താല്‍ക്കാലിക അതിഥി

Short Story

oi-Saritha

By Veena

Updated: Wednesday, December 12, 2012, 15:33 [IST]

സെന്‍ ഗുരുവായിരുന്ന ടൊസുയി ആശ്രമത്തിലെ മതചിട്ടകള്‍ക്കനുസരിച്ചുള്ള ജീവിതം ഉപേക്ഷിച്ച് ഒരുകൂട്ടം യാചകര്‍ക്കൊപ്പം ചെന്ന് താമസിച്ചു. അവര്‍ ഒരു പാലത്തിനടിയിലായിരുന്നു താമസിച്ചിരുന്നത്. ടൊസുയിയുടെ വാര്‍ധക്യകാലത്ത് ഒരുദിവസം ഒരു സുഹൃത്ത് അദ്ദേഹത്തെ അരിയില്‍ നിന്നും വിനാഗിരിയുണ്ടാക്കാന്‍ പഠിപ്പിച്ചു, വിനാഗിരി വില്‍പന ടൊസുയിയ്ക്ക് ജീവിതമാര്‍ഗമാക്കാന്‍ വേണ്ടിയായിരുന്നു ഇത്.

പിന്നീട് മരണം വരെ ടൊസുയി വിനാഗിരുയുണ്ടാക്കല്‍ തുടര്‍ന്നു. ഒരുദിവസം വിനാഗിരി നിര്‍മ്മിക്കുന്നതിനിടെ ഒരു സുഹൃത്ത് അദ്ദേഹത്തിന് ബദ്ധന്റെ ചിത്രം നല്‍കി. മതവും അതിന്റെ ചിട്ടകളുമൊക്കെ ഉപേക്ഷിച്ചയാളാണെങ്കിലും ടൊസുയി ആ ചിത്രം സ്വീകരിയ്ക്കുകയും തന്റെ കുടിലിന്റെ ചുമരില്‍ അത് തൂക്കിയിടുകയും ചെയ്തു.

എന്നിട്ട് ഇതിന്റെയരികിലായി ഇങ്ങനെ എഴുതിവച്ചു 'ബുദ്ധാ ഈ കുടില്‍ വളരെ ചെറുതാണ്, ഇവിടെ അങ്ങേയ്ക്ക് ഒരു താല്‍ക്കാലിക അതിഥിയായി കഴിയാം. പക്ഷേ ഞാന്‍ അങ്ങയോട് പറുദീസയില്‍ പുനര്‍ജനിയ്ക്കാന്‍ ആവശ്യപ്പെടുകയാണെന്ന് തെറ്റിദ്ധരിയ്ക്കരുത്.'