Click it and Unblock the Notifications
Just In
-
-
-
-
Don't Miss
-
പിണറായിയോളം തലപ്പൊക്കമുള്ള സിപിഎം നേതാവിനെ ബിജെപിയിലെത്തിക്കാന് ദല്ലാള് ശ്രമിച്ചു: ശോഭ സുരേന്ദ്രന് -
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള്‍ മാത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സൂര്യന്റെ രാശിമാറ്റം: ഈ രാശിക്കാര്‍ക്ക് രാജയോഗ തുല്യ ഫലം
നവഗ്രഹങ്ങളുടെ രാജാവായി കണക്കാക്കപ്പെടുന്ന സൂര്യന്‍ വൃശ്ചികം രാശിയില്‍ നിന്ന് ധനു രാശിയിലേക്ക് പ്രവേശിക്കുന്നു. ഡിസംബര്‍ 15 ചൊവ്വാഴ്ച രാത്രി 9:19 ന് സൂര്യന്‍ ധനു രാശിയിലേക്ക് കടന്ന് 2021 ജനുവരി 13 വരെ ഈ രാശിചിഹ്നത്തില്‍ തുടരുകയും ചെയ്യും. വേദ ജ്യോതിഷമനുസരിച്ച് സൂര്യന്‍ ഒരാളുടെ ആത്മാവിന്റെ പ്രതിനിധിയാണ്. ഒരാളുടെ ജാതകത്തില്‍ സൂര്യന്‍ ശക്തമായ സ്ഥാനത്ത് തുടരുകയാണെങ്കില്‍ അവര്‍ക്ക് നേതൃത്വപരമായ കഴിവുകള്‍, ജോലികളിലെ കാര്യക്ഷമത എന്നിവ വര്‍ധിക്കുന്നു. പലര്‍ക്കും ജീവിതത്തില്‍ സന്തോഷവും സമൃദ്ധിയും നേടാന്‍ ഈ ഗ്രഹചലനം സഹായിക്കും. ഓരോ രാശിക്കാര്‍ക്കും ഈ കാലയളവില്‍ എന്തൊക്കെ നേട്ടങ്ങളും കോട്ടങ്ങളും കൈവരുന്നു എന്നു നോക്കാം.
മേടം
മേടം രാശിക്കാരുടെ അഞ്ചാമത്തെ ഭവനത്തിന്റെ ഭരണാധികാരിയാണ് സൂര്യന്‍. ധനു രാശിയില്‍ സഞ്ചരിക്കുമ്പോള്‍ സൂര്യന്‍ നിങ്ങളുടെ രാശിചിഹ്നത്തില്‍ നിന്ന് ഒമ്പതാം വീട്ടില്‍ പ്രവേശിക്കും. ഈ കാലയളവില്‍ നിങ്ങള്‍ക്ക് സമ്മിശ്ര ഫലങ്ങള്‍ ലഭിക്കും. നിങ്ങളുടെ പ്രശസ്തി വര്‍ധിക്കുന്ന സമയമാണിത്. രാജയോഗത്തിന് സമാനമായ അസാധാരണമായ ഫലങ്ങള്‍ നിങ്ങള്‍ നേടുകയും നിങ്ങളുടെ കരിയറില്‍ ഗണ്യമായ പുരോഗതി കൈവരിക്കുകയും ചെയ്യും. ജോലിയില്‍ നിരന്തരമായ ഉയര്‍ച്ചതാഴ്ചകള്‍ ഉണ്ടാകുമെങ്കിലും കാര്യങ്ങള്‍ നിങ്ങള്‍ക്ക് അനുകൂലമായി നിലനില്‍ക്കും. സമൂഹത്തില്‍ പ്രശസ്തി വര്‍ധിക്കുന്നതിലൂടെ നിങ്ങളുടെ ജീവിതത്തിലെ എല്ലാ സുഖസൗകര്യങ്ങളും ആസ്വദിക്കുന്നതിലും നിങ്ങള്‍ വിജയിക്കുന്ന സമയമാണിത്. ഇതുകൂടാതെ, പഠനത്തിലും നല്ല ഫലങ്ങള്‍ ലഭിക്കും. ഈ കാലയളവില്‍, നിങ്ങളുടെ പിതാവിന്റെ ആരോഗ്യം ആശങ്കാജനകമായേക്കാം.
ഇടവം
ഇടവം രാശിക്കാരുടെ നാലാമത്തെ വീടിന്റെ അധിപനാണ് സൂര്യന്‍. ഈ യാത്രയ്ക്കിടെ നിങ്ങളുടെ രാശിചിഹ്നത്തില്‍ നിന്ന് എട്ടാമത്തെ വീട്ടില്‍ സൂര്യന്‍ പ്രവേശിക്കും. ഈ കാലം വളരെ ശുഭകരമായി തോന്നുന്നില്ല, ജാഗ്രത പാലിക്കേണ്ടതുണ്ട്. സമൃദ്ധിയിലും വരുമാനത്തിലും കുറവുണ്ടാകും. നിങ്ങളുടെ ആരോഗ്യം കുറവായിരിക്കുകയും. ജോലിയുടെ കാലതാമസം നിങ്ങളെ മാനസികമായി സമ്മര്‍ദ്ദത്തിലാക്കുകയും ചെയ്യും. എന്നിരുന്നാലും, ആത്മീയമായി ഈ സമയം നിങ്ങള്‍ക്ക് വളരെ അനുകൂലമായിരിക്കും, മാത്രമല്ല നിങ്ങള്‍ക്ക് നല്ല അനുഭവങ്ങള്‍ ലഭിക്കും. സമൂഹത്തിലെ പ്രശസ്തരും അറിവുള്ളവരുമായ ചിലരെ കണ്ടുമുട്ടാനാകും.
മിഥുനം
മിഥുനം രാശിക്കാരുടെ മൂന്നാമത്തെ ഭവനത്തിന്റ ഭരണാധികാരിയാണ് സൂര്യന്‍. സൂര്യന്റെ സംക്രമണം നിങ്ങളുടെ രാശിചിഹ്നത്തില്‍ നിന്ന് ഏഴാമത്തെ ഗൃഹത്തിലായിരിക്കും. ഈ കാലം വളരെ അനുകൂലമല്ല, അതിനാല്‍ സമ്മിശ്ര ഫലങ്ങളായിരിക്കും നിങ്ങള്‍ക്ക്. ബിസിനസ്സ് നടത്തുകയാണെങ്കില്‍ ലാഭത്തിനായി വളരെയധികം പരിശ്രമിക്കേണ്ടതുണ്ട്. ഈ യാത്രാമാര്‍ഗം നിങ്ങളുടെ ദാമ്പത്യ ജീവിതത്തിനും അനുകൂലമല്ല. പങ്കാളിയുമായി പിരിമുറുക്കങ്ങള്‍ വര്‍ദ്ധിക്കും. അത്തരമൊരു സാഹചര്യത്തില്‍, ക്ഷമയോടെ തുടരേണ്ടത് പ്രധാനമാണ്. ഈ കാലയളവില്‍ നിങ്ങളുടെ ഇണയുടെ ആരോഗ്യം കൂടി ശ്രദ്ധിക്കേണ്ടതുണ്ട്. ജോലിസ്ഥലത്ത്, നിങ്ങള്‍ക്ക് അനുകൂല ഫലങ്ങള്‍ ലഭിക്കും ഒപ്പം ഒരു പ്രമോഷന്‍ നേടാനും കഴിയും.
കര്‍ക്കിടകം
നിങ്ങളുടെ രണ്ടാമത്തെ ഭവനത്തിന്റെ ഭരണാധികാരിയാണ് സൂര്യന്‍. ഈ കാലയളവില്‍ ആറാമത്തെ ഗൃഹത്തില്‍ സൂര്യന്‍ പ്രവേശിക്കും. സൂര്യന്റെ ഈ സാന്നിധ്യം അനുകൂലമാണെന്ന് കരുതപ്പെടുന്നു. നിങ്ങളുടെ ജോലിയില്‍ നല്ല ഫലങ്ങള്‍ നേടാന്‍ തുടങ്ങും. നിങ്ങളുടെ പരിശ്രമത്തിന്റെ നേട്ടം കൊയ്യാനാകും. എതിരാളികളെ ചെറുക്കാനാകും. ഈ കാലയളവില്‍, നിയമപരമായ കാര്യങ്ങളില്‍ നിങ്ങള്‍ വിജയം നേടുകയും പ്രയോജനം നേടുകയും ചെയ്യും. സമൂഹത്തിലെ ചില ഉന്നതരുമായി ബന്ധപ്പെടാനാകും. അതേസമയം, കുടുംബത്തിലെ ആരുമായും തര്‍ക്കങ്ങള്‍ വര്‍ദ്ധിച്ചേക്കാം. ഇത് നിങ്ങളുടെ സമ്മര്‍ദ്ദം വര്‍ദ്ധിപ്പിക്കുകയും ആരോഗ്യത്തെയും ബാധിക്കുകയും ചെയ്യും.
ചിങ്ങം
ചിങ്ങം രാശിക്കാരുടെ ഭരണ ഗ്രഹമായ സൂര്യന്റെ സംക്രമണം നിങ്ങള്‍ക്ക് പ്രധാനമാണ്. നിങ്ങളുടെ ആദ്യ ഭവനത്തില്‍ നിന്ന് സൂര്യന്‍ നിങ്ങളുടെ രാശിചിഹ്നത്തില്‍ അഞ്ചാമത്തെ വീട്ടില്‍ പ്രവേശിക്കും. ഈ സാന്നിദ്ധ്യം വളരെ അനുകൂലമായി കണക്കാക്കില്ല. അത്തരമൊരു സാഹചര്യത്തില്‍, നിങ്ങള്‍ക്ക് സമ്മിശ്ര ഫലങ്ങള്‍ പ്രതീക്ഷിച്ചാല്‍ മതി. സൂര്യന്റെ ഈ ചലനം നിങ്ങളുടെ വരുമാനത്തിലെ ഉയര്‍ച്ചയെ സൂചിപ്പിക്കുന്നു, മാത്രമല്ല സമൂഹത്തിലെ സ്വാധീനമുള്ള ആളുകളുമായി ബന്ധപ്പെടാന്‍ ഇത് നിങ്ങളെ പ്രാപ്തമാക്കുകയും ചെയ്യും. നിങ്ങളുടെ കുട്ടികള്‍ക്ക് ചില കഷ്ടതകള്‍ വന്നേക്കാം. ഇത് നിങ്ങളുടെ പ്രശ്‌നങ്ങള്‍ വര്‍ദ്ധിപ്പിക്കും. നിങ്ങളുടെ പ്രിയപ്പെട്ടവരുമായി ഈ കാലയളവില്‍ ചില തര്‍ക്കങ്ങളും ഉണ്ടായേക്കാം. വിദ്യാഭ്യാസ രംഗത്ത് നിങ്ങള്‍ക്ക് തടസ്സങ്ങള്‍ നേരിടാം. അതേസമംയ, നിങ്ങളുടെ ജീവിത പങ്കാളിയുടെ ഭാഗത്തുനിന്ന് സന്തോഷം വരും.
കന്നി
കന്നി രാശിക്കാരുടെ പന്ത്രണ്ടാമത്തെ ഭവനത്തെ ഭരിക്കുന്ന സൂര്യന്‍ ഇത്തവണ നിങ്ങളുടെ നാലാമത്തെ ഭവനത്തില്‍ പ്രവേശിക്കും. നിങ്ങളുടെ കുടുംബ ജീവിതത്തില്‍ പിരിമുറുക്കം ഉണ്ടാകും. കുടുംബത്തിലെ പ്രായമായവരുടെ ആരോഗ്യം കുറയാന്‍ സാധ്യതയുണ്ട്. നിങ്ങളുടെ അമ്മയ്ക്ക് ആരോഗ്യവുമായി ബന്ധപ്പെട്ട പ്രശ്‌നങ്ങള്‍ ഉണ്ടാകാം. ഈ കാലയളവില്‍, നിങ്ങളുടെ കുടുംബത്തില്‍ പുതിയ എന്തെങ്കിലും ചെയ്യാന്‍ നിങ്ങള്‍ ശ്രമിക്കും. വിദേശത്തുള്ളവര്‍ക്ക് നാട്ടിലേക്ക് മടങ്ങാനുള്ള അവസരം ലഭിക്കും. നിങ്ങളുടെ ജോലിസ്ഥലത്ത് നിങ്ങള്‍ക്ക് വളരെയധികം ഗുണം ലഭിക്കും. കഠിനാധ്വാനത്തിന്റെ ഫലം നിങ്ങള്‍ കൊയ്യും. വിദേശ സ്രോതസ്സുകളിലൂടെയും സര്‍ക്കാര്‍ മേഖലയിലൂടെയും നിങ്ങള്‍ക്ക് പ്രയോജനം നേടാനാകും.
തുലാം
നിങ്ങളുടെ പതിനൊന്നാമത്തെ ഗൃഹത്തിന്റെ ഭരണാധികാരിയാണ് സൂര്യന്‍. ഈ കാലയളവില്‍ നിങ്ങളുടെ മൂന്നാമത്തെ ഭവനത്തില്‍ സൂര്യന്‍ പ്രവേശിക്കും. ഈ സംക്രമണം നിങ്ങള്‍ക്ക് അനുകൂലമായ വാര്‍ത്തകള്‍ നല്‍കും, ഒപ്പം ജീവിതത്തില്‍ വിജയിക്കാന്‍ സഹായിക്കുകയും ചെയ്യും. നിങ്ങളുടെ ജോലിസ്ഥലത്തെ പ്രശസ്തി വര്‍ദ്ധിക്കുകയും നിങ്ങളുടെ പരിശ്രമവും കഠിനാധ്വാനവും വളരെയധികം വിലമതിക്കുകയും ചെയ്യും. സര്‍ക്കാരില്‍ നിന്ന് പൂര്‍ണ്ണ പിന്തുണ ലഭിക്കും, കൂടാതെ സര്‍ക്കാര്‍ മേഖലയില്‍ നിന്ന് നിങ്ങള്‍ക്ക് നേട്ടമുണ്ടാകാനുള്ള സാധ്യതയും ഉണ്ടാകും. ഈ കാലയളവില്‍ നടത്തിയ യാത്രകള്‍ വളരെ ഉപയോഗപ്രദമാവും. സാമൂഹിക പ്രവര്‍ത്തനങ്ങളിലും നിങ്ങള്‍ പങ്കെടുക്കും, അത് നിങ്ങളുടെ പ്രതിച്ഛായയെ ശക്തിപ്പെടുത്തും. നിങ്ങളുടെ ധൈര്യവും ശക്തിയും വര്‍ദ്ധിക്കുകയും ബിസിനസ്സില്‍ വിജയിക്കുകയും ചെയ്യും.
വൃശ്ചികം
വൃശ്ചികം രാശിക്കാരുടെ പത്താമത്തെ വീടിന്റെ ഭരണാധികാരിയാണ് സൂര്യന്‍. ഈ കാലയളവില്‍ സൂര്യന്‍ നിങ്ങളുടെ രണ്ടാമത്തെ ഭവനത്തില്‍ പ്രവേശിക്കും. സാധാരണയായി, ഈ സംക്രമണം നിങ്ങള്‍ക്ക് അനുകൂലമായി കണക്കാക്കപ്പെടുന്നു. മുമ്പ് നടത്തിയ കഠിനാധ്വാനത്തിന്റെ ഗുണം നിങ്ങള്‍ കൊയ്യുകയും സമ്പത്ത് നേടുന്നതില്‍ വിജയിക്കുകയും ചെയ്യും. നിങ്ങളുടെ കുടുംബത്തില്‍ നിങ്ങളുടെ പ്രശസ്തി ഉയരും. എന്നിരുന്നാലും, വീടിന്റെ പരിസ്ഥിതി അസ്വസ്ഥമാകാം. ജോലിസ്ഥലത്ത് നിങ്ങള്‍ക്ക് അനുകൂലമായ ഫലങ്ങള്‍ ലഭിക്കും. നിങ്ങളുടെ സ്ഥാനം ശക്തിപ്പെടും, നിങ്ങള്‍ മികച്ച പ്രകടനം നടത്തും.
ധനു
സൂര്യന്‍ നിങ്ങളുടെ രാശിചിഹ്നത്തില്‍ പ്രവേശിക്കുന്നതിനാല്‍ ഈ സംക്രമണം നിങ്ങള്‍ക്ക് പ്രധാനമാണെന്ന് തെളിയും. ധനു രാശിക്കാരുടെ ആദ്യത്തെ ഭവനത്തില്‍ സൂര്യന്‍ സംക്രമിക്കുന്നതിനാല്‍ ഒരു രാജയോഗം നിങ്ങള്‍ക്ക് പ്രതീക്ഷിക്കാം. സൂര്യന്റെ ഈ സംക്രമണം ഗണ്യമായ പുരോഗതി കൈവരിക്കാന്‍ നിങ്ങളെ സഹായിക്കുകയും സമൂഹത്തില്‍ മാന്യമായ സ്ഥാനം നേടാന്‍ നിങ്ങളെ സഹായിക്കുകയും ചെയ്യും. നിങ്ങളുടെ പ്രശസ്തി വര്‍ദ്ധിക്കുകയും സര്‍ക്കാര്‍ മേഖലയില്‍ നിന്നും സമൂഹത്തിലെ മറ്റ് മേഖലകളില്‍ നിന്നും നിങ്ങള്‍ക്ക് നല്ല ആനുകൂല്യങ്ങളും ബഹുമാനവും ലഭിക്കുകയും ചെയ്യും. നിങ്ങളുടെ പെരുമാറ്റത്തില്‍ കോപം നിലനില്‍ക്കുന്നതിനാല്‍ സൂര്യന്റെ ഈ ചലനം നിങ്ങളുടെ ദാമ്പത്യ ജീവിതത്തില്‍ സമ്മര്‍ദ്ദം വര്‍ദ്ധിപ്പിക്കുന്നതിന് കാരണമായേക്കാം. ബിസിനസിന്റെ കാര്യത്തില്‍, അനുകൂല ഫലങ്ങള്‍ പ്രതീക്ഷിക്കാം.
മകരം
മകരം രാശിക്കാരുടെ എട്ടാമത്തെ വീടിന്റെ ഭരണാധികാരിയാണ് സൂര്യന്‍. നിങ്ങളുടെ രാശിചിഹ്നത്തില്‍ നിന്ന് പന്ത്രണ്ടാമത്തെ വീട്ടില്‍ സൂര്യന്‍ പ്രവേശിക്കും. സൂര്യന്റെ ഈ യാത്ര നിങ്ങളുടെ ആരോഗ്യത്തിന് അല്‍പം പ്രശ്‌നമായേക്കാം. നിങ്ങളുടെ വരുമാനത്തില്‍ ഇടിവുണ്ടാകും, ഇത് നിങ്ങളെ സാമ്പത്തികമായി ബാധിക്കും. എന്നിരുന്നാലും, പ്രതികൂല സാഹചര്യങ്ങളില്‍ മുന്നോട്ട് പോകാനുള്ള ധൈര്യം നിങ്ങളിലുണ്ടാകും. ഈ കാലയളവില്‍, നിങ്ങള്‍ അനാവശ്യ യാത്രകള്‍ ചെയ്യേണ്ടിവരും. ചിലര്‍ക്ക് വിദേശയാത്രയ്ക്കുള്ള അവസരവും ലഭിച്ചേക്കാം. നിയമപരമായ കാര്യങ്ങളില്‍ വിജയമുണ്ടാകും. നിങ്ങളുടെ ചെലവുകള്‍ ഈ കാലയളവില്‍ വര്‍ദ്ധിക്കാന്‍ സാധ്യതയുണ്ട്.
കുംഭം
കുംഭം രാശിക്കാരുട പതിനൊന്നാമത്തെ ഭവനത്തില്‍ സൂര്യന്‍ സഞ്ചരിക്കും. സാധാരണഗതിയില്‍ ഇത് അനുകൂലമാണെന്ന് തെളിയിക്കുന്നു. നിങ്ങളുടെ ഏഴാമത്തെ വീടിന്റെ ഭരണാധികാരിയാണ് സൂര്യന്‍. ഈ യാത്രാമാര്‍ഗത്തില്‍ പ്രയോജനകരമായ ഫലങ്ങള്‍ പ്രതീക്ഷിക്കാം. ബിസിനസ്സില്‍ പുരോഗതി കാണും. സാമൂഹികമായും സാമ്പത്തികമായും അഭിവൃദ്ധി പ്രാപിക്കും. സമൂഹത്തിലെ ഉന്നതരുമായി നിങ്ങള്‍ ബന്ധം സ്ഥാപിക്കും. അത് ഭാവിയില്‍ നിങ്ങള്‍ക്ക് ഫലപ്രദമാണെന്ന് തെളിയും. ഈ യാത്രാമാര്‍ഗം കാരണം, നിങ്ങളുടെ പ്രണയ ജീവിതത്തില്‍ ചില പ്രശ്‌നങ്ങള്‍ ഉണ്ടാകാം. വിവാഹിതനാണെങ്കില്‍, ഈ യാത്ര നിങ്ങളുടെ കുട്ടികള്‍ക്ക് അനുകൂലമാണെന്ന് തെളിയും. അതത് മേഖലകളില്‍ അവര്‍ക്ക് നല്ല ഫലങ്ങള്‍ ലഭിക്കുകയും ചെയ്യും. സര്‍ക്കാര്‍ മേഖലയില്‍ നിന്ന് നിങ്ങള്‍ക്ക് നല്ല നേട്ടമുണ്ടാകും. നിങ്ങള്‍ ഒരു സര്‍ക്കാര്‍ ഉദ്യോഗസ്ഥനോ ജീവനക്കാരനോ ആണെങ്കില്‍, കാര്യങ്ങള്‍ നിങ്ങള്‍ക്ക് അനുകൂലമായിരിക്കും.
മീനം
മീനം രാശിയുടെ ആറാമത്തെ വീടിന്റെ കര്‍ത്താവാണ് സൂര്യന്‍, ധനു രാശിയില്‍ യാത്ര ചെയ്യുമ്പോള്‍ നിങ്ങളുടെ രാശിചിഹ്നത്തില്‍ നിന്ന് പത്താമത്തെ വീട്ടില്‍ സൂര്യന്‍ പ്രവേശിക്കും. നിങ്ങളുടെ പ്രവര്‍ത്തനങ്ങള്‍, കര്‍മ്മം, ബിസിനസ്സ് എന്നിവയ്ക്കുള്ള ഗൃഹം കൂടിയായ പത്താമത്തെ വീട്. അതുകൊണ്ടാണ് സൂര്യന്റെ ഈ യാത്രാമാര്‍ഗം നിങ്ങള്‍ക്ക് അനുകൂല ഫലങ്ങള്‍ നല്‍കും. ഔദ്യോഗിക ജീവിതത്തില്‍ പുരോഗതി കൈവരിക്കാന്‍ നിങ്ങള്‍ക്ക് കഴിയും. ഉയര്‍ന്ന പദവി, ഉത്തരവാദിത്തങ്ങള്‍ എന്നിവ കൈവരും. ഈ കാലയളവ് നിങ്ങളുടെ വ്യക്തിജീവിതത്തിന് അനുകൂലമാണെന്ന് തെളിയും. നിങ്ങളുടെ കുടുംബത്തിന്റെ പിന്തുണ നേടുകയും ചെയ്യും. സമൂഹത്തില്‍ നിങ്ങളുടെ സ്ഥാനം കൂടുതല്‍ ശക്തമാകും. നിങ്ങളുടെ കഠിനാധ്വാനവും പരിശ്രമവും ജീവിതത്തില്‍ വളരാനും മുന്നേറാനും നിങ്ങളെ സഹായിക്കും. മത്സരപരീക്ഷകളില്‍ നിങ്ങള്‍ വിജയിക്കാന്‍ സാധ്യതയുണ്ട്. നിങ്ങളുടെ പിതാവിന്റെ ആരോഗ്യം ദുര്‍ബലമായി തുടരും. ഈ കാലയളവില്‍ ആരില്‍ നിന്നെങ്കിലും നിങ്ങള്‍ക്ക് സഹായം വന്നേക്കാം.
