ധീരതയും അലസതയും; ഉത്രട്ടാതിക്കാരിങ്ങനെയാണ്

ധീരന്‍മാരും ഈശ്വരവിശ്വാസികളും

ധീരന്‍മാരും ഈശ്വര വിശ്വാസികളും ആയിരിക്കും ഉത്രട്ടാതി നക്ഷത്രക്കാര്‍. ഇവര്‍ക്ക് ഏത് സാഹചര്യത്തിലും അതനുസരിച്ച് നില്‍ക്കുന്നതിന് സാധിക്കുന്നുണ്ട്. സമചിത്തതയോടെ കാര്യങ്ങള്‍ കൈകാര്യം ചെയ്യുന്നതിന് ഇവര്‍ക്ക് സാധിക്കുന്നു. ഏത് പ്രതിസന്ധിക്കും പരിഹാരം കാണുന്നതിനുള്ള കഴിവ് ഇവര്‍ക്കുണ്ട്. ഇവരുടെ മനസ്സിലെ ചിന്തകള്‍ പെട്ടെന്ന് മനസ്സിലാക്കാന്‍ സാധിക്കുകയില്ല. മറ്റുള്ളവരില്‍ നിന്ന് പലതും മറച്ച് വെച്ച് പെരുമാറുന്നതിനുള്ള കഴിവ് ഇവര്‍ക്കുണ്ട്.

ധീരരെങ്കിലും അലസര്‍

ധീരന്‍മാരെങ്കിലും ഇവര്‍ വലിയ അലസന്‍മാരായിരിക്കും. ഏത് കുഴപ്പം പിടിച്ച സാഹചര്യത്തിലും ഇവര്‍ മുന്നോട്ട് പോവുമെങ്കിലും പലതും നേടുന്നതില്‍ ഇവര്‍ക്ക് പലപ്പോഴും മടിയായിരിക്കും. അതിന് വേണ്ടി അധ്വാനിക്കുന്നതില്‍ ഇവര്‍ പലപ്പോഴും പുറകിലായിരിക്കും. ഇവരുടെ മനസ്സില്‍ എന്താണെന്ന് പെട്ടെന്ന് മനസ്സിലാക്കാന്‍ സാധിക്കുന്നില്ല. മാത്രമല്ല മറ്റുള്ളവരെ കൊണ്ട് ജോലിചെയ്യിക്കുന്നതിനാണ് പലപ്പോഴും ഇവര്‍ ശ്രമിച്ച് കൊണ്ടിരിക്കുക.

അനുസരണയില്ലാത്തവര്‍

മാതാപിതാക്കളെ പോലും അനുസരിക്കാത്തവരായിരിക്കും ഉത്രട്ടാതി നക്ഷത്രക്കാര്‍. തനിക്ക് ശരിയെന്ന് തോന്നുന്ന കാര്യങ്ങള്‍ക്ക് വേണ്ടി എത്ര സമയം വേണമെങ്കിലും വാദിക്കും. എന്നാല്‍ അത് തെറ്റാണെങ്കില്‍ പോലും അംഗീകരിക്കാന്‍ ഇവര്‍ മടി കാണിക്കും. എല്ലാവരോടും സ്‌നേഹമായി പെരുമാറുമെങ്കിലും ഇവര്‍ പലപ്പോഴും ആ സ്‌നേഹത്തെ മുതലെടുക്കുന്നതിന് ശ്രമിച്ച് കൊണ്ടിരിക്കും.

ബന്ധുക്കളോട് അടുപ്പം

സ്വന്തക്കാരോടും ബന്ധുക്കളോടും ഇവര്‍ക്ക് അടുപ്പം കാണില്ല. അച്ഛനമ്മമാരോടും കൂടപ്പിറപ്പുകളോടും സ്‌നേഹമായിരിക്കും എന്നുള്ളതാണ് ഇവരുടെ പ്രത്യേകത. കര്‍ശനമായി പെരുമാറുന്ന സ്വഭാവക്കാരായിരിക്കും ഇവര്‍. മറ്റുള്ളവരോടുള്ള വിരോധം മുഖത്ത് നോക്കി കാണിക്കുന്നതിന് ഇവര്‍ക്ക് യാതൊരു മടിയും ഉണ്ടാവില്ല എന്നുള്ളതാണ്. ദേഷ്യത്തിനെ ദേഷ്യം കൊണ്ട് തന്നെ നേരിടുന്നവരായിരിക്കും ഇവര്‍. സാമ്പത്തിക ലാഭത്തെക്കുറിച്ചോ നഷ്ടത്തെക്കുറിച്ചോ ഇവര്‍ ശ്രദ്ധിക്കില്ല.

ഔദ്യോഗിക രംഗത്ത് ശോഭിക്കും

ജോലിസ്ഥലത്തും ജോലിയിലും തിളങ്ങുന്ന വിജയം ഇവരെ കാത്തിരിക്കുന്നുണ്ട്. സ്‌നേഹിക്കുന്നവര്‍ക്ക് വേണ്ടി എന്തും സഹിക്കാന്‍ ഇവര്‍ തയ്യാറാവും. പിണങ്ങിക്കഴിഞ്ഞാല്‍ പക്ഷേ അനിഷ്ടം കാണിക്കുന്നതില്‍ ഇവര്‍ എപ്പോഴും മുന്നിലാണ്. കാരണമില്ലാതെ വഴക്കുണ്ടാക്കുകയും അതിനെക്കുറിച്ച് ആലോചിച്ച് പിന്നീട് പശ്ചാത്തപിക്കുകയും ചെയ്യുന്നവരാണ് ഇവര്‍. നേട്ടത്തില്‍ സന്തോഷിക്കുകയോ നഷ്ടത്തില്‍ സങ്കപ്പെടുകയോ ഇല്ല.

പണം ചിലവാക്കുന്നവര്‍

ധാരാളം പണം ചിലവാക്കുന്നവരായിരിക്കും ഇവര്‍. അതുകൊണ്ട് തന്നെ പണം ചിലവാക്കുന്ന കാര്യത്തില്‍ അല്‍പം ശ്രദ്ധിക്കുന്നത് നല്ലതാണ്. അധ്യാപനത്തിലും വാര്‍ത്താവിനിമയ രംഗത്തും ഇവര്‍ വളരെയധികം ശോഭിക്കും. സന്തുഷ്ട കുടുംബ ജീവിതം നയിക്കുന്നതിന് ഇവര്‍ക്ക് സാധിക്കും. പത്രപ്രവര്‍ത്തന രംഗത്ത് ശോഭിക്കും, വിട്ടു വീഴ്ചാ മനോഭാവം കൂടുതലുള്ള പങ്കാളിയെ വിവാഹം കഴിക്കുന്നതാണ് നല്ലത്. വിവാഹശേഷം വിദേശ വാസത്തിനുള്ള സാധ്യതയുണ്ട്.

ആഢംബരം കുറഞ്ഞവര്‍

ആഢംബരത്തില്‍ വിശ്വസിക്കാത്തവരായിരിക്കും ഇവര്‍. മാത്രമല്ല ആരോഗ്യമുള്ള ശരീരപ്രകൃതിയും സാമാന്യം പുഷ്ടിയും ഇവര്‍ക്കുണ്ടാവും. രോഗപ്രതിരോധ ശേഷി ഇവരില്‍ അല്‍പം കുറവായിരിക്കും. മാത്രമല്ല ഇവരില്‍ പലപ്പോഴും വെല്ലുവിളി ഉണ്ടാക്കുന്ന തരത്തില്‍ രോഗങ്ങള്‍ക്കുള്ള സാധ്യതയുണ്ട്. കലാകായിക വിനോദങ്ങളില്‍ പ്രഗത്ഭരായിരിക്കും. 27 വയസ്സ് വരെ വിദ്യാഭ്യാസത്തിനുള്ള സാധ്യതയുണ്ട്. ഉന്നത വിദ്യാഭ്യാസം തന്നെയായിരിക്കും ഇവരുടെ കൈമുതല്‍.