ക്ഷേത്രത്തില്‍ പ്രദക്ഷിണം വെയ്ക്കുന്നതെന്തിന്?

പ്രദക്ഷിണം എത്ര?

ക്ഷേത്രങ്ങളില്‍ എത്ര പ്രദക്ഷിണം വെയ്ക്കണം എന്നുള്ളതാണ് ആദ്യ ചോദ്യം. ഇരുപത്തിയൊന്നു പ്രദക്ഷിണമാണ് ഏറ്റവും ഉത്തമം. എന്നാല്‍ മൂന്ന് പ്രദക്ഷിണവും നല്ലതാണ്.

എങ്ങനെ പ്രദക്ഷിണം

ക്ഷേത്രദര്‍ശനത്തിനു പോകുമ്പോള്‍ നമ്മളെല്ലാവരും കുളിച്ച് വൃത്തിയുള്ള വസ്ത്രം ധരിച്ച് പോവുന്നു, ആദ്യം ഭഗവാന്റെ വാഹനത്തെ വന്ദിച്ച ശേഷം വേണം പ്രദക്ഷിണം ആരംഭിക്കാന്‍.

പ്രദക്ഷിണ സമയം

രാവിലേയും ഉച്ചയ്ക്കും വൈകിട്ടും പ്രദക്ഷിണം ചെയ്യാം. എന്നാല്‍ ഓരോ സമയത്തിനു പിന്നിലും ഓരോ നേട്ടമുണ്ടെന്നതും സത്യം.

പ്രദക്ഷിണത്തിനു പിന്നിലെ നേട്ടം

രാവിലെ പ്രദക്ഷിണം ചെയ്താല്‍ ദു:ഖശമനവും ഉച്ചയ്ക്കാണെങ്കില്‍ ഇഷ്ടലാഭവും വൈകിട്ടാണെങ്കില്‍ പാപത്തില്‍ നിന്നുള്ള മോചനവുമാണ് ഉണ്ടാവുക.

എങ്ങനെ പ്രദക്ഷിണം?

പ്രദക്ഷിണം ചെയ്യുന്നതിനെക്കുറിച്ച് പലര്‍ക്കും കൃത്യമായ അറിവില്ല. കൈകള്‍ കൂപ്പി ദൈവനാമം ഉച്ചരിച്ചായിരിക്കണം ഓരോ പ്രദക്ഷിണവും ചെയ്യേണ്ടത്.

മൂന്ന് പ്രദക്ഷിണത്തിന്റെ അര്‍ത്ഥം

പാപമോചനമാണ് ആദ്യപ്രദക്ഷിണം കൊണ്ട് ഉണ്ടാവുന്നത്. ഭഗവാനെ ദര്‍ശിക്കാനുള്ള അനുമതിക്കായാണ് രണ്ടാമത്തെ പ്രദക്ഷിണം. മൂന്നാമത്തെ പ്രദക്ഷിണം ഐശ്വര്യവും സന്തോഷവും സുഖവും പ്രദാനം ചെയ്യുന്നു.

ശ്രദ്ധിക്കേണ്ട കാര്യങ്ങള്‍

പ്രദക്ഷിണം വെയ്ക്കുമ്പോള്‍ ബലിക്കല്ലുകളില്‍ സ്പര്‍ശിക്കാന്‍ പാടില്ലെന്നതാണ് ആദ്യ കാര്യം. ബലിക്കല്ല് എപ്പോഴും പ്രദക്ഷിണം ചെയ്യുന്ന വ്യക്തിയുടെ വലതു ഭാഗത്തായിരിക്കണം. അഭിഷേക തീര്‍ത്ഥം ഒഴുകുന്ന ഓവില്‍ തൊടുകയോ തീര്‍ത്ഥം സേവിക്കുകയോ ചെയ്യരുത്.

ശിവക്ഷേത്രത്തില്‍ ശ്രദ്ധിക്കാന്‍

ശിവക്ഷേത്രത്തില്‍ ഒരിക്കലും പ്രദക്ഷിണം ചെയ്യുമ്പോള് ഓവ് മുറിച്ചു കടന്ന് പ്രദക്ഷിണം ചെയ്യാന്‍ പാടുള്ളതല്ല. ശിവലിംഗവും കൈലാസവും തമ്മിലുള്ള ബന്ദത്തിന് വിഘാതം വരുമെന്നതിനാലാണ് ഇത്തരത്തിലൊര വിശ്വാസം.

ഗണപതിയ്ക്ക് ഒരു പ്രദക്ഷിണം

ഗണപതി അമ്പലങ്ങളിലാണെങ്കില്‍ ഒരു പ്രദക്ഷിണമാണ് വെയ്ക്കാവൂ എന്നതാണ് വിശ്വാസം. എന്നാല്‍ മറ്റുള്ള ക്ഷേത്രങ്ങളില്‍ പ്രദക്ഷിണത്തിന്റെ എണ്ണത്തില്‍ വ്യത്യാസം വരുന്നു.