മഹത്തരമായ അക്ഷരങ്ങള്‍

Published: Tuesday, October 16, 2012, 15:43 [IST]

ക്യോടോയിലെ ഒബാകു ക്ഷേത്രത്തിന്റെ കവാടത്തില്‍ എഴുതിവച്ച പ്രഥമ ബുദ്ധതത്വം എല്ലാവരുടെയും ശ്രദ്ധയാകര്‍ഷിയ്ക്കുന്നതാണ്. സാധാരണയില്‍ നിന്നും വലിപ്പമേറിയ ഈ അക്ഷരങ്ങള്‍ ക്ഷേത്രത്തിലെത്തുന്നവരുടെ ശ്രദ്ധയില്‍പ്പെടാതെ പോകില്ല. കൊസെന്‍ എന്ന കയ്യെഴുത്തുവിദഗ്ധന്‍ കൂടിയായ സെന്‍ ഗുരുവാണ് 200 വര്‍ഷം മുമ്പ് ഇത് എഴുതിയത്. ആദ്യം ഗുരു കടലാസില്‍ എഴുതിയ ഈ അക്ഷരങ്ങള്‍ പണിക്കാര്‍ മരത്തിലേയ്ക്ക് പകര്‍ത്തുകയായിരുന്നു.

ഈ അക്ഷരങ്ങള്‍ ഗുരു എഴുതുമ്പോള്‍ ശിഷ്യനും അദ്ദേഹത്തോടൊപ്പമുണ്ടായിരുന്നു. എന്തും തുറന്നടിയ്ക്കുന്നവനും ബുദ്ധിമാനുമായിരുന്നു ഈ ശിഷ്യന്‍. കൊസെന്‍ ഓരോവട്ടവും എഴുതിയ അക്ഷരങ്ങള്‍ ശിഷ്യനെ കാണിച്ചു. എന്നാല്‍ എല്ലാവട്ടവും ശിഷ്യന്‍ അവ നന്നായിട്ടില്ലെന്നും ആദ്യത്തേതിനേക്കാള്‍ മോശമാണെന്നുമുള്ള അഭിപ്രായങ്ങളാണ് പറഞ്ഞത്.

ഇങ്ങനെ ഒട്ടേറെ മഷി ചെലവാക്കി എണ്‍പത്തിനാലു തവണ ഗുരു ഈ അക്ഷരങ്ങള്‍ എഴുതി, എണ്‍പത്തിനാലുതവണയും ശിഷ്യന്‍ അവ കൊള്ളില്ലെന്ന് അഭിപ്രായപ്പെട്ടു.

ഒടുക്കം ശിഷ്യന്‍ മുറിയില്‍ നിന്നും പുറത്തുപോയപ്പോള്‍ കിട്ടിയതക്കം നോക്കി ഗുരു ധൃതിയില്‍ അതുവരെ എഴുതിയതില്‍ നിന്നും അക്ഷരക്രമങ്ങള്‍ മാറ്റിയെഴുതി. വീണ്ടും അഭിപ്രായം ചോദിച്ചപ്പോള്‍ 'ഇത് മഹത്തരമായിരിക്കുന്നു'വെന്നാണ് ശിഷ്യന്‍ പ്രതികരിച്ചത്.