സൈക്കിള്‍ ചവിട്ടുന്നത് എന്തിനാണ്?

Short Story

oi-Saritha

By Veena

Published: Wednesday, October 10, 2012, 16:04 [IST]

ഒരു സെന്‍ ഗുരുവിന്റെ അഞ്ച് ശിഷ്യന്മാര്‍ ഒരിക്കല്‍ ചന്തയില്‍പ്പോയി മടങ്ങിയെത്തി. സൈക്കിളിലായിരുന്നു അവര്‍ പോയിവന്നത്.

സൈക്കിളില്‍ നിന്നിറങ്ങുന്ന ശിഷ്യന്മാരെക്കണ്ട് ഗുരു ചോദിച്ചു നിങ്ങളെന്തിനാണ് സൈക്കിള്‍ ചവിട്ടുന്നത്. ചോദ്യം കേട്ട ഓരോ വിദ്യാര്‍ത്ഥികളും ഓരോ ഉത്തരങ്ങളാണ് പറഞ്ഞത്.

ആദ്യത്തെയാള്‍ പറഞ്ഞത് ഉരുളക്കിഴങ്ങിന്റെ ചാക്ക് ചുമലിലേറ്റാതെ കൊണ്ടുവരാന്‍ പറ്റുന്നതുകൊണ്ടാണ് സൈക്കിള്‍ എടുക്കുന്നതെന്നായിരുന്നു.

അതുകേട്ട ഗുരു സന്തോഷത്തോടെ പറഞ്ഞു 'നീ വളരെ ചുറുചുറുക്കുള്ളവനാണ്. നിനക്ക് പ്രായമാകുമ്പോള്‍ എന്നെപ്പോലെ കൂന്‍ വരില്ല.'

പിന്നീട് രണ്ടാമത്തെ ശിഷ്യന്റെ ഊഴമായി - 'സൈക്കിള്‍ ചവിട്ടി പോകുമ്പോള്‍ താഴെക്കിടക്കാണുന്ന മരങ്ങളും വയലുകളും കാണാന്‍ എനിയ്ക്കിഷ്ടമാണ്.'

അപ്പോള്‍ ഗുരു - 'നീ നിന്റെ കണ്ണുകള്‍ തുറന്നുവച്ചിരിക്കുന്നു, നിനക്ക് ലോകം കാണാന്‍ കഴിയുന്നുണ്ട്.'

മൂന്നാമത്തെ വിദ്യാര്‍ഥിയുടെ ഉത്തരവും വ്യത്യസ്തമായിരുന്നു 'സൈക്കിള്‍ ചവിട്ടുമ്പോള്‍ ഞാന്‍ മന്ത്രങ്ങള്‍ ഉരുവിടുന്നുവെന്നായിരുന്നു മൂന്നാമന്റെ ഉത്തരം'