അകന്നുപോയ നിശബ്ദത

Updated: Thursday, August 23, 2012, 5:17 [IST]

പ്രശസ്തനായ സെന്‍ ഗുരു സോയിചിയ്ക്ക് ഒരു കണ്ണിന് മാത്രമേ കാഴ്ചയുണ്ടായിരുന്നുള്ളു. ജപ്പാനിലെ ക്യോടോയിലുള്ള പ്രശസ്തമായ ടോഫുകു ക്ഷേത്രത്തില്‍ വച്ചാണ് അദ്ദേഹം തന്റെ ശിഷ്യന്മാരെ പഠിപ്പിച്ചിരുന്നത്.

സോയിചി പഠിപ്പിക്കുമ്പോള്‍ രാവും പകലുമെന്നില്ലാതെ ക്ഷേത്രം നിശബ്ദതയില്‍ ആണ്ടുകിടക്കുക പതിവാണ്. ധ്യാനം മാത്രമാണ് അദ്ദേഹംപരിശീലിപ്പിച്ചിരുന്നത്. സൂക്തങ്ങളും മറ്റും പഠിപ്പിക്കുന്ന രീതി അദ്ദേഹത്തിനുണ്ടായിരുന്നില്ല, ശിഷ്യന്മാരെല്ലാം എല്ലായ്‌പ്പോഴും ധ്യാനത്തിലായിരിക്കും.

ഇങ്ങനെയിരിക്കെ ഒരിക്കല്‍ ക്ഷേത്രത്തില്‍ നിന്നും മണിനാദവും പിന്നാലെ ഉറക്കെ ചൊല്ലുന്ന സൂക്തങ്ങളും കേട്ടുതുടങ്ങി. ഇതിന് ശേഷമാണ് ക്ഷേത്രത്തിനടുത്ത് താമസിക്കുകയായിരുന്ന പ്രായമായ സ്ത്രീ സോയിചി മരിച്ചുപോയകാര്യം മനസ്സിലാക്കിയത്.