പൊട്ടിയ ചായക്കപ്പ്

Short Story

oi-Saritha

By Veena

Published: Saturday, August 25, 2012, 12:13 [IST]

സെന്‍ ഗുരുവായ ഇകിയു കുട്ടിക്കാലത്ത് വലിയ കൗശലക്കാരനായിരുന്നു. ഒരിക്കല്‍ ഇദ്ദേഹത്തിന്റെ കയ്യില്‍ നിന്നും ഗുരുവിനേറെ ഇഷ്ടപ്പെട്ട, വിലപിടിച്ച ചായക്കപ്പ് വീണു പൊട്ടി.

കപ്പ് വീണുടയുന്ന ശബ്ദം കേട്ട് ഗുരു വരുന്നുണ്ടെന്ന് തോന്നിയപ്പോള്‍ അദ്ദേഹം കാണാതിരിക്കാനായി ഇകിയു കപ്പിന്റെ കഷണങ്ങള്‍ കയ്യിലെടുത്ത് ശരീരത്തിന് പിന്നിലേയ്ക്ക് പിടിച്ചു. ഗുരു അടുത്തെത്തി അപ്പോള്‍ ഇകിയു ചോദിച്ചു "എല്ലാവരും ഒരു ദിവസം മരിയ്ക്കുന്നതെന്താണ്?"

അപ്പോള്‍ ഗുരു- "അത് പ്രകൃതി നിയമമാണ്, ഒരിക്കല്‍ നിലനില്‍ക്കുന്ന വസ്തുക്കളെല്ലാം പിന്നീടൊരിക്കല്‍ നശിയ്‌ക്കേണ്ടതുണ്ട്, എന്തുതന്നെയായാലും അതു സംഭവിയ്ക്കും."

ഇതുകേട്ടതും ഇകിയു തന്റെ കയ്യിലിരുന്ന കപ്പിന്റെ കഷണങ്ങള്‍ ഗുരുവിനെ കാണിച്ചു, എന്നിട്ട് പറഞ്ഞു "അങ്ങനെയെങ്കില്‍ അങ്ങയുടെ ചായക്കപ്പും നശിയ്ക്കാനുള്ള സമയമായിരുന്നു."