അധ്വാനിയ്ക്കാതെ ഭക്ഷണം കഴിയ്ക്കരുത്

Short Story

oi-Saritha

By Veena

Updated: Saturday, February 9, 2013, 19:49 [IST]

സെന്‍ ഗുരുവായ ഹ്യൂകുജോ എണ്‍പതാമത്തെ വയസ്സിലെത്തിയിട്ടും തന്റെ അധ്വാനശീലം കൈവിട്ടിരുന്നില്ല. വാര്‍ധക്യത്തിലെത്തിയിട്ടും അദ്ദേഹം പൂന്തോട്ടം വെട്ടിയൊരുക്കുകയും തറ വൃത്തിയാക്കുകയും മരങ്ങളുടെ ഇല കോതുകയും ചെയ്യുക പതിവായിരുന്നു. വൃദ്ധനായിട്ടും ഗുരു ഇത്തരം ജോലികളൊക്കെ ചെയ്യുന്നതില്‍ അദ്ദേഹത്തിന്റെ ശിഷ്യന്മാര്‍ക്ക് വലിയ വിഷമമായിരുന്നു. എന്നാല്‍ ഗുരുവിനോട് എന്ത് പറഞ്ഞിട്ടും കാര്യമില്ലെന്നും അവര്‍ക്കറിയാമായിരുന്നു.

ഒരിക്കല്‍ ഇനിയെങ്കിലും ഗുരു വിശ്രമിക്കണമെന്ന് കരുതി ശിഷ്യന്മാരെല്ലാം കൂടി ഗുരിവുന്റെ ജോലിചെയ്യല്‍ നിര്‍ത്തിക്കാനായി ഒരു പദ്ധതിയിട്ടു. അങ്ങനെ അദ്ദേഹം ജോലിയ്ക്കായി ഉപയോഗിക്കാറുള്ള ഉപകരണങ്ങള്‍ ശിഷ്യന്മാര്‍ ഒളിപ്പിച്ചുവച്ചു.

ഉപകരണങ്ങള്‍ കാണാതായതിനാല്‍ അന്ന് ജോലിചെയ്യാന്‍ അദ്ദേഹത്തിന് കഴിഞ്ഞില്ല, അതിനാല്‍ അദ്ദേഹം അന്ന് ഭക്ഷണമൊന്നും കഴിച്ചില്ല. അടുത്ത രണ്ട് ദിവസവും അദ്ദേഹം ഇത്തരത്തില്‍ ഉപവാസം തുടര്‍ന്നു.

നന്നേ വാര്‍ധക്യം ബാധിച്ച ഗുരു ഭക്ഷണം കഴിയ്ക്കാതിരിക്കുന്നത് കണ്ട് ശിഷ്യന്മാര്‍ വിഷമവൃത്തത്തിലായി. ഒടുക്കം ഗുരു ഭക്ഷണം കഴിയ്ക്കാതിരുന്നാലുള്ള പ്രശ്‌നമോര്‍ത്ത് ഇവര്‍ ഒളിപ്പിച്ചുവച്ച ഉപകരണങ്ങള്‍ യഥാസ്ഥാനത്ത് കൊണ്ടു ചെന്നുവച്ചു.

ഉപകരണങ്ങള്‍ തിരികെ കിട്ടിയ ദിവസം ഗുരു പതിവുപോലെ അധ്വാനിയ്ക്കുകയും ഭക്ഷണം കഴിയ്ക്കുകയും ചെയ്തു. അന്നു വൈകുന്നേരെ അദ്ദേഹം തന്റെ ശിഷ്യന്മാരോടായി പറഞ്ഞു 'ജോലിയില്ലെങ്കില്‍ ഭക്ഷണവുമില്ല'