പൂജാമുറിയില്‍ വാസ്തുദോഷം വേണ്ട

പൂജാമുറി

പൂജാമുറിയുടെ നിറവും ദൈവങ്ങളുടെ ചിത്രങ്ങളും കൃത്യമല്ലാത്ത അറേഞ്ച്‌മെന്റുകളുമെല്ലാം വാസ്തു പ്രകാരം വീടിനും കുടുംബാംഗങ്ങള്‍ക്കുമെല്ലാം ദോഷം വരുത്തുന്ന ചിലതു തന്നെയാണ്. പല പ്രശ്‌നങ്ങള്‍ക്കും ഇത് ഇടയാക്കും.

പൂജാറൂം

ബാത്‌റൂമിനും ടോയ്‌ലററിനു എതിര്‍ വശത്തായോ അല്ലെങ്കില്‍ ഇവയുടെ ചുമരിനോടു ചേര്‍ന്നോ പൂജാറൂം പണിയരുത്. ഇത് വാസ്തു പ്രകാരം ദോഷങ്ങള്‍ കൊണ്ടുവരും. ദൈവങ്ങളോടുള്ള ആദരക്കുറവാണ് ഇതു സൂചിപ്പിയ്ക്കുന്നതും. ഇതുപോലെ ദുര്‍ഗന്ധം പൂജാമുറിയിലേയ്ക്കു വരാനും പാടില്ല.

വിഗ്രഹങ്ങളും ഫോട്ടോകളും

പൂജാമുറിയില്‍ ധാരാളം വിഗ്രഹങ്ങളും ഫോട്ടോകളും വയ്ക്കുന്നതാണ് പലരുടേയും പതിവ്. എന്നാല്‍ ഇത് നല്ലതല്ലെന്നാണ് വാസ്തു പറയുന്നത്. ഇത് പ്രാര്‍ത്ഥനാസമയത്തും നമ്മുടെ ശ്രദ്ധ തെറ്റിയ്ക്കും. ഇതുപോലെ ഒരു ദൈവത്തിന്റെ തന്നെ ഒന്നിലധികം വിഗ്രഹമോ ഫോട്ടോകളോ വയ്ക്കാതിരിയ്ക്കുക.

നിറങ്ങള്‍

കറുപ്പ്, ചാരം, നീല എന്നീ നിറങ്ങള്‍ പൂജാമുറിയില്‍ ഒഴിവാക്കുന്നതാണ് നല്ലത്. ഇത് ഡിപ്രഷന്‍, ആശകള്‍ നശിയ്ക്കുക തുടങ്ങിയവയെ സൂചിപ്പിയ്ക്കുന്നു. പ്രാര്‍ത്ഥിയ്ക്കുമ്പോള്‍ ഇവ മനസിനു സുഖം നല്‍കുകയുമില്ല.

ഇരിപ്പിടങ്ങള്‍

പൂജാമുറിയില്‍ ഇരുന്നു പ്രാര്‍ത്ഥിയ്ക്കുന്നതാണ് നല്ലത്. നിന്നു തിരക്കിട്ടു പ്രാര്‍ത്ഥിയ്ക്കുകയല്ല. ഇതുപോലെ പൂജാമുറിയില്‍ ജൂട്ട് അഥവാ ചണം കൊണ്ടു നിര്‍മിച്ച ഇരിപ്പിടങ്ങള്‍ അരുത്.

ബെഡ്‌റൂമിലോ ഇതിനോടു ചേര്‍ന്നോ പൂജാമുറി

ബെഡ്‌റൂമിലോ ഇതിനോടു ചേര്‍ന്നോ പൂജാമുറി നല്ലതല്ലെന്നും വാസ്തു പറയുന്നു. ഇതും ദോഷകരമാണ്.

ഭഗവാന് നൈവേദ്യം

പ്രാര്‍ത്ഥിയ്ക്കുമ്പോഴോ പൂജ ചെയ്യുമ്പോഴോ ഭഗവാന് നൈവേദ്യം അര്‍പ്പിയ്ക്കുന്നത് നല്ലതാണ്. ഇത് പുഷ്പമോ ഫലങ്ങളോ ആകാം.

പൂജാമുറിയില്‍ കര്‍ട്ടനിടുകയാണെങ്കില്‍

പൂജാമുറിയില്‍ കര്‍ട്ടനിടുകയാണെങ്കില്‍ നല്ല വൃത്തിയായി സൂക്ഷിയ്ക്കുക. രാത്രി കിടക്കും മുന്‍പ് കര്‍ട്ടന്‍ കൊണ്ട് പൂജാമുറി മൂടുക, അതായത് കര്‍ട്ടന്‍ നിവര്‍ത്തിയിട്ടു പൂജാമുറി മറയ്ക്കുക.

ഉണങ്ങിയ പൂമാല

ഉണങ്ങിയ പൂമാല വിഗ്രഹങ്ങള്‍ക്കു മേലുണ്ടാകരുത്. ഉണങ്ങും മുന്‍പു നീക്കണം.