തലവര മാറ്റുന്ന ഭാഗ്യകാലം ഒഴുകിയെത്തും, ശുക്രന്‍ കര്‍ക്കടകത്തില്‍; 27 നക്ഷത്രങ്ങള്‍ക്കും ഫലം

പ്രണയം, സൗന്ദര്യം, കല, വിവാഹം, ബന്ധങ്ങള്‍, പ്രശസ്തി തുടങ്ങിയവയുമായി ബന്ധപ്പെട്ട ഗ്രഹമാണ് ശുക്രന്‍. ജ്യോതിഷത്തില്‍ ശുക്രനെ ഭൂതങ്ങളുടെ ദേവനായാണ് കണക്കാക്കുന്നത്. ശുക്രന്‍ ഏതെങ്കിലും രാശിയില്‍ ഏകദേശം 30-36 ദിവസം നില്‍ക്കുന്നു. എല്ലാ മാസവും ഈ സമയത്തിനുള്ളില്‍ ശുക്രന്‍ മറ്റൊരു രാശിയില്‍ പ്രവേശിക്കുന്നു. ഒരു രാശിചക്രം പൂര്‍ത്തിയാക്കാന്‍ ശുക്രന് ഏകദേശം ഒരു വര്‍ഷമെടുക്കും.

പ്രണയത്തിന്റെയും സൗന്ദര്യത്തിന്റെയും ഗ്രഹമായ ശുക്രന്‍ ഈ സമയം സെപ്റ്റംബര്‍ 4ന് കര്‍ക്കടക രാശിയില്‍ നേര്‍രേഖയില്‍ സഞ്ചരിക്കുന്നു. ഈ സംക്രമം മൂലം ചിലര്‍ക്ക് ഭാഗ്യവും ചിലര്‍ക്ക് കഷ്ടതകളും നേരിടേണ്ടിവരും. ശുക്രന്റെ ഈ മാറ്റം എല്ലാ നക്ഷത്രജാതകരുടെ ജീവിതത്തിലും എങ്ങനെ പ്രതിഫലിക്കുന്നു എന്ന് നമുക്ക് നോക്കാം.

മേടക്കൂറ് (അശ്വതി, ഭരണി, കാര്‍ത്തിക ആദ്യ കാല്‍)

മേടക്കൂറുകാര്‍ക്ക് ഈ സമയം കുടുംബ കാര്യത്തില്‍ കൂടുതല്‍ ശ്രദ്ധാലുക്കളായേക്കാം. കുടുംബത്തിന്റെ ആവശ്യത്തിനായി കൂടുതല്‍ പണം ചിലവഴിക്കും. സൗഹൃദങ്ങള്‍, പ്രണയ ബന്ധങ്ങള്‍, മറ്റ് തരത്തിലുള്ള ഇടപെടലുകള്‍ എന്നിവയില്‍ കൂടുതല്‍ താല്‍പ്പര്യമുള്ളവരായിരിക്കും. കുടുംബത്തോടൊപ്പമോ അല്ലെങ്കില്‍ നിങ്ങളുടെ ജീവിത പങ്കാളിയോടൊപ്പമോ യാത്രക്കുള്ള അവസരങ്ങള്‍ ലഭിക്കും. ഈ സമയ നിങ്ങള്‍ ജീവിത പങ്കാളിയോട് കൂടുതല്‍ അര്‍പ്പണബോധമുള്ളവരായിരിക്കാം. റിയല്‍ എസ്റ്റേറ്റില്‍ നിക്ഷേപിക്കാന്‍ ഇപ്പോള്‍ മികച്ച അവസരങ്ങള്‍ ഉണ്ടായേക്കാം.

ഇടവക്കൂറ് (കാര്‍ത്തിക അവസാന മുക്കാല്‍, രോഹിണി, മകയിരം ആദ്യപകുതി)

ഇടവക്കൂറുകാറായ നക്ഷത്രക്കാര്‍ക്ക് ഈ സമയം വിദേശയാത്രയ്ക്ക് അവസരമുണ്ടാകും. നിങ്ങള്‍ വളരെ സൗഹാര്‍ദ്ദപരമായ രീതിയില്‍ ആശയവിനിമയം നടത്തുകയും നിങ്ങളുടെ ആകര്‍ഷകമായ സംസാരത്തിലൂടെ മറ്റുള്ളവരെ അടുപ്പിക്കാന്‍ ശ്രമിക്കുകയും ചെയ്യും. നിങ്ങളുടെ ഉദ്യമങ്ങള്‍ വിജയിപ്പിക്കാനുള്ള സാധ്യതയുണ്ട്. അനന്തരാവകാശത്തിലൂടെയും വായ്പകളിലൂടെയും പണം സമ്പാദിക്കുന്നതില്‍ വിജയിച്ചേക്കാം. എന്നാല്‍ ഈ സമയം സഹോദരങ്ങളുമായുള്ള ബന്ധത്തില്‍ പ്രശ്‌നങ്ങള്‍ ഉണ്ടായേക്കാം.

മിഥുനക്കൂറ് (മകയിരം അവസാന പകുതി, തിരുവാതിര, പുണര്‍തം ആദ്യ മുക്കാല്‍)

മിഥുനക്കൂറുകാര്‍ക്ക് ഈ സമയം പണം സമ്പാദിക്കാനുള്ള കൂടുതല്‍ അവസരങ്ങള്‍ ഉണ്ടായേക്കാം. അനന്തരാവകാശത്തിലൂടെയും മറ്റും പണം സമ്പാദിക്കാനുള്ള അവസരങ്ങള്‍ ലഭ്യമാകും. ഊഹക്കച്ചവടത്തിലൂടെ പണം സമ്പാദിക്കാനുള്ള അവസരങ്ങള്‍ ഉണ്ടാകാം. ചിലര്‍ക്ക് വിദേശയാത്രയും മറ്റും നടത്താനാകും. ഇണയുമായി നല്ല സ്‌നേഹം നിലനിര്‍ത്താനും നിങ്ങള്‍ക്ക് കഴിയും.

കര്‍ക്കടകക്കൂറ് (പുണര്‍തം അവസാനപാദം, പൂയം, ആയില്യം)

കര്‍ക്കിടകക്കൂറുകാര്‍ കുടുംബ വികസനത്തില്‍ കൂടുതല്‍ ശ്രദ്ധ ചെലുത്തും. കൂടാതെ റിയല്‍ എസ്റ്റേറ്റ് പോലുള്ള കാര്യങ്ങളില്‍ പണം നിക്ഷേപിക്കും. പണം സമ്പാദിക്കുന്നതിലും അത് സംരക്ഷിക്കുന്നതിലും കൂടുതല്‍ താല്‍പ്പര്യമുണ്ടാകും. കര്‍ക്കടകത്തില്‍ ശുക്രന്‍ നേരിട്ട് നില്‍ക്കുന്ന സമയത്ത് നിങ്ങള്‍ക്ക് പണം അമിതമായി ചെലവഴിക്കുന്ന പ്രവണതയുണ്ടാകും. ആരോഗ്യം ശ്രദ്ധിക്കുക. ചുമ, ചര്‍മ്മ പ്രശ്‌നങ്ങള്‍ മുതലായവയ്ക്ക് കൂടുതല്‍ സാധ്യതയുണ്ട്.

ചിങ്ങക്കൂറ് (മകം, പൂരം, ഉത്രം ആദ്യ കാല്‍)

ചിങ്ങക്കൂറില്‍ വരുന്ന നക്ഷത്രക്കാര്‍ക്ക് ഈ സമയം വിദേശത്തേക്ക് പോകാനും യാത്ര ചെയ്യാനും അവസരമുണ്ടാകും. ജോലിയില്‍ പല മാറ്റങ്ങളും അനുഭവപ്പെടാം. ജോലി സ്ഥലംമാറ്റം ഉണ്ടായേക്കാം. വ്യക്തിപരമായ ജീവിതത്തില്‍ ഉയര്‍ച്ച താഴ്ചകള്‍ അനുഭവപ്പെട്ടേക്കാം. ബന്ധങ്ങളില്‍ പുതുമയും ആസ്വാദനവും നഷ്ടപ്പെട്ടേക്കാം. വ്യക്തിപരമായ കാര്യങ്ങളില്‍ അകല്‍ച്ച അനുഭവപ്പെടാം.

കന്നിക്കൂറ് (ഉത്രം അവസാന മുക്കാല്‍, അത്തം, ചിത്തിര ആദ്യപകുതി)

കന്നിക്കൂറുകാര്‍ക്ക് ഈ സമയം വിദേശയാത്രയ്ക്കും മറ്റും അവസരമുണ്ടാകും. കൂടുതല്‍ പണം സമ്പാദിക്കാനും കൂടുതല്‍ പണം ലാഭിക്കാനും കഴിയും. കര്‍ക്കടകത്തില്‍ ശുക്രന്‍ നേരിട്ട് സഞ്ചരിക്കുന്ന ഈ സമയത്ത് ഭാഗ്യം നിങ്ങളെ അനുകൂലിക്കും. കരിയറില്‍ മുന്നേറാനും പ്രശസ്തി സ്ഥാപിക്കാനും കഴിഞ്ഞേക്കും. നിങ്ങളുടെ ചില ആഗ്രഹങ്ങളും ഈ സമയം സാക്ഷാത്കരിക്കാനാകും.

തുലാക്കൂറ് (ചിത്തിര അവസാനപകുതി, ചോതി, വിശാഖം ആദ്യ മുക്കാല്‍)

തുലാക്കൂറില്‍ വരുന്ന നക്ഷത്രക്കാര്‍ക്ക് അവരുടെ കരിയറിനെ കുറിച്ച് കൂടുതല്‍ അവബോധവും താല്‍പ്പര്യവും പ്രകടിപ്പിക്കാനുള്ള അവസരങ്ങള്‍ ഉണ്ടായേക്കാം. കര്‍ക്കടകത്തില്‍ ശുക്രന്‍ നേര്‍രേഖയില്‍ സഞ്ചരിക്കുന്ന ഈ സമയത്ത്, നിങ്ങള്‍ക്ക് യാത്രകള്‍ക്ക് അവസരമുണ്ടാകും. നിങ്ങളുടെ കരിയര്‍ പെട്ടെന്നുള്ള ചില മാറ്റങ്ങളിലൂടെ കടന്നുപോകും.

വൃശ്ചികക്കൂറ് (വിശാഖം അവസാനപാദം, അനിഴം, തൃക്കേട്ട)

വൃശ്ചികക്കൂറില്‍ വരുന്ന നക്ഷത്രക്കാര്‍ക്ക് ഈ സമയം ജീവിതത്തില്‍ ചില അനര്‍ത്ഥങ്ങള്‍ ഉണ്ടായേക്കാം. കുടുംബാംഗങ്ങളുമായുള്ള അഭിപ്രായവ്യത്യാസങ്ങള്‍ കാരണം ചില തര്‍ക്കങ്ങള്‍ ഉണ്ടായേക്കാം. ജീവിത പങ്കാളിയുടെ ആരോഗ്യനില വഷളായേക്കാം. അവരുടെ ആരോഗ്യത്തിനായി ഈ കാലയളവില്‍ അധിക പണം ചെലവഴിക്കേണ്ടിവന്നേക്കാം.

ധനുക്കൂറ് (മൂലം, പൂരാടം, ഉത്രാടം1/4)

ധനുക്കൂറില്‍ വരുന്ന നക്ഷത്രക്കാര്‍ക്ക് അനന്തരാവകാശത്തിലൂടെയും അപ്രതീക്ഷിതമായ സ്രോതസ്സുകളിലൂടെയും വരുമാനം വര്‍ദ്ധിപ്പിക്കാനുള്ള അവസരങ്ങള്‍ ഉണ്ടാകും. ജോലി സംബന്ധമായ കാരണങ്ങളാല്‍ അപ്രതീക്ഷിതമായി യാത്രചെയ്യേണ്ടിവന്നേക്കാം. സമ്പത്തും വരുമാനവും ഉണ്ടായിരുന്നിട്ടും ഈ സമയം നിങ്ങള്‍ക്ക് പൂര്‍ണ്ണ സംതൃപ്തി നേടാന്‍ കഴിഞ്ഞേക്കില്ല.

മകരക്കൂറ് (ഉത്രാടം ആദ്യ മുക്കാല്‍, തിരുവോണം, അവിട്ടം ആദ്യ പകുതി)

മകരക്കൂറുകാര്‍ക്ക് ഈ സമയം തൊഴില്‍ ആവശ്യങ്ങള്‍ക്കായി വിദേശയാത്രയ്ക്ക് അവസരമുണ്ടാകാം. ഈ സമയത്ത്, നിങ്ങള്‍ക്ക് കൂടുതല്‍ പുതിയ പരിചയക്കാരെ ഉണ്ടാക്കാന്‍ കഴിയും. ഈ ബന്ധങ്ങള്‍ നിങ്ങള്‍ക്ക് പിന്നീട് ഗുണം ചെയ്യും. സൃഷ്ടിപരമായ പ്രവര്‍ത്തനങ്ങളില്‍ കൂടുതല്‍ താല്‍പര്യമുള്ളവരാകും.

കുംഭക്കൂറ് (അവിട്ടം അവസാനപകുതി, ചതയം, പൂരുരുട്ടാതി ആദ്യ മുക്കാല്‍)

കര്‍ക്കടകത്തിലെ ശുക്രന്‍ നേര്‍രേഖയില്‍ നില്‍ക്കുന്നത് കുംഭക്കൂറുകാര്‍ക്ക് അവരുടെ ആസ്തികള്‍ മെച്ചപ്പെടുത്താനും നിര്‍വൃതി അനുഭവിക്കാനും അവസരം നല്‍കും. നിങ്ങളുടെ ചില ആഗ്രഹങ്ങള്‍ ഈ കാലയളവില്‍ നിറവേറപ്പെടും. മക്കളുടെ സന്തോഷത്തിന് സാക്ഷ്യം വഹിക്കാനും അവരെക്കുറിച്ച് അഭിമാനിക്കാനും കഴിഞ്ഞേക്കും.

മീനക്കൂറ് (പൂരുരുട്ടാതി അവസാനപാദം, ഉത്രട്ടാതി, രേവതി)

മീനക്കൂറിലുള്ള നക്ഷത്രക്കാര്‍ക്ക് ഈ സമയം വിദേശയാത്രയ്ക്കുള്ള അവസരം ലഭിക്കും. കുട്ടികളുടെ കാര്യത്തില്‍ കൂടുതല്‍ ശ്രദ്ധാലുക്കളായേക്കാം. അനന്തരാവകാശമായി സ്വത്ത് ലഭിക്കാന്‍ അവസരമുണ്ടാകും.