30 ദിവസം കണ്ണഞ്ചിപ്പിക്കുന്ന നേട്ടങ്ങള്‍, ശുക്രന്റെ പ്രഭാവം ജീവിതം മാറ്റും; മേടം-മീനം ഫലം

ജ്യോതിഷമനുസരിച്ച് ഒരു ഗ്രഹം ഒരു രാശിയില്‍ നിന്ന് മറ്റൊരു രാശിയിലേക്ക് മാറുമ്പോള്‍ അത് എല്ലാ രാശിചിഹ്നങ്ങളിലുമുള്ള ആളുകള്‍ക്ക് ശുഭവും അശുഭകരവുമായ ഫലങ്ങള്‍ നല്‍കുന്നു. ജ്യോതിഷത്തില്‍ സന്തോഷം, തേജസ്സ്, സമൃദ്ധി, ആഡംബരം, സൗന്ദര്യം എന്നിവയ്ക്ക് ഉത്തരവാദിയായ ഗ്രഹമായി ശുക്രനെ കണക്കാക്കുന്നു. ശുക്രന്‍ ഒരു രാശിയില്‍ നിന്ന് മറ്റൊരു രാശിയിലേക്ക് മാറാന്‍ ഏകദേശം ഒരു മാസമെടുക്കും.

ശുക്രന്‍ ഈ സമയം കര്‍ക്കടകത്തില്‍ യാത്ര അവസാനിപ്പിച്ച് ഒക്ടോബര്‍ 2ന് ചിങ്ങത്തില്‍ പ്രവേശിക്കും. തുടര്‍ന്ന് നവംബര്‍ മൂന്നിന് ചിങ്ങത്തില്‍ നിന്ന് കന്നിരാശിയിലേക്കും മാറും. ചിങ്ങം രാശിയില്‍ ശുക്രന്റെ സംക്രമണം എല്ലാ രാശിക്കാരിലും പ്രതിഫലിക്കും. ശുക്രന്റെ ചിങ്ങം രാശി സംക്രമണത്താല്‍ 12 രാശിക്കും ഈ സമയം ജീവിതത്തില്‍ വരുന്ന മാറ്റം എന്തെന്ന് അറിയാന്‍ ലേഖനം വായിക്കൂ.

മേടം

അറിവിന്റെ അഞ്ചാം ഭാവത്തില്‍ ശുക്രന്‍ സംക്രമിക്കുന്നതിന്റെ ഫലം നിങ്ങള്‍ക്ക് ഒരു അനുഗ്രഹമായിരിക്കും. പ്രത്യേകിച്ച് മത്സര പരീക്ഷകളില്‍ പങ്കെടുക്കുന്ന വിദ്യാര്‍ത്ഥികള്‍ക്ക് ഈ സമയം മികച്ചതാണ്. ഏതെങ്കിലും തരത്തിലുള്ള സര്‍ക്കാര്‍ സേവനത്തിന് അപേക്ഷിക്കുകയോ പുതിയ കരാറില്‍ ഒപ്പിടുകയോ ചെയ്യാന്‍ സമയം നല്ലതാണ്. പ്രണയ സംബന്ധമായ കാര്യങ്ങളില്‍ തീവ്രതയുണ്ടാകും. നിങ്ങള്‍ പ്രണയവിവാഹം ചെയ്യാന്‍ ആഗ്രഹിക്കുന്നുവെങ്കില്‍, ആ കാഴ്ചപ്പാടില്‍ അവസരം അനുകൂലമായിരിക്കും. നവദമ്പതികള്‍ക്ക് ഒരു കുട്ടി ഉണ്ടാകാനുള്ള സാധ്യതയും ഉണ്ട്.

ഇടവം

സന്തോഷത്തിന്റെ നാലാം ഭാവത്തില്‍ ശുക്രന്‍ സംക്രമിക്കുന്നതിന്റെ ഫലം എല്ലാ വിധത്തിലും നിങ്ങള്‍ക്ക് സുഖകരവും ഗുണകരവുമായിരിക്കും. കേന്ദ്ര-സംസ്ഥാന സര്‍ക്കാര്‍ വകുപ്പുകളില്‍ കുടുങ്ങിക്കിടക്കുന്ന ജോലികള്‍ പൂര്‍ത്തീകരിക്കും. റിയല്‍ എസ്റ്റേറ്റ് സംബന്ധമായ പ്രശ്‌നങ്ങള്‍ പരിഹരിക്കപ്പെടും. വീടോ വാഹനമോ ലഭിക്കാനും സാധ്യതയുണ്ട്. സുഹൃത്തുക്കളില്‍ നിന്നും ബന്ധുക്കളില്‍ നിന്നും നിങ്ങള്‍ക്ക് നല്ല വാര്‍ത്തകള്‍ ലഭിക്കും. വിദേശ കമ്പനികളിലെ സേവനത്തിനോ പൗരത്വത്തിനോ ശ്രമിക്കണമെങ്കില്‍ സമയം നല്ലതായിരിക്കും. പുതിയ ആളുകളുമായുള്ള സമ്പര്‍ക്കം വര്‍ദ്ധിക്കും.

മിഥുനം

സന്തോഷത്തിന്റെ മൂന്നാം ഭാവത്തില്‍ ശുക്രന്‍ സംക്രമിക്കുന്ന സ്വാധീനം നിങ്ങളുടെ സ്വഭാവത്തില്‍ സൗമ്യത കൊണ്ടുവരും. നിങ്ങളുടെ തീരുമാനങ്ങളും ചെയ്യുന്ന പ്രവര്‍ത്തനങ്ങളും വിലമതിക്കപ്പെടും. ആത്മീയതയില്‍ താല്‍പര്യം ഉണ്ടാകും. മത ട്രസ്റ്റുകളിലും അനാഥാലയങ്ങളിലും മറ്റും സജീവമായി പങ്കെടുക്കുകയും ജീവകാരുണ്യ പ്രവര്‍ത്തനങ്ങള്‍ നടത്തുകയും ചെയ്യും. നിങ്ങളുടെ തന്ത്രങ്ങളും പദ്ധതികളും രഹസ്യമായി സൂക്ഷിച്ച് പ്രവര്‍ത്തിക്കുകയാണെങ്കില്‍ നിങ്ങള്‍ കൂടുതല്‍ വിജയിക്കും.

കര്‍ക്കടകം

രണ്ടാം പണ ഭവനത്തില്‍ ശുക്രന്‍ സംക്രമിക്കുന്ന സ്വാധീനം സാമ്പത്തിക വശം ശക്തിപ്പെടുത്തും. കിട്ടാതെ കിടന്നിരുന്ന പണം തിരികെ ലഭിക്കാനാകും. വരുമാന സ്രോതസ്സുകളും വര്‍ദ്ധിക്കും. ആരോഗ്യപരമായ കാഴ്ചപ്പാടില്‍, വലതു കണ്ണുമായി ബന്ധപ്പെട്ട പ്രശ്‌നങ്ങള്‍ ശ്രദ്ധിക്കുക. ജോലിസ്ഥലത്ത് ഗൂഢാലോചനയുടെ ഇരയാകുന്നത് ഒഴിവാക്കുക. പൂര്‍വ്വിക സ്വത്തുമായി ബന്ധപ്പെട്ട തര്‍ക്കങ്ങള്‍ പരിഹരിക്കും. കുടുംബത്തില്‍ മംഗളകരമായ പ്രവര്‍ത്തനങ്ങള്‍ക്ക് അനുകൂല അവസരങ്ങള്‍ ഉണ്ടാകും.

ചിങ്ങം

നിങ്ങളുടെ രാശിയില്‍ ശുക്രന്‍ സംക്രമിക്കുന്ന സ്വാധീനം അപ്രതീക്ഷിതമായ പല പ്രത്യാഘാതങ്ങളും നിങ്ങള്‍ക്ക് അഭിമുഖീകരിക്കേണ്ടിവരും. ആരോഗ്യകാര്യത്തില്‍ അതീവ ജാഗ്രത വേണം. പ്രവര്‍ത്തന മേഖല വിപുലീകരിക്കും. നിങ്ങള്‍ക്ക് എന്തെങ്കിലും പുതിയ ജോലി ആരംഭിക്കാനോ പങ്കാളിത്ത ബിസിനസ്സ് ചെയ്യാനോ താല്‍പ്പര്യമുണ്ടെങ്കില്‍, ആ കാഴ്ചപ്പാടില്‍ ഈ അവസരം മികച്ചതായിരിക്കും. സര്‍ക്കാരില്‍ നിന്ന് പൂര്‍ണ പിന്തുണയും ലഭിക്കും. നിങ്ങളുടെ മാതാപിതാക്കളുടെ ആരോഗ്യത്തെക്കുറിച്ച് ചിന്തിക്കുക. വീടോ വാഹനമോ വാങ്ങാന്‍ ആഗ്രഹിക്കുന്നവര്‍ക്ക് സമയം അനുകൂലമാണ്.

കന്നി

ചെലവിന്റെ ഭവനത്തില്‍ ശുക്രന്‍ സംക്രമിക്കുന്നത് അമിതമായ അലച്ചില്‍ നല്‍കും. ചെലവുകള്‍ വര്‍ധിക്കും. ആഡംബര വസ്തുക്കള്‍ക്ക് വേണ്ടി ചിലവ് വരും. വിദേശികളായ സുഹൃത്തുക്കളില്‍ നിന്നും ബന്ധുക്കളില്‍ നിന്നും നല്ല വാര്‍ത്തകള്‍ ലഭിക്കുന്നതിന് സാധ്യതയുണ്ട്. വിദ്യാര്‍ത്ഥികള്‍ വിദേശത്ത് പോയി പഠിക്കാന്‍ ശ്രമിക്കുന്നുണ്ടെങ്കില്‍, ആ കാഴ്ചപ്പാടില്‍ ഗ്രഹസംക്രമണം അനുകൂലമായിരിക്കും. ഈ കാലയളവില്‍ ആര്‍ക്കും കൂടുതല്‍ പണം കടം കൊടുക്കരുത്, അല്ലാത്തപക്ഷം പണം കൃത്യസമയത്ത് തിരികെ ലഭിച്ചേക്കില്ല.

തുലാം

പതിനൊന്നാം ഭാവത്തില്‍ ശുക്രന്‍ സഞ്ചരിക്കുന്ന സ്വാധീനം എല്ലാ വിധത്തിലും മികച്ച വിജയം നല്‍കും. കുടുംബത്തിലെ ജ്യേഷ്ഠസഹോദരന്മാരുമായി അഭിപ്രായവ്യത്യാസങ്ങള്‍ വളരാന്‍ അനുവദിക്കരുത്. നിങ്ങളുടെ വരുമാന സ്രോതസ്സുകള്‍ വര്‍ദ്ധിക്കും. ഒരു പുതിയ ബിസിനസ്സ് ആരംഭിക്കാന്‍ ആഗ്രഹിക്കുന്നുവെങ്കില്‍, ആ കാഴ്ചപ്പാടില്‍ ഗ്രഹസംക്രമണം വളരെ അനുകൂലമായിരിക്കും. നിങ്ങളുടെ ഊര്‍ജ്ജം നിങ്ങള്‍ നന്നായി ഉപയോഗിച്ചാല്‍, നിങ്ങള്‍ പൂര്‍ണ്ണമായും വിജയിക്കും. സന്താനങ്ങളുടെ ഉത്തരവാദിത്തങ്ങള്‍ നിറവേറ്റും. പ്രണയ സംബന്ധമായ കാര്യങ്ങളില്‍ തീവ്രതയുണ്ടാകും. പ്രണയവിവാഹത്തിന് ആഗ്രഹിക്കുന്നവര്‍ക്ക് ആ കാഴ്ചപ്പാടില്‍ ഗ്രഹസംക്രമണം അനുകൂലമായിരിക്കും.

വൃശ്ചികം

കര്‍മ്മത്തിന്റെ പത്താം ഭാവത്തില്‍ ശുക്രന്‍ സംക്രമിക്കുന്ന സ്വാധീനം ജോലിയിലും ബിസിനസ്സിലും പുരോഗതി നല്‍കും. നിങ്ങളുടെ സാമൂഹിക പദവിയും സ്ഥാനമാനങ്ങളും വര്‍ദ്ധിക്കും. നിങ്ങള്‍ക്ക് ഏതെങ്കിലും തരത്തിലുള്ള തിരഞ്ഞെടുപ്പില്‍ മത്സരിക്കണമെങ്കില്‍, ആ കാഴ്ചപ്പാടില്‍ സമയം നല്ലതായിരിക്കും. റിയല്‍ എസ്റ്റേറ്റ് സംബന്ധമായ പ്രശ്‌നങ്ങള്‍ പരിഹരിക്കപ്പെടും. നിങ്ങള്‍ ഒരു വീടോ വാഹനമോ വാങ്ങാന്‍ ആഗ്രഹിക്കുന്നുവെങ്കില്‍ ഗ്രഹനിലകള്‍ അനുകൂലമായി തുടരും. സുഹൃത്തുക്കളില്‍ നിന്നും ബന്ധുക്കളില്‍ നിന്നും നല്ല വാര്‍ത്തകള്‍ ലഭിക്കാന്‍ സാധ്യതയുണ്ട്. ഈ കാലയളവില്‍ ശ്രദ്ധാപൂര്‍വം യാത്ര ചെയ്യുക, സാധനങ്ങള്‍ മോഷണം പോകാനും സാധ്യതയുണ്ട്.

ധനു

ഭാഗ്യത്തിന്റെ ഒമ്പതാം ഭാവത്തില്‍ ശുക്രന്‍ സഞ്ചരിക്കുന്നതിന്റെ ഫലം നല്ലതാണെന്ന് കാണപ്പെടും. നിങ്ങളുടെ വരുമാന സ്രോതസ്സുകള്‍ വര്‍ദ്ധിക്കും. എടുക്കുന്ന തീരുമാനങ്ങളും ചെയ്ത പ്രവര്‍ത്തനങ്ങളും അഭിനന്ദിക്കപ്പെടും. വിദേശയാത്രയുടെ ഗുണം ലഭിക്കും. നിങ്ങള്‍ക്ക് മറ്റേതെങ്കിലും രാജ്യത്തേക്ക് വിസയ്ക്കും മറ്റും അപേക്ഷിക്കണമെങ്കില്‍, ആ കാഴ്ചപ്പാടില്‍ ഗ്രഹസംക്രമണം അനുകൂലമായിരിക്കും. ആത്മീയതയില്‍ താല്‍പ്പര്യം വര്‍ദ്ധിക്കും. ദാനധര്‍മ്മങ്ങള്‍ ചെയ്യും.

മകരം

എട്ടാം ഭാവത്തില്‍ ശുക്രന്‍ സഞ്ചരിക്കുന്നതിന്റെ ഫലം വളരെ നല്ലതായിരിക്കില്ല. നിങ്ങളുടെ ആരോഗ്യത്തെക്കുറിച്ച് എപ്പോഴും ശ്രദ്ധാലുവായിരിക്കുക. ജോലിസ്ഥലത്ത് ഗൂഢാലോചനയുടെ ഇരയാകുന്നത് ഒഴിവാക്കുക. നിങ്ങളുടെ സ്വന്തക്കാര്‍ തന്നെ നിങ്ങളെ അപമാനിക്കാന്‍ ശ്രമിച്ചേക്കാം, ശ്രദ്ധിക്കുക. സാമ്പത്തിക വശം ശക്തമാകും.

കുംഭം

ഏഴാം ഭാവത്തില്‍ ശുക്രന്‍ സംക്രമിക്കുന്ന സ്വാധീനം വലിയ വിജയം നല്‍കും. ജോലിയുടെ വ്യാപ്തി വികസിക്കും, വിവാഹവുമായി ബന്ധപ്പെട്ട ചര്‍ച്ചകള്‍ വിജയിക്കും. ദാമ്പത്യ ജീവിതത്തിലും മാധുര്യം ഉണ്ടാകും. മരുമക്കളുടെ പിന്തുണ ഉണ്ടാകും. കേന്ദ്ര-സംസ്ഥാന സര്‍ക്കാര്‍ വകുപ്പുകളില്‍ ഏതെങ്കിലും തരത്തിലുള്ള ടെന്‍ഡറിനും മറ്റും അപേക്ഷിക്കേണ്ടി വന്നാല്‍, ഗ്രഹനില അനുകൂലമായിരിക്കും. പുതിയ ആളുകളുമായുള്ള സമ്പര്‍ക്കം വര്‍ദ്ധിക്കും.

മീനം

ശുക്രന്‍ ആറാം ശത്രു ഭാവത്തില്‍ സഞ്ചരിക്കുന്നതിന്റെ ഫലം വളരെ നല്ലതാണെന്ന് പറയാനാവില്ല. ആരോഗ്യകാര്യത്തില്‍ അതീവ ജാഗ്രത വേണം. കോടതിയുമായി ബന്ധപ്പെട്ട തര്‍ക്കങ്ങളും കാര്യങ്ങളും പുറത്ത് പരിഹരിക്കുന്നതാണ് നല്ലത്. വിദേശയാത്രയുടെ നേട്ടങ്ങള്‍ ലഭിക്കും. ആഡംബര വസ്തുക്കള്‍ക്കായി കൂടുതല്‍ പണം ചെലവഴിക്കും. ഉന്നത ഉദ്യോഗസ്ഥരുമായി അഭിപ്രായവ്യത്യാസങ്ങള്‍ ഉണ്ടാകരുത്. വിവാഹ സംബന്ധമായ ചര്‍ച്ചകള്‍ക്ക് ഇനിയും സമയമെടുക്കും. അമിതമായ ചിലവ് മൂലം നിങ്ങള്‍ക്ക് സാമ്പത്തിക പ്രതിസന്ധി നേരിടേണ്ടി വന്നേക്കാം, അതിനാല്‍ പാഴ്‌ച്ചെലവ് ഒഴിവാക്കുക.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.