തുളസി വിവാഹം: ഭാര്യാഭര്‍തൃ ബന്ധം ദൃഢമാക്കാനും ദോഷമകറ്റാനും ശുഭമുഹൂര്‍ത്തം

തുളസി വിവാഹം 2022: തീയതി

എല്ലാ വര്‍ഷവും കാര്‍ത്തിക മാസത്തിലെ ശുക്ല പക്ഷത്തിലെ ദ്വാദശി തിഥിയിലാണ് തുളസി പൂജ വരുന്നത്. ഈ വര്‍ഷം കാര്‍ത്തിക മാസത്തിലെ ദ്വാദശി തിഥി നവംബര്‍ 05, 2022 ശനിയാഴ്ചയാണ് വരുന്നത്. അതുകൊണ്ട് തന്നെ ഈ ദിവസം ഭക്തര്‍ക്ക് വളരെ ശുഭകരമായി കണക്കാക്കുന്നു. അതുകൊണ്ട് തന്നെ അതേ പ്രാധാന്യത്തോടെ തുളസിയെ ആരാധിക്കുകയും ശുഭമുഹൂര്‍ത്തത്തില്‍ തുളസി വിവാഹത്തിന് വേണ്ടിയുള്ള ഒരുക്കങ്ങള്‍ നടത്തുകയും ചെയ്യുന്നു. മഹാവിഷ്ണു നാല് മാസത്തെ നീണ്ട ഉറക്കത്തില്‍ നിന്ന് ഉണര്‍ന്ന് ഭക്തരുടെ പ്രാര്‍ത്ഥനകള്‍ കേള്‍ക്കുന്ന സമയമായാണ് ഈ ദിനം കണക്കാക്കുന്നത്.

തുളസി വിവാഹം 2022: ശുഭ മുഹൂര്‍ത്തം

ദ്വാദശി തീയതി ആരംഭിക്കുന്നത്: 04 നവംബര്‍ 2022 വൈകുന്നേരം 06:08 ന്

ദ്വാദശി തീയതി അവസാനിക്കുന്നത്: 05 നവംബര്‍ 2022 വൈകുന്നേരം 05:06 വരെയാണ്. ഈ ദിനത്തില്‍ തുളസിയേയും മഹാവിഷ്ണുവിനേയും ആരാധിച്ചാല്‍ ഭക്തരുടെ എല്ലാ ആഗ്രഹങ്ങളും സഫലമാകുന്നു. ഇത് കൂടാതെ ദാമ്പത്യ ജീവിതത്തില്‍ വളരെയധികം സന്തോഷവും ദാമ്പത്യ പ്രശ്‌നങ്ങളും ഇല്ലാതാക്കുന്നതിനും സഹായിക്കുന്നു. ഇവരില്‍ മഹാവിഷ്ണുവിന്റേയും തുളസിയുടേയും അനുഗ്രഹം എക്കാലവും നിലനില്‍ക്കുകയും ചെയ്യുന്നു

തുളസി വിവാഹം 2022: ശുഭ മുഹൂര്‍ത്തം

ഈ ദിനത്തില്‍ ഭര്‍തൃനന്മക്ക് വേണ്ടി വിവാഹിതരായ സ്ത്രീകള്‍ വ്രതമെടുത്ത് പൂജ ചെയ്യുകയും ചെയ്യുന്നു. ഹിന്ദുമത വിശ്വാസികള്‍ പരിശുദ്ധിയോടെ കണക്കാക്കുന്ന ഒന്നാണ് തുളസിച്ചെടി. മഹാവിഷ്ണുവിന്റെ പത്‌നിയായാണ് ലക്ഷ്മി ദേവിയെ കണക്കാക്കുന്നത്. ലക്ഷ്മി ദേവിയാണ് തുളസി ചെടിയായി മാറിയത് എന്നാണ് ദേവീ ഭാഗവതത്തില്‍ പറയുന്നത്. തുലാസപ്പെടുത്താന്‍ സാധിക്കാത്തവള്‍ അഥവാ ഉപമിക്കാന്‍ സാധിക്കാത്തവള്‍ എന്നാണ് തുളസി എന്ന വാക്കിന്റെ അര്‍ത്ഥം.

ഐശ്വര്യത്തിന് വേണ്ടി

വൃന്ദ വൃന്ദാവനീ വിശ്വ-

പൂജിതാ വിശ്വപാവനീ

നാന്ദിനി പുഷ്പസാരാഖ്യ

തുളസി കൃഷ്ണ ജീവനി - എന്ന മന്ത്രം ജപിച്ച് തുളസിക്ക് അര്‍ച്ചന നടത്തുന്നവരെങ്കില്‍ ഇവര്‍ക്ക് എല്ലാ വിധത്തിലുള്ള ഐശ്വര്യവും ഉണ്ടാവും എന്നാണ് പറയപ്പെടുന്നത്. എല്ലാ വിധത്തിലുള്ള ഐശ്വര്യവും ദാമ്പത്യ ബന്ധത്തില്‍ ലക്ഷ്മി ദേവിയുടെ അനുഗ്രഹവും ലഭിക്കുന്നു. എന്നാല്‍ തുളസി പൂജിക്കുന്നവര്‍ അല്‍പം ശ്രദ്ധിക്കേണ്ടതായ ചില കാര്യങ്ങള്‍ ഉണ്ട്. ദ്വാദശിക്കും കറുത്ത വാവിനും വെളുത്ത വാവിനും തുളസി ഇറുക്കാന്‍ ശ്രമിക്കരുത്. ശരീരത്തില്‍ എണ്ണ തേച്ചിരിക്കുന്ന സമയത്തും തുളസി ഇറുക്കാന്‍ ശ്രമിക്കരുത്. ഇത് ദോഷം ചെയ്യും. ഇതെല്ലാം വിഷ്ണുഭഗവാന്റെ ശിരസ്സ് നശിപ്പിക്കുന്നതിന് തുല്യമാണ് എന്നാണ് വിശ്വാസം. ഇത്രയും കാര്യങ്ങള്‍ ശ്രദ്ധിക്കണം.