മകം പിറന്ന മങ്കയെത്തേടി ധനമെത്തും വഴി

ചിങ്ങ രാശി

ചിങ്ങ രാശിയില്‍ പിറന്നവരാണ് മകം നാളുകാര്‍. സിംഹമാണ് ഇവരുടെ രാശി രൂപം. ഇതു കൊണ്ടു തന്നെ വീറുള്ള സ്ത്രീകള്‍, ധൈര്യമുള്ള സ്ത്രീകള്‍ എന്നു പറയാം. ബുധനാണ് വാഗ്‌ദേവത. ഇതിനാല്‍ മധുരമായി സംസാരിച്ച് ആളുകളെ നിയന്ത്രിച്ചു നിര്‍ത്താന്‍ ശേഷിയുള്ളവരാണ്.അല്‍പം അഹങ്കാരം എന്നു തോന്നിപ്പിയ്ക്കുന്ന പ്രകൃതം കൂടിയാണ് എന്നു പറയാം.

ഇത്തരം നാളുകാരായ സ്ത്രീകള്‍

പൊതുവേ ഇത്തരം നാളുകാരായ സ്ത്രീകള്‍ വീ്ട്ടിലുണ്ടെങ്കില്‍ ഇവരാകും, വീടിന്റെ അധികാര കേന്ദ്രം. വീടിന്റെ കിരീടവും ചെങ്കോലും ഇവരുടെ പക്കലാകുമെന്നു പറയാം. വീടിന്റെ ഐശ്വര്യമായി മാറുന്നവരാണ് ഇവര്‍. വീടിനെ നയിക്കാന്‍ പ്രാപ്തിയുള്ളവര്‍. ഭാഗ്യവും സമ്പത്തുമുള്ളവരാകും. നല്ല സന്താന ഭാഗ്യവും ഇവര്‍ക്കുണ്ടാകും. അതായത് നല്ല മക്കള്‍. മററുള്ളവരുടെ കീഴില്‍ നില്‍ക്കാന്‍ പൊതുവേ താല്‍പര്യമില്ലാത്തവര്‍. എന്നാല്‍ ജോലി സ്ഥലത്ത് മേലധികാരികളുടെ പ്രിയം നേടുന്നവരാകും. അല്‍പം അലസ സ്വഭാവമുള്ളവരാകും.

സൗന്ദര്യമുള്ള സ്ത്രീകള്‍

സൗന്ദര്യമുള്ള സ്ത്രീകള്‍ കൂടിയാണ് ഇവര്‍. ഭര്‍തൃഭക്തരുമാകും. മറ്റുള്ളവരെ സഹായിക്കുമെങ്കിലും തിരികെ സഹായം ലഭിയ്ക്കാന്‍ വിഷമമാണ്. ഇത്തരം നാളിലെ സ്ത്രീകള്‍ വീട്ടിലുള്ളത് ഐശ്വര്യം നല്‍കും. അളന്നും തൂക്കിയും സംസാരിയ്ക്കുന്നവരാണ് ഈ നാളിലെ സ്ത്രീകള്‍. പൊതുവേ വായാടികളല്ല, എന്നര്‍ത്ഥം.

ആഹാരത്തോട് പ്രിയമുള്ള

ആഹാരത്തോട് പ്രിയമുള്ള ഇവര്‍ ആഹാര കാര്യത്തില്‍ അല്‍പം ആര്‍ത്തിയുള്ള പ്രകൃതക്കാരുമാകും. എതിര്‍ ലിംഗത്തോടു താല്‍പര്യമുണ്ടാകാന്‍ സാധ്യതയുള്ള, ഇക്കാര്യത്തില്‍ ശ്രദ്ധ വയ്‌ക്കേണ്ടവര്‍. ഇതേ കാരണം കൊണ്ട് മറ്റുള്ളവര്‍ ചൂഷണം ചെയ്യാതിരിയ്ക്കുവാന്‍ ശ്രദ്ധിയ്ക്കുക. പൊതുവേ ധനം തേടിയെത്തുന്ന നാളിലെ സ്ത്രീകളാണ്.

സൂര്യനാണ് ദേവാധിപന്‍

സൂര്യനാണ് ദേവാധിപന്‍. സൂര്യനെ പ്രസാദിപ്പിയ്ക്കുന്നതു നല്ലതാണ്. മകവും ഞായറും ചേര്‍ന്ന ദിവസം സൂര്യ ക്ഷേത്ര ദര്‍ശനവും സൂര്യനെ പ്രസാദിപ്പിയ്ക്കാനുള്ള വഴിപാടും കര്‍മങ്ങളുമെല്ലാം നല്ലതാണ്. ഇതെല്ലാം ജീവിതത്തില്‍ ഉന്നതി നേടുവാന്‍ ഇവരെ സഹായിക്കുന്നു.