പിതൃമോക്ഷത്തിന് വാവിൽ ഈ പുഷ്പങ്ങൾ തർപ്പണത്തിന്

പ്രധാനമായും പുഷ്പങ്ങൾ

പ്രധാനമായും എന്തൊക്കെ പുഷ്പങ്ങൾ ആണ് ബലി തർപ്പണത്തിന് ഉപയോഗിക്കുന്നത് എന്ന് നോക്കാം. ചെറൂള, തുളസി എന്നിവയാണ് ഉപയോഗിക്കുന്നത്. ചെറൂള എന്ന ചെടി നമ്മുടെ പറമ്പുകളിൽ ധാരാളം കാണപ്പെടുന്ന ഒന്നാണ്. ചെറൂള പുഷ്പത്തിൽ യമദേവന്റെ സാന്നിധ്യമുണ്ട് എന്നതാണ് വിശ്വാസം. അതുകൊണ്ട് തന്നെയാണ് ചെറുള മരണാനന്തര കർമ്മങ്ങളില്‍ ഉപയോഗിക്കുന്നത്. ഇത് കൂടാതെ ദശപുഷ്പങ്ങളിൽ പ്രധാനപ്പെട്ടതാണ് ചെറൂള.

തുളസി

തുളസിയും ബലിതർപ്പണത്തിന് ഉപയോഗിക്കുന്നതാണ്. ഇത് പൂജകൾക്കും മറ്റും ഉപയോഗിക്കുന്നുണ്ടെങ്കിലും അത് പോലെ തന്നെയാണ് ബലി തർപ്പണത്തിന് ഉപയോഗിക്കുന്നതും. ലോകം മുഴുവൻ ശുദ്ധീകരിക്കുക തന്നെയാണ് തുളസി ജലത്തിന്റെ പ്രാധാന്യം. അതുകൊണ്ട് തന്നെയാണ് ഇത്തരത്തിൽ പല കർമ്മങ്ങൾക്കും തുളസി ഉപയോഗിക്കുന്നത്.

ദർഭപ്പുല്ല്

ദർഭപ്പുല്ല് ബലി തർപ്പണത്തിന് പ്രധാനമായും ഉപയോഗിക്കുന്നതാണ്. ദർഭപ്പുല്ലില്‍ അമൃതിന്റെ അംശം ഉണ്ട് എന്നാണ് വിശ്വാസം. മാത്രമല്ല ഇതിൽ പിതൃക്കൾക്കുള്ള ഇരിപ്പിടം ഉണ്ട് എന്നും പറയുന്നുണ്ട്. അതുകൊണ്ട് തന്നെയാണ് ദർഭപ്പുല്ല് ബലി തർപ്പണത്തിന് ഉപയോഗിക്കുന്നത്. കർമ്മങ്ങൾ ചെയ്യുമ്പോൾ ദർഭപ്പുല്ലിന്റെ തലഭാഗം തെക്കോട്ട് തിരിച്ച് വെക്കണം എന്നാണ് ശാസ്ത്രം.

എള്ള്

എള്ള് പ്രധാനപ്പെട്ട ഒരു ഘടകമാണ് ബലിതർപ്പണത്തിൽ. എള്ള് മോക്ഷം നല്‍കുന്ന ഒന്നാണ് എന്നാണ് വിശ്വാസം. അതുകൊണ്ട് തന്നെ നമ്മുടെ പൂർവ്വികർക്ക് എള്ള് സമർപ്പിച്ച് ബലി ഇടുന്നതിലൂടെ മോക്ഷം ലഭിക്കുന്നുണ്ട് എന്നാണ് വിശ്വാസം. എള്ളിന്റെ ദേവൻ യമദേവനാണ്. അതുകൊണ്ട് തന്നെ യമദേവനെ തൃപ്തിപ്പെടുത്തുന്നതിന് എള്ള് ഉപയോഗിക്കാവുന്നതാണ്.

തെക്കോട്ട് തിരിഞ്ഞിരുന്ന്

തെക്കോട്ട് തിരിഞ്ഞിരുന്ന് വേണം ബലി തർപ്പണം നടത്തേണ്ടത്. അതിന് കാരണം തെക്കുദിക്കിന്റെ അധിപനാണ് യമദേവൻ. അതുകൊണ്ട് തന്നെയാണ് ക്ഷേത്രങ്ങളിൽ തെക്കു ദിക്കിൽ ബലിക്കല്ല് യമദേവൻഎന്ന സങ്കൽപ്പത്തിൽ പ്രതിഷ്ഠിച്ചിട്ടുള്ളത്. അതുകൊണ്ട് തന്നെയാണ് തെക്കോട്ട് തിരിഞ്ഞ് ബലിയിടണം എന്ന് പറയുന്നതും.