ഒഴുക്കിനൊപ്പം നീന്തുക

Short Story

oi-Saritha

By Veena

Published: Thursday, October 18, 2012, 15:03 [IST]

ഒരിക്കല്‍ ഒരു വൃദ്ധന്‍ ശക്തമായ ഒഴുക്കുള്ള നദിയില്‍ വീണു. ഈ നദി ഒഴുകിയെത്തുന്നത് വളരെ അപകടം പിടിച്ച ഒരു വെള്ളച്ചാട്ടത്തിലേയ്ക്കായിരുന്നു. വൃദ്ധന്‍ നദിയില്‍ വീഴുന്നത് കണ്ടുനിന്നവര്‍ അയാള്‍ മരിയ്ക്കുമോയെന്ന് ഭയന്നു.

എന്നാല്‍ എല്ലാവരെയും അത്ഭുതപ്പെടുത്തിക്കൊണ്ട് ഇയാള്‍ അത്ഭുതകരമായി രക്ഷപ്പെട്ടു. ഒരു പോറലുപോലുമേല്‍ക്കാതെ അയാള്‍ വെള്ളച്ചാട്ടത്തിന്റെ താഴേഭാഗത്ത് എത്തുകയായിരുന്നു.

വൃദ്ധനെ ജീവനോടെ കണ്ട് അത്ഭുതപ്പെട്ട ആളുകള്‍ ഇത്രയും വലിയൊരു അപകടത്തില്‍ നിന്നും രക്ഷപ്പെട്ടതെങ്ങനെയാണെന്ന് അയാളോട് ചോദിച്ചു.

അപ്പോള്‍ ബുദ്ധിമാനായ വൃദ്ധന്‍ പറഞ്ഞു ഞാന്‍ സ്വയം വെള്ളത്തില്‍ ഒതുങ്ങിനിന്നു ഒന്നും ആലോചിയ്ക്കാതെ ഞാന്‍ നദിയിലെ ഒഴുക്കിന്റെ ഭാഗമായി. അങ്ങനെതന്നെ ചുഴികളിലേയ്ക്കിറങ്ങി, ജീവനോടെ പൊങ്ങുകയും ചെയ്തു അങ്ങനെയാണ് ഞാന്‍ രക്ഷപ്പെട്ടത്.