നിങ്ങള്‍ ബുദ്ധനാണ്

Updated: Tuesday, September 25, 2012, 5:44 [IST]

മെയ്ജി യുഗത്തില്‍ ടോക്കിയോവില്‍ രണ്ട് പ്രഗത്ഭരായ ഗുരുക്കന്മാര്‍ ജീവിച്ചിരുന്നു. രണ്ടുപേരും തീര്‍ത്തും വിപരീതമായ രീതിയിലുള്ള സവിഷേഷതകള്‍ സൂക്ഷിക്കുന്നവരായിരുന്നു. ഷിന്‍ഗണില്‍ അധ്യാപകനായിരുന്ന ഗുരു ഉന്‍ഷോ ബുദ്ധ തത്വങ്ങളില്‍ അടിയുറച്ചുവിശ്വസിക്കുന്നയാളായിരുന്നു. അദ്ദേഹം ലഹരിപാനീയങ്ങളും മറ്റും വര്‍ജ്ജിച്ചിരുന്നു.

ഇംപീരിയല്‍ സര്‍വ്വകലാശാലയില്‍ തത്വചിന്താ അധ്യാപകനായ ടാന്‍സന്‍ ആയിരുന്നു മറ്റൊരു ഗുരു. അദ്ദേഹം ബുദ്ധ തത്വങ്ങളില്‍ നിന്നും അകന്നു നില്‍ക്കുന്നയാളായിരുന്നു. തനിയ്ക്ക് തോന്നുന്നനേരത്ത് ഭക്ഷണം കഴിയ്ക്കുകയും ഉറങ്ങുകയുമെല്ലാം ചെയ്യുന്നയാളായിരുന്നു ടാന്‍സന്‍.

ഒരിക്കല്‍ ഉന്‍ഷോ ടാന്‍സനെ കാണാനായി എത്തി. ആ സമയത്ത് ടാന്‍സര്‍ വൈന്‍ കുടിച്ചുകൊണ്ടിരിക്കുകയായിരുന്നു. ഉന്‍ഷോയെ കണ്ടപ്പോള്‍ ടാന്‍സന്‍ അദ്ദേഹത്തെ വൈന്‍ കുടിയ്ക്കാനായി ക്ഷണിച്ചു. ബുദ്ധമതം പിന്തുടരുന്നവര്‍ മദ്യപിയ്ക്കാന്‍ പാടില്ലെന്നാണ് നിയമം.

ടാന്‍സന്റെ ക്ഷണം നിരസിച്ചുകൊണ്ട് ഉന്‍ഷോ പറഞ്ഞു- 'ഞാനൊരിക്കലും മദ്യപിയ്ക്കില്ല'

അപ്പോള്‍ ടാന്‍സര്‍ - 'ഒരിക്കല്‍പ്പോലും മദ്യപിയ്ക്കാത്തയാള്‍ മനുഷ്യനല്ല!'

അതുകേട്ടപ്പോള്‍ ഉന്‍ഷോയ്ക്ക് ദേഷ്യം വന്നു അദ്ദേഹം ചോദിച്ചു - 'മദ്യം കുടിയ്ക്കുന്നില്ലെന്നതുകൊണ്ടുമാത്രം നിങ്ങള്‍ക്കെങ്ങനെയാണ് ഞാന്‍ മനുഷ്യനല്ലെന്ന് പറയാന്‍ കഴിയുക, മനുഷ്യനല്ലെങ്കില്‍പ്പിന്നെ ഞാനാരാണ്?"

ഒരു ബുദ്ധനാണ് എന്നായിരുന്നു ഉന്‍ഷോയുടെ ചോദ്യത്തിന് ടാന്‍സന്‍ നല്‍കിയ മറുപടി.