേപം ഒഴിവാക്കി സമ്പാദ്യത്തില് ശ്രദ്ധ കേന്ദ്രീകരിക്കുക. നിങ്ങള്ക്ക് അറിയാവുന്ന ആളുകള് തന്നെ നിങ്ങളോട് തെറ്റായി പെരുമാറിയേക്കാം. അതുമൂലം മനസ്സ് അസ്വസ്ഥമാകും.
തുലാം
നിങ്ങളുടെ രാശിയില് നിന്ന് പത്താം സ്ഥാനത്ത് ശുക്രന് പിന്നോക്കം നില്ക്കുന്നു. ഈ സമയത്ത്, നിങ്ങളുടെ ആരോഗ്യം ശ്രദ്ധിക്കുക. ആര്ക്കും പണം കടം കൊടുക്കാതിരിക്കുക. സഹോദരങ്ങള്ക്ക് ആരോഗ്യപ്രശ്നങ്ങള് നേരിടേണ്ടിവന്നേക്കാം. വ്യക്തിപരമായ ജീവിതത്തിലും ഉയര്ച്ച താഴ്ചകള് നേരിടേണിവരാം. ഈ കാലയളവില്, മത്സര പരീക്ഷകള്ക്ക് തയ്യാറെടുക്കുന്ന വിദ്യാര്ത്ഥികള്ക്ക് പഠനത്തില് നിരവധി പ്രശ്നങ്ങള് ഉണ്ടായേക്കാം.
വൃശ്ചികം
നിങ്ങളുടെ രാശിയില് നിന്ന് ഒമ്പതാം ഭാവത്തില് ശുക്രന് പിന്നോക്കം നില്ക്കുന്നു. ഈ സമയത്ത് വിവാഹം, കടം അല്ലെങ്കില് ഏതെങ്കിലും തരത്തിലുള്ള പ്രതിബദ്ധത ഒഴിവാക്കുക. കാരണം അത്തരം തീരുമാനങ്ങള് നിങ്ങള്ക്ക് നിരവധി പ്രശ്നങ്ങള് ഉണ്ടാക്കും. ബിസിനസുകാര് കഠിനാധ്വാനത്തിലൂടെ മാത്രമേ വിജയം കൈവരിക്കുകയുള്ളൂ. ഈ കാലയളവില് അയല്ക്കാരുമായുള്ള നിങ്ങളുടെ ബന്ധം വഷളായേക്കാം. നിങ്ങളുടെ പെരുമാറ്റവും ഭാഷയും നിയന്ത്രിക്കുക. സന്താനങ്ങളെയോര്ത്ത് വിഷമിക്കുന്നതായി കാണപ്പെടുമെങ്കിലും സ്ഥിതിഗതികള് വിവേകത്തോടെ നിയന്ത്രിക്കും.
ധനു
നിങ്ങളുടെ രാശിയില് നിന്ന് എട്ടാം സ്ഥാനത്ത് ശുക്രന് പിന്നോക്കം നില്ക്കുന്നു. ഈ സമയത്ത്, നിങ്ങള് ഒരു വിദേശ യാത്ര പോകാന് ആഗ്രഹിക്കുന്നുവെങ്കില്, യാത്ര നീണ്ടുപോയേക്കാം. സഹോദരങ്ങളുമായുള്ള ബന്ധം നല്ലതായിരിക്കും. വ്യക്തിജീവിതത്തിലും തൊഴില്പരമായും നിരവധി വെല്ലുവിളികള് നേരിടേണ്ടിവരും. നിങ്ങളുടെ സംസാരവും പെരുമാറ്റവും നിയന്ത്രിക്കുക.
മകരം
നിങ്ങളുടെ രാശിയില് നിന്ന് ഏഴാം സ്ഥാനത്ത് ശുക്രന് പിന്നോക്കം നില്ക്കുന്നു. ഈ സമയത്ത്, പ്രിയപ്പെട്ടവരുമായി സംസാരിക്കുമ്പോള് നിങ്ങളുടെ സംസാരം നിയന്ത്രിക്കുക, അല്ലാത്തപക്ഷം ബന്ധം വഷളായേക്കാം. പങ്കാളിത്തത്തോടെ ബിസിനസ്സ് നടത്തുന്നവര് വളരെ ശ്രദ്ധിക്കണം. അല്ലാത്തപക്ഷം നഷ്ടം സംഭവിക്കാം. ഈ കാലയളവില് വിദ്യാര്ത്ഥികള്ക്ക് വിദ്യാഭ്യാസ മേഖലയില് ഉയര്ച്ച താഴ്ചകള് നേരിടേണ്ടി വന്നേക്കാം. മാതാപിതാക്കളില് നിന്ന് എതിര്പ്പ് ഉണ്ടായേക്കാം. ജോലിയില് ചില പ്രശ്നങ്ങള് നേരിടേണ്ടിവരും.
കുംഭം
നിങ്ങളുടെ രാശിയില് നിന്ന് ആറാം സ്ഥാനത്ത് ശുക്രന് പിന്നോക്കം നില്ക്കുന്നു. ഈ സമയത്ത്, സാമ്പത്തിക തീരുമാനങ്ങള് ശ്രദ്ധാപൂര്വ്വം എടുക്കുക, അല്ലാത്തപക്ഷം നഷ്ടത്തിന് സാധ്യതയുണ്ട്. വാഹനമോടിക്കുമ്പോള് ശ്രദ്ധിക്കുക. തര്ക്കങ്ങളില് നിന്ന് വിട്ടുനില്ക്കുക. ജോലി ചെയ്യുന്നവര് സ്വന്തം കാര്യം മാത്രം ശ്രദ്ധിക്കുക. മറ്റുള്ളവരുടെ കാര്യങ്ങളില് ഇടപെടുന്നത് ഒഴിവാക്കുക. അല്ലാത്തപക്ഷം ജോലിസ്ഥലത്ത് നിങ്ങളുടെ പ്രതിച്ഛായ മോശമായേക്കാം. നിങ്ങളുടെ ചെലവുകള് നിയന്ത്രണത്തിലാക്കുക, ഈ കാലയളവില് പുതിയ ബിസിനസ്സ് തീരുമാനങ്ങളൊന്നും കൈക്കൊള്ളരുത്.
മീനം
നിങ്ങളുടെ രാശിയില് നിന്ന് അഞ്ചാം സ്ഥാനത്ത് ശുക്രന് പിന്നോക്കം നില്ക്കുന്നു. ഈ സമയത്ത് ദാമ്പത്യ ജീവിതത്തില് ഉയര്ച്ച താഴ്ചകള് നേരിടേണ്ടി വന്നേക്കാം. സുഹൃത്തുക്കളോട് രഹസ്യങ്ങള് പറയുന്നത് ഒഴിവാക്കുക, അല്ലാത്തപക്ഷം നിങ്ങള് കുഴപ്പത്തിലായേക്കാം. വിദ്യാര്ത്ഥികള്ക്ക് വിദ്യാഭ്യാസത്തില് ചില ബുദ്ധിമുട്ടുകള് നേരിടേണ്ടിവന്നേക്കാം. ഈ കാലയളവില്, വ്യാപാരികള്ക്ക് ചില നഷ്ടങ്ങള് സഹിക്കേണ്ടി വന്നേക്കാം.
Continue with Google