Surya Gochar: 2022ലെ അവസാന സൂര്യ സംക്രമണം; 12 രാശിക്കാരുടെയും ജീവിതത്തില്‍ മാറ്റങ്ങള്‍ ഇപ്രകാരം

മേടം

രാശിചക്രത്തില്‍ നിന്ന് ഒമ്പതാം ഭാവത്തില്‍ സംക്രമിക്കുമ്പോള്‍, സൂര്യന്റെ സ്വാധീനം താരതമ്യേന മികച്ച ഫലങ്ങള്‍ നല്‍കും. തൊഴില്‍ തടസ്സങ്ങള്‍ നീങ്ങും. രഹസ്യ ശത്രുക്കള്‍ പരാജയപ്പെടും. കോടതി വ്യവഹാരങ്ങളില്‍ നിങ്ങള്‍ക്ക് അനുകൂലമായ തീരുമാനം വരുന്നതിന്റെ സൂചനകളുണ്ട്. നിങ്ങളുടെ ഊര്‍ജം, ശക്തി, ധൈര്യം എന്നിവയുടെ ബലത്തില്‍ കഠിനമായ സാഹചര്യങ്ങളെ എളുപ്പത്തില്‍ നേരിടാന്‍ കഴിയും.

ഇടവം

ഇടവം രാശിയില്‍ നിന്ന് എട്ടാം ഭാവത്തില്‍ സൂര്യന്‍ സഞ്ചരിക്കുന്നതിന്റെ ഫലമായി അപ്രതീക്ഷിതമായ ഉയര്‍ച്ച താഴ്ചകള്‍ നിങ്ങള്‍ അഭിമുഖീകരിക്കും. ആരോഗ്യത്തെ പ്രതികൂലമായി ബാധിക്കും. ജോലിസ്ഥലത്ത് ഗൂഢാലോചനയുടെ ഇരയാകുന്നത് ഒഴിവാക്കുക. അപകടങ്ങള്‍ അടുത്തുണ്ട്, അതിനാല്‍ വാഹനമോടിക്കുമ്പോള്‍ അല്‍പം ശ്രദ്ധിക്കണം. നിങ്ങളുടെ സംസാരത്തില്‍ നിയന്ത്രണം പാലിക്കുക. അല്ലാത്തപക്ഷം നിങ്ങളുടെ ബന്ധങ്ങള്‍ വഷളായേക്കാം. നിങ്ങളുടെയും നിങ്ങളുടെ മാതാപിതാക്കളുടെയും ആരോഗ്യം ശ്രദ്ധിക്കുക. കാഴ്ച, ഹൃദയം, എല്ലുകള്‍ എന്നിവയുമായി ബന്ധപ്പെട്ട പ്രശ്നങ്ങള്‍ ഉണ്ടാകാം. ഈ സമയം പ്രതിവിധിയായി നിങ്ങള്‍ ദിവസവും ആദിത്യ ഹൃദയം സ്തോത്രം ചൊല്ലുക.

മിഥുനം

മിഥുനം രാശിക്കാരുടെ മൂന്നാമത്തെ വീടിന്റെ അധിപനായ സൂര്യന്‍ വിവാഹത്തിന്റെയും പങ്കാളിത്തത്തിന്റെയും ഏഴാം ഭാവത്തില്‍ സഞ്ചരിക്കും. ഈ സമയം ദാമ്പത്യ ജീവിതത്തിന് ശുഭകരമായി കണക്കാക്കാത്തതിനാല്‍, നിങ്ങളുടെ പങ്കാളിയുടെ ആരോഗ്യം ശ്രദ്ധിക്കുക. അനാവശ്യമായ ഈഗോ ക്ലാഷുകളും തര്‍ക്കങ്ങളും ഒഴിവാക്കുക. ഈ കാലയളവില്‍ നിങ്ങളുടെ പങ്കാളിയുമായുള്ള ബന്ധം വഷളായേക്കാം. പ്രതിവിധിയായി ദിവസവും പശുക്കള്‍ക്ക് ശര്‍ക്കരയും ഗോതമ്പ് റൊട്ടിയും നല്‍കുക.

കര്‍ക്കിടകം

കര്‍ക്കിടകം രാശിയില്‍ നിന്ന് ആറാം ശത്രു ഭാവത്തില്‍ സൂര്യന്‍ സഞ്ചരിക്കുമ്പോള്‍ മികച്ച ഫലങ്ങള്‍ ലഭിക്കും. രഹസ്യ ശത്രുക്കള്‍ പരാജയപ്പെടും. കോടതി വ്യവഹാരങ്ങളില്‍ നിങ്ങള്‍ക്ക് അനുകൂലമായ തീരുമാനമുണ്ടാകും. സര്‍ക്കാരിന്റെയും അധികാരികളുടെയും പൂര്‍ണ സഹകരണം ഉണ്ടാകും. സ്വത്തുമായി ബന്ധപ്പെട്ട കാര്യങ്ങള്‍ പരിഹരിക്കപ്പെടും. സാമ്പത്തിക പ്രതിസന്ധി നേരിടേണ്ടിവരാം. സുഹൃത്തുക്കളില്‍ നിന്നും ബന്ധുക്കളില്‍ നിന്നും ദുഖകരമായ വാര്‍ത്തകള്‍ ലഭിക്കാന്‍ സാധ്യതയുണ്ട്.

ചിങ്ങം

ചിങ്ങം രാശിയില്‍ നിന്ന് അഞ്ചാമത്തെ ഭാവത്തിലേക്ക് മാറുമ്പോള്‍,അപ്രതീക്ഷിതമായ പല ഉയര്‍ച്ച താഴ്ചകളും സൂര്യന്‍ നിങ്ങള്‍ക്ക് നല്‍കും. മത്സര പരീക്ഷകളില്‍ പങ്കെടുക്കുന്ന വിദ്യാര്‍ത്ഥികള്‍ക്കും ഗവേഷണങ്ങള്‍ നടത്തുന്നവര്‍ക്കും കൂടുതല്‍ വിജയം ലഭിക്കും. സര്‍ക്കാര്‍ വകുപ്പുകളില്‍ കാത്തിരുന്ന ജോലികള്‍ പൂര്‍ത്തിയാകും. പ്രണയ സംബന്ധമായ കാര്യങ്ങളില്‍ നേട്ടമുണ്ടാകും. സന്താനങ്ങളുടെ ഉത്തരവാദിത്തം നിറവേറ്റും. നവദമ്പതികള്‍ക്ക് സന്താനലബ്ധിക്ക് സാധ്യതയുണ്ട്. മുതിര്‍ന്ന കുടുംബാംഗങ്ങളുടെയും ജ്യേഷ്ഠസഹോദരന്മാരുടെയും പിന്തുണ ലഭിക്കും.

കന്നി

ധനു രാശിയിലെ സൂര്യന്റെ സംക്രമം കന്നിരാശിക്കാര്‍ക്ക് നാലാം ഭാവത്തിലായിരിക്കും. ഈ സംക്രമണം നിങ്ങളുടെ പ്രൊഫഷണല്‍ ജീവിതത്തിന് വളരെ ഫലപ്രദമാണെന്ന് തെളിയും. ഇറക്കുമതി-കയറ്റുമതിയുമായി ബന്ധപ്പെട്ട ജോലി ചെയ്യുന്നവര്‍ക്ക് ഈ കാലയളവില്‍ ധാരാളം ലാഭം നേടാനാകും. ജോലി ചെയ്യുന്നവര്‍ക്ക് ഈ സക്രമണത്തിന്റെ സ്വാധീനത്താല്‍ നല്ല ഫലങ്ങള്‍ ലഭിക്കും. നിങ്ങളുടെ പങ്കാളിക്ക് തൊഴില്‍ മേഖലയില്‍ മികച്ച വിജയം നേടാന്‍ കഴിയും.

തുലാം

തുലാം രാശിചക്രത്തില്‍ നിന്ന് മൂന്നാമത്തെ ഭവനത്തില്‍ സംക്രമിക്കുന്ന സൂര്യന്റെ പ്രഭാവം നിങ്ങള്‍ക്ക് നേട്ടം നല്‍കും. ഏറെ നാളുകളായി കാത്തിരുന്ന ജോലികള്‍ പൂര്‍ത്തിയാകും. നിങ്ങളുടെ അദമ്യമായ ധൈര്യത്തിന്റെ ബലത്തില്‍ പ്രയാസകരമായ സാഹചര്യങ്ങളില്‍പ്പോലും നിങ്ങള്‍ എളുപ്പത്തില്‍ നേരിടും. എടുത്ത തീരുമാനങ്ങളും ചെയ്ത പ്രവര്‍ത്തനങ്ങളും അഭിനന്ദിക്കപ്പെടും. ആത്മീയ കാര്യങ്ങളില്‍ സജീവമായി പങ്കെടുക്കുകയും ദാനധര്‍മ്മങ്ങള്‍ ചെയ്യുകയും ചെയ്യും. കുട്ടികളുമായി ബന്ധപ്പെട്ട ആശങ്കകള്‍ നീങ്ങും.

വൃശ്ചികം

സൂര്യന്റെ സംക്രമണം നിങ്ങളുടെ സംസാരം മെച്ചപ്പെടുത്തും. ഈ സമയത്ത് നിങ്ങളുടെ സംസാരം വളരെ മധുരമായിരിക്കും. നിങ്ങള്‍ക്ക് നിങ്ങളുടെ കുടുംബത്തിന്റെ പൂര്‍ണ്ണ പിന്തുണ ലഭിക്കും. അവരുടെ സഹകരണത്തോടെ നിങ്ങളുടെ പ്രവര്‍ത്തന മേഖലയില്‍ മികച്ച പ്രകടനം കാഴ്ചവയ്ക്കാന്‍ സാധിക്കും. സര്‍ക്കാര്‍ ജോലി ചെയ്യുന്ന ആളുകള്‍ക്ക് ഈ കാലയളവില്‍ ട്രാന്‍സ്ഫറോ സ്ഥാനക്കയറ്റമോ ലഭിച്ചേക്കാം.

ധനു

സൂര്യന്‍ സംക്രമിക്കുന്ന ഈ സമയത്ത് ധനു രാശിക്കാരെ ഭാഗ്യം പൂര്‍ണമായി പിന്തുണയ്ക്കും. സൂര്യന്‍ നിങ്ങളുടെ രാശിയില്‍ പ്രവേശിക്കുമ്പോള്‍ നിങ്ങളുടെ ബഹുമാനവും അന്തസ്സും വര്‍ദ്ധിക്കും. നിങ്ങളുടെ ജോലിയില്‍ മേലുദ്യോഗസ്ഥര്‍ വളരെ സന്തുഷ്ടരായിരിക്കും. നിങ്ങളുടെ ജോലികള്‍ക്ക് വളരെയേറെ പ്രശംസയും ലഭിക്കും. ഈ കാലയളവില്‍ നിങ്ങളുടെ സ്ഥാനക്കയറ്റത്തിനുള്ള സാധ്യതകളും കൈവരും.

മകരം

മകരം രാശിക്കാര്‍ക്ക് സൂര്യന്റെ സംക്രമണം ശുഭകരമല്ല. ഈ രാശിയില്‍ സൂര്യന്‍ പന്ത്രണ്ടാം ഭാവത്തില്‍ സഞ്ചരിക്കുന്നു. അത്തരമൊരു സാഹചര്യത്തില്‍ മകരം രാശിക്കാര്‍ ഏതെങ്കിലും തരത്തിലുള്ള നിക്ഷേപം നടത്തുന്നതിന് മുമ്പ് ശ്രദ്ധാപൂര്‍വ്വം ചിന്തിക്കണം. അല്ലെങ്കില്‍ ധനനഷ്ടം നേരിടേണ്ടിവരാം. ചില ജോലികളില്‍ തടസ്സങ്ങള്‍ ഉണ്ടാകാം. ആരോഗ്യക്ഷതത്തിന് കാരണമാകുമെന്നതിനാല്‍ നിങ്ങളുടെ ആരോഗ്യത്തിന്റെ കാര്യത്തില്‍ ഈ സമയത്ത് നിങ്ങള്‍ ജാഗ്രത പാലിക്കണം. നല്ല ശുചിത്വം പാലിക്കുക, സമീകൃതാഹാരം പാലിക്കുക. വാഹനമോടിക്കുമ്പോള്‍ ജാഗ്രത പാലിക്കുക. പ്രതിവിധിയായി ഞായറാഴ്ച ദിവസങ്ങളില്‍ ക്ഷേത്രത്തില്‍ മാതളപ്പഴം ദാനം ചെയ്യുക.

കുംഭം

സൂര്യന്‍ ധനുരാശിയില്‍ പ്രവേശിക്കുന്നതോടെ കുംഭം രാശിക്കാര്‍ക്ക് സാമ്പത്തിക നേട്ടങ്ങള്‍ക്ക് സാധ്യതകളുണ്ടാകും. നിങ്ങളുടെ പ്രൊഫഷണല്‍ ജീവിതത്തിന് ഇത് വളരെ ഫലപ്രദമാണെന്ന് തെളിയും. മുന്‍കാലങ്ങളില്‍ ചെയ്ത കഠിനാധ്വാനത്തിന്റെ ഫലം ഈ സമയത്ത് സാമ്പത്തിക നേട്ടത്തിന്റെ രൂപത്തില്‍ നിങ്ങള്‍ക്ക് ലഭിക്കും. പങ്കാളിത്തത്തില്‍ പ്രവര്‍ത്തിക്കുന്നവര്‍ക്ക് ഈ കാലയളവില്‍ മികച്ച വിജയം നേടാനാകും. നിങ്ങളുടെ ഇണയുമായുള്ള നിങ്ങളുടെ ബന്ധവും സുന്ദരമായിരിക്കും.

മീനം

സൂര്യന്റെ ഈ സംക്രമണം മീനം രാശിക്കാര്‍ക്ക് തൊഴില്‍പരമായി വളരെ ഫലപ്രദമായ കാലഘട്ടമായിരിക്കും. ഈ സമയത്ത് നിങ്ങള്‍ക്ക് പുതിയ അവസരങ്ങള്‍ ലഭിക്കും. ജോലിക്കാര്‍ക്ക് ഔദ്യോഗിക സ്ഥാനങ്ങളില്‍ പ്രവര്‍ത്തിക്കാന്‍ നല്ല അവസരം ലഭിക്കും. ഈ കാലയളവില്‍ സര്‍ക്കാരില്‍ നിന്നും ഉന്നത ഉദ്യോഗസ്ഥരില്‍ നിന്നും ആനുകൂല്യങ്ങള്‍ ലഭിക്കാനുള്ള ശക്തമായ സാധ്യതകളുമുണ്ട്. ജോലിസ്ഥലത്ത് നിങ്ങളുടെ ജോലികള്‍ വളരെയധികം വിലമതിക്കപ്പെടും. പുതിയ ജോലി അന്വേഷിക്കുന്നവര്‍ക്ക് ഈ കാലയളവില്‍ നല്ല അവസരങ്ങള്‍ ലഭിക്കും.