കേള്‍ക്കാത്ത വാക്കുകള്‍

Short Story

oi-Saritha

By Veena

Updated: Wednesday, October 10, 2012, 12:31 [IST]

കവികൂടിയായ സെന്‍ ഗുരുവായ ഗാരി സ്‌നൈഡര്‍ ഒരിക്കല്‍ അദ്ദേഹത്തിന്‍റെ പഠനകാലത്തുണ്ടായ സംഭവങ്ങളെക്കുറിച്ച് പറയുകയായിരുന്നു.

യുവാവായിരുന്ന അദ്ദേഹം ഗുല്‍ച് ക്ഷേത്രത്തില്‍ പഠിയ്ക്കുകയായിരുന്നു. ജപ്പാനിലെ ബുദ്ധമതത്തെക്കുറിച്ചുള്ള ക്ലാസ് നടന്നുകൊണ്ടിരിക്കുന്നു, പുറത്ത് മഴ പെയ്യുന്നുണ്ട്. ശക്തമായ മഴയുടെ ശബ്ദം കാരണം ഗുരുവിന്റെ വാക്കുകള്‍ ശിഷ്യന്മാര്‍ക്ക് കേള്‍ക്കാന്‍ കഴിയുന്നുണ്ടായിരുന്നില്ല.

മണ്‍സൂണ്‍ കാലത്ത് ഉച്ചതിരിഞ്ഞാല്‍പ്പിന്നെ ശക്തമായ മഴ പെയ്യുക പതിവായിരുന്നു. അപ്പോള്‍ ക്ലാസുകളില്‍ ഗുരു പറയുന്നത് മഴയുടെ ശബ്ദത്തില്‍ അലിയും ശിഷ്യന്മാര്‍ക്ക് അത് കേള്‍ക്കാന്‍ കഴിഞ്ഞിരുന്നില്ല.

ഇവിടുത്തെ പഠനത്തിന് ശേഷം വര്‍ഷങ്ങള്‍ കഴിഞ്ഞ് ഗരെ ഒരിക്കല്‍ തനിയ്‌ക്കൊപ്പം ഗ്രീന്‍ ഗുല്‍ചില്‍ പഠിച്ചിരുന്ന ഒരു സഹപാഠിയെ കണ്ടു. രണ്ടുപേരും ഒന്നിച്ച് അവിടെ മഴക്കാലത്തെ ക്ലാസുകളില്‍ ഇരുന്നിട്ടുണ്ട്.

സഹപാഠി ഗരെയെ കണ്ടപ്പോള്‍ ഇങ്ങനെ ചോദിച്ചു 'മഴയുടെ ശബ്ദത്താല്‍ നമുക്ക് കേള്‍ക്കാന്‍ കഴിയാതെ പോയ ധര്‍മ്മ ക്ലാസുകളെക്കുറിച്ച് ഓര്‍ക്കുന്നുണ്ടോ?'

അപ്പോള്‍ ഗരെ 'ഞാന്‍ ഇപ്പോഴാണ് ആ ക്ലാസുകള്‍ കേള്‍ക്കാന്‍ തുടങ്ങിയിരിക്കുന്നത്'

പറയാത്തതും കേള്‍ക്കാത്തതുമായ വാക്കുകളിലാണ് സെന്നിന്റെ പൊരുള്‍