മുഷ്ടിയ്ക്കുള്ളിലെ പാഠം

Short Story

oi-Saritha

By Veena

Published: Wednesday, September 5, 2012, 15:50 [IST]

സെന്‍ ഗുരുവായ മൊകുസെന്‍ ഹിക്കി ടാമ്പ പ്രവിശ്യയിലെ ഒരു ക്ഷേത്രത്തിലായിരുന്നു കഴിഞ്ഞിരുന്നത്. ഒരിക്കല്‍ ഒരു അനുയായി അദ്ദേഹത്തിനടുത്തെത്തി ഭാര്യയുടെ പിശുക്കിനെക്കുറിച്ച് പരാതിപ്പെട്ടു. അനുയായി പറഞ്ഞതെല്ലാം കേട്ട മൊകുസെന്‍ ഒരു ദിവസം അയാളുടെ ഭാര്യയുടെ സ്വഭാവമറിയാനായി അവരുടെ വീട്ടിലെത്തി.

അദ്ദേഹം തന്റെ മുഷ്ടിചുരുട്ടി സ്ത്രീയുടെ മുഖത്തിന് നേര്‍ക്ക് പിടിച്ചുകൊണ്ട് ചോദിച്ചു, 'ഞാനിങ്ങനെ മുഷ്ടിചുരുട്ടി മുഖത്തിന് നേരെ പിടിച്ചിരിക്കുന്നതിന്റെ അര്‍ത്ഥമെന്താണെന്നറിയാമോ?'

അപ്പോള്‍ സ്ത്രീ - 'അതൊട്ടും നല്ലൊരു കാര്യമല്ല'

അതുകേട്ട മോകുസെന്‍ ചുരുട്ടിയ കൈകള്‍ നിവര്‍ത്തി വീണ്ടും അവരുടെ മുഖത്തിന് നേര്‍ക്കു പിടിച്ചു എന്നിട്ട് ചോദിച്ചു, 'ഇങ്ങനെയാണെങ്കില്‍ എന്താണ് അര്‍ത്ഥമെന്ന് അറിയാമോ?'

അപ്പോള്‍ സ്ത്രീ - 'നല്ലകാര്യമല്ല, നേരത്തേതില്‍ നിന്നും വ്യത്യസ്തമാണെന്ന് മാത്രം'

'ഇത്രയൊക്കെ മനസ്സിലാക്കാന്‍ നിങ്ങള്‍ക്ക് കഴിയുന്നുണ്ടെങ്കില്‍ നിങ്ങളൊരു നല്ല ഭാര്യതന്നെയാണ്' എന്നു പറഞ്ഞിട്ട് മൊകുസെന്‍ തിരിച്ചുപോയി.

പിന്നീടൊരിക്കലും ഈ സ്ത്രീ മോശം സ്വഭാവം കാണിക്കുകയോ ഭര്‍ത്താവ് പരാതിയുമായി മൊകുസെനിനെ കാണാനെത്തുകയോ ചെയ്തിട്ടില്ല.