ശൂന്യമായ മനസ്സ്

Short Story

oi-Staff

By Super

Published: Wednesday, June 13, 2012, 16:58 [IST]

ജോഷുവെന്ന സെന്‍ ഗുരു തന്റെ അറുപതാം വയസ്സിലാണ് സെന്‍ തത്വശാസ്ത്രം പഠിയ്ക്കാന്‍ തുടങ്ങിയത്. എണ്‍പതാം വയസ്സില്‍ സെന്‍ തത്വങ്ങളുടെ പൊരുള്‍ മനസ്സിലാക്കിയ അദ്ദേഹം പിന്നീട് നൂറ്റി ഇരുപതാം വയസ്സുവരെ സെന്‍ തത്വങ്ങള്‍ പഠിപ്പിയ്ക്കുകയും ചെയ്തു.

ഒരിയ്ക്കല്‍ അദ്ദേഹത്തിന്റെ ഒരു ശിഷ്യന്‍ ചോദിച്ചു. 'എന്റെ മനസ്സ് ശൂന്യമാണ്, ഞാനെന്താണ് ചെയ്യേണ്ടത്?'

'അത് എറിഞ്ഞു കളഞ്ഞേയ്ക്കുക'യെന്നായിരുന്നു ഗുരുവിന്റെ മറുപടി.

ഉടനെ ശിഷ്യന്‍ ചോദിച്ചു 'മനസ്സില്‍ ഒന്നുമില്ലാതെ ഞാനെന്താണ് എറിഞ്ഞു കളയേണ്ടത്?'

'എങ്കില്‍ അത് കൂടെ കരുതിയ്‌ക്കോളൂ'- എന്നായിരുന്നു ഗുരുവിന്റെ മറുപടി.