ചില തോന്നലുകള്‍

Short Story

oi-Saritha

By Veena

Updated: Saturday, February 9, 2013, 20:09 [IST]

ഒരിക്കല്‍ സെന്‍ ഗുരു ഫിലിപ്പ് കപ്ല്യുവും അധ്യാപകനായ ഫിലിപ്പും റ്യൂടകുജി ആശ്രമത്തില്‍ എത്തി. സെന്‍ ഗുരുവായ അബ്ബോട്ട് സോയന്‍ നാകഗാവയാണ് ഇവര്‍ രണ്ടുപേരെയും സ്ഥലങ്ങളെല്ലാം ചുറ്റിനടന്ന് കാണിച്ചത്.

പുരാതന ചൈനയിലെ സെന്‍ ഗുരുക്കന്മാരുടെ കഥകള്‍ കേട്ട് സന്ദര്‍ശകര്‍ രണ്ടുപേരും ആശ്ചര്യപ്പെട്ടു. ലൗകികബന്ധങ്ങളില്‍ നിന്നും സ്വതന്ത്രരാകാന്‍ വേണ്ടി വിശുദ്ധ ഗ്രന്ഥങ്ങളും ബുദ്ധന്റെ ചിത്രങ്ങളും വരെ നശിപ്പിച്ച സെന്‍ ഗുരുക്കന്മാരുടെ കഥ അവരെ ഏറെ ആകര്‍ഷിയ്ക്കുകയും ചെയ്തു.

നാകഗാവ അവരെ ബുദ്ധ ക്ഷേത്രം നിര്‍മ്മിച്ചയാളും പ്രശസ്ത സെന്‍ ഗുരുവുമായി ഹാക്കുയിന്‍ സെന്‍ജിയുടെ പ്രതിമ നില്‍ക്കുന്നിടത്തേയ്ക്ക് കൊണ്ടുപോയി. പ്രതിമയ്ക്ക് മുന്നില്‍ തലകനിച്ച് വണങ്ങിയോ സുഗന്ധദ്രവ്യം പുകച്ചോ ഗുരുവിനോടുള്ള ആദരവ് പ്രകടിപ്പിയ്ക്കാമെന്ന് നാകഗാവ സന്ദര്‍ശകരോട് പറഞ്ഞു. എന്നിട്ട് അദ്ദേഹം തലകുനിച്ച് പ്രതിമയെ വണങ്ങുകയും ചെയ്തു.

ഇതുകണ്ട് ആശ്ചര്യപ്പെട്ട സന്ദര്‍ശകര്‍ ചോദിച്ചു. 'പുരാതന ചൈനയിലെ ഗുരുക്കന്മാരെല്ലാം ബുദ്ധ വിഗ്രഹത്തില്‍ തുപ്പിയിരുന്നുവെന്ന് പറഞ്ഞു പിന്നെ താങ്കളെന്താണ് അതിനെ തലകുനിച്ച് വണങ്ങുന്നത്?'

അപ്പോള്‍ നാകഗാവ പറഞ്ഞു 'നിങ്ങള്‍ക്ക് തുപ്പാനാണ് തോന്നുന്നതെങ്കില്‍ തുപ്പുക, എനിയ്ക്ക് തലകുനിച്ച് വണങ്ങാനാണ് തോന്നിയത്.'