സാത്താനും സത്യവും

Short Story

oi-Saritha

By Veena

Updated: Thursday, October 4, 2012, 12:52 [IST]

ഒരിക്കല്‍ സാത്താനും അനുചരന്മാരും കൂടി യാത്രചെയ്യുകയായിരുന്നു. വഴിയില്‍ അവര്‍ ധ്യാനിച്ചുകൊണ്ട് നടക്കുകയായിരുന്ന ഒരു വ്യക്തിയെ കണ്ടു. പെട്ടെന്ന് നിലത്തുകിടക്കുന്ന എന്തോ ഒന്നിനെ നോക്കിയപ്പോള്‍ അദ്ദേഹത്തിന്റെ മുഖം പ്രകാശിതമായി. ഇതുകണ്ടപ്പോള്‍ സാത്താന്റെ അനുചരന്മാരില്‍ ഒരാള്‍ക്ക് എന്താണ് അയാള്‍ നിലത്തുകണ്ടതെന്ന അറിയാന്‍ അതിയായ ആഗ്രഹം തോന്നു. തന്റെ സംശയം അയാള്‍ യജമാനനോട് ചോദിക്കുകയും ചെയ്തു.

അപ്പോള്‍ സാത്താന്‍ -' നിലത്തുണ്ടായിരുന്നത് സത്യത്തിന്റെ ഒരു തുണ്ടാണ്, അദ്ദേഹമാണ് അത് കണ്ടുപിടിച്ചത്.'

അപ്പോള്‍ അനുചരന്‍- 'അങ്ങ് സത്യത്തിന് എതിരാണ് എന്നിട്ടും ആ മനുഷ്യന്‍ സത്യം കണ്ടുപിടിച്ചപ്പോള്‍ അങ്ങെന്തുകൊണ്ട് പ്രകോപിതനായില്ല?'

അപ്പോള്‍ സാത്താന്‍ - 'സത്യം കണ്ടുപിടിച്ച ഉടന്‍തന്നെ അവര്‍ അതിന്റെമേല്‍ ഒരു വിശ്വാസം കെട്ടിപ്പൊക്കും.'